होलिया-२, ३, ४ र ५ का बस्ती अहिले बगर बनेका छन् । घरखेत बगाएपछि निकै दयनीय जीवन बिताइरहेका पीडितलाई अर्को वर्षाअघि नै सुरक्षित स्थानमा घरबासको व्यवस्था गर्न नसके फेरि उस्तै जोखिममा पर्ने अवस्था छ ।

प्राविधिक समितिले सुरक्षित बसोवासका लागि ६ महिनाअघि जग्गा खोज्न थाले पनि अहिलेसम्म ठाउँको टुंगो लागेको छैन । को बाढीपीडित हुन् र को होइनन् भन्ने छुट्याउनमै पाँच महिना बितिसकेको छ । कतिसम्म भने राजनीतिक दलका नेताहरूले भारतीयलाई समेत पीडित भन्दै सिफारसि गरेको पाइएको छ । राप्तीको बाढीले ७ सय २४ घरका परविार प्रभावित हुँदै आएका छन् भने हरेक वर्ष २० करोड रुपियाँबराबरको क्षति हुने गरेको छ ।