साताका ७ स्टोरी
साताका ७ स्टोरीमा देशमा गुमनाम भए पनि विदेशमा घुमिरहेको नेपाली फिल्मदेखि गढीमाईको रौनकसम्म
१) [ उपचुनाव समीक्षा ] सरकारलाई खबरदारी, प्रतिपक्षप्रति आशावादी, अरू दलको ‘अन्त्येष्टि’
निर्वाचनमार्फत जनताले नेकपा र कांग्रेस दुवैलाई सुधार र रूपान्तरणका लागि अवसर दिएका छन् । आत्मसमीक्षा गरेनन् भने यसको मूल्य दुवैलाई महङ्गो पर्नेछ । गेजा शर्मा वाग्लेको विश्लेषण पूरा पढ्नुस्
२) २० तस्बिरमा हेर्नुस् गढीमाईका रङहरू
गढीमाई मेलामा दिइने पशुबलिका आलोचक बढ्दैछन् । तर त्यसले गढीमाईको पशुबलि घटेको छैन । गढीमाई पञ्चवर्षीय मेला मूल व्यवस्थापन समितिका अनुसार यसपटक ८ हजार भन्दा बढी राँगा र अनगिन्ति बोका र पंक्षीहरूको बलि दिइएको छ । यो आँकडा २०७१ सालको मेला भन्दा बढी हो । विस्तृतमा हेर्नुस् लक्ष्मी साहको रिपोर्टिङ तथा सरोज बैजुका तस्बिरहरू
३) ‘क्लाउड नाइन’ मा बसिरहन नरुचाउने न्युयोर्क नगरीका फेसन डिजाइनर
अमेरिका अर्थात् स्वप्नधर्ती, जो स्वतन्त्रताको पर्यायवाची थियो, अहिले आफैँ रंगभेद र निरंकुशतातिर ढल्किरहेको छ । यस्तो माहोलमा फेसन डिजाइनर प्रबल गुरुङ, ४२, ले ‘हु गेट्स टु बी अमेरिकन’ शीर्षकमा स्प्रिङ–२०२० कलेक्सन न्युयोर्क फेसन विकमा प्रदर्शन गरे । अमेरिकामा भइरहेको राजनीतिक मुद्दालाई प्रबलले पोसाकका माध्यमबाट दर्शाए । उनको कलेक्सनले अमेरिकी समाजको सुरुआत र त्यसको जरालाई पुनर्मूल्यांकन गर्यो । प्रबलले यसरी महिला र सीमान्तकृतबारे कुरा उठाउँदा फेसन डिजाइनरलाई महिला अधिकारबारे किन चासो भनेर प्रश्न उठाइएको थियो । सुनिता लोहनीको रिपोर्टिङ विस्तृतमा पढ्नुस्
४) विदेशी फेस्टिभलहरूमा वाहवाही लुटिरहेको एउटा सिनेमा, जसको नेपालमा चर्चा छैन
एसियाको प्रतिष्ठित बुसान अन्तर्राष्ट्रिय फिल्म फेस्टिभलको २४ औँ संस्करणमा एउटा नेपाली फिल्मको ‘वर्ल्ड प्रिमियर’ भयो, आमा खान्डो । यही फिल्म इन्टरनेसनल फिल्म फेस्टिभल अफ इन्डिया, गोवामा स्क्रिनिङ भयो । काठमाडौँ अन्तर्राष्ट्रिय पर्वतीय फिल्म महोत्सव (किम्फ) को १७ औँ संस्करणका लागि छानिएको छ । संसारका अन्य ख्यातिप्राप्त सिने–महोत्सवबाट पनि फिल्म युनिटले निम्तो पाइरहेको छ । तर न फिल्मवृत्तमा चर्चा छ, न त मिडियामा । गोकर्ण गौतमको रिपोर्टिङ विस्तृत पढ्नुस्
५) [फोटो कथा] गढीमाई मेलामा पशुबलिको विरोध हुँदै छ, दर्शनार्थी भने झन् थपिँदै छन्
पशुबलिका कारण बढ्ता चर्चामा आउँछ, गढीमाई हिजोआज । मध्य मधेसको बारा सदरमुकाम कलैया नजिकै बरियारपुरमा पाँच वर्षमा एकपल्ट लाग्ने यो मेला रंगैरंगले भरिएको अपूर्व उल्लासको उत्सव हो । कलैयाबाट ६ किमि पूर्वतिर अघि बढ्दा पुगिन्छ, गढीमाई । तान्त्रिक विधिबाट रातभरि पूजा चल्ने गढीमाईमा बिहान ४ बजेतिर सेतो मुसा खोजेर त्यसको बलि दिने चलन छ । त्यसपछि पालो आउँछ, क्रमश: सुँगुर, परेवा, हाँस, कुखुराको । त्यसपछि नरबलिको । विस्तृत पढ्नुस्
६) नौ मिटरको सडक
बाटो पहिलोचोटी आएको समय ऊ एकदमै उत्साहित भएको थियो । त्यसो त किन ऊ मात्र, गाउँ नै हर्षित बनेको थियो । बाटो बिग्रन्छ कि भनेर अन्तरे खायल छेवैको खोल्सामा आफ्नै खर्चले पाइप ल्याएर कुलो कटाएको थियो । अब उसको पुरानो पाइप नयाँ बनेको बाटोको पानी कटाउन लागि पर्याप्त थिएन । आलो माटोमा पुरिएको आफ्नो कोदोबारी हेर्दा हेर्दै बाइकको आवाज सुनिन थाल्यो । तर उसले नजर सोझ्याएन । गाउँका सबैले वीरसिंको बाइकको आवाज पहिचान गर्न सक्थ्यो । वीरसिँको पीए नरेनले उसको छेउमा ल्याएर बाइक रोकायो, उसले हेर्ने बल नै गरेन । र, नरेन पछाडी बसेको वीरसिंले पनि अचम्म मानेन । विस्तृत पढ्नुस्
७) पढ्नुहोस्, ‘माछा माछा’ को समीक्षा
काम छैन, दामको चर्को अभाव छ । खाने, बस्नेसमेत टुंगो छैन । त्यसैले पैसाकै लागि अपराध गर्नुपर्ने बाध्यता आइलाग्छ, हत्या, अपहरण, लुटपाट यस्तै–यस्तै । तर ढंग पुग्दैन, एकपछि अर्को संकटमा फस्नुपर्छ । उज्यालो होला भनेको जीवन झन् अन्धकारतिर धकेलिन्छ ।ही कथाको आसपासमा दर्जनौँ फिल्म बनेका छन् । नेपाली फिल्मवृत्तका लागि कोसेढुंगा मानिने लुट पनि करिब यस्तै छ । लुटपछि त यस्तै कथा र शैलीमा फिल्म बनाउने होडबाजी नै चल्यो । यसको धङधङी अझ अन्त्य भएको छैन । प्रमाण हो, माछा माछा । बासी कथा नै सही, प्रस्तुति रोचक हुन सक्थ्यो तर निर्देशक सुनील गुरुङ यस मामलामा पनि चुकेका छन् । विस्तृत पढ्नुस्
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...