हुप्सेकोट गाउँपालिका अध्यक्षको खण्डन, नेपाल सम्वाददाताको जवाफ
'१३ वर्षमै बच्चा पाउँदा' शीर्षकमा प्रकाशित सामग्रीमा हुप्सेकोट गाउँपालिका अध्यक्ष लक्ष्मीदेवी पाण्डेको खण्डन र नेपाल सम्वाददाताको जवाफ
नेपाल राष्ट्रिय साप्ताहिकको ९ चैत २०७६ को अंकमा १३ वर्षमै बच्चा पाउँदा शीर्षकमा प्रकाशित सामग्रीमा हुप्सेकोट गाउँपालिका अध्यक्ष लक्ष्मीदेवी पाण्डेको मिलेमतोमा घटना लुकाउन खोजिएको भनी लेखिएकामा आश्चर्यचकित भएकी छु । नेपालकी प्रनिनिधिले मसँग गरेको कुराकानीभन्दा भिन्न तरिकाले समाचार प्रस्तुत गर्नु दुराशयपूर्ण छ ।
मेरो नाम जोडेर पीडित किशोरीको स्वास्थ्यभन्दा पनि घटना लुकाएर मेलमिलाप गराई पदीय दुरुपयोग भएको आशंकामा मेरो गम्भीर आपत्ति छ । नियतवश कपोलकल्पित, भ्रामक र तथ्यहीन आरोप लगाएर गलत सूचना प्रवाह गरी व्यक्तिगत र राजनीतिक चरित्रहत्या गर्न खोजिएको मेरो ठहर छ ।
म यस घटनामा किशोरी वा अरु कुनै पक्षलाई मेलमिलाप गराउने कार्यमा संलग्न छैन । गाउँपालिका किशोरीलाई अस्पतालले भर्ना नलिनुको कारण थाहा पाउने निकाय पनि होइन । यो फौजदारी घटना भएकाले मेलमिलाप गराउने गुन्जायसै रहँदैन । अनुसन्धान गर्ने निकाय प्रहरी हो र त्यसको आधार डाक्टरी रिपोर्ट ।
गलत समाचार प्रकाशनले अन्ततः समाजलाई नै ठूलो क्षति हुन जान्छ । साथै वास्तविक अपराधी लुकाउने र प्रहरी अनुसन्धानलाई पनि प्रभावित पार्न सक्छ । तसर्थ सही र सत्य समाचार मात्र प्रकाशित गर्न सम्पादकको ध्यानाकर्षण गराउँछु ।
सो घटना प्रहरीको अनुसन्धान र बालिकाको स्वास्थ्य परीक्षणबाट सत्यतथ्य सार्वजनिक भई पीडकलाई कानुनी कारबाही हुने कुरामा म स्पष्ट छु । साथै गाउँपलिकाबाट गर्नुपर्ने आवश्यक सहयोग र समन्वयका लागि आफू हरदम तयार रहेको जानकारी समेत गराउँछु ।
लक्ष्मीदेवी पाणडे
अध्यक्ष, हुप्सेकोट गाउँपालिका, नवलपुर
हाम्रो स्पष्टीकरण
नवलपुरको हुप्सेकोट–१ सुन्दरबस्ती बेलुवाकी १३ वर्षीया किशोरीले मृत शिशु जन्माएको सूचना पाएपछि मैले गाउँपालिका अध्यक्ष लक्ष्मीदेवी पाण्डेसँग टेलिफोन सम्पर्क गरेकी थिएँ । तर पाण्डेमा ती पीडित किशोरीको स्वास्थ्यबारे संवेदनशीलता देखिएन ।
गाउँपालिका अध्यक्ष, त्यो पनि महिला भएकाले किशोरीको स्वास्थ्यप्रति उनको स्वाभाविक चासो हुनुपर्थ्यो । मिलापत्रमा संलग्न जनप्रतिनिधिहरूलाई स्पष्टीकरण समेत सोध्नुपर्थ्यो । मिलापत्रका कारण पीडित किशोरी १५ वर्षीय किशोरकै घरमा बुहारीको हैसियतमा बसिरहेकी छन् भने किशोर २१ दिनदेखि हिरासतमै छन् ।
नेपाल साप्ताहिकमा गाउँपालिका अध्यक्ष पाण्डे मिलापत्रमा संलग्न रहेको उल्लेखै छैन ।
सुनिता लोहनी
नेपाल सम्वाददाता
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...