फिल्मले बक्स अफिसमा तहल्का पिटेपछि हिरोइनको चुरीफुरी बढ्नु त ठीकै होला । चलेका कलाकारको घुर्की र घमन्ड सहेर भए पनि फिल्म खेलाउन निर्माता/निर्देशक बाध्य हुन्छन् तर फ्लप फिल्मको ओइरो लगाएकी हिरोइनले पनि यस्तै व्यवहार देखाउँदा चाहिँ उदेक लाग्दो रहेछ । नपत्याए नीता ढुंगानालाई हेर्नूस् । नीताका पछिल्ला फिल्म फूलैफूलको मौसम तिमीलाई, तँ, म र ऊ, लेकसाइड अनि पार्सलले न पैसा कमाए, न प्रशंसा ।

सोही कारण उनलाई करिअर जोगाउनै हम्मेहम्मे परिरहेको छ । तर, ओरालो लागिरहेका बेला आफ्नो पारिश्रमिक हास्यास्पद शैलीमा बढाएकी छन् । ५ चैतमा काठमाडौँमा आयोजना गरिएको नयाँ फिल्म निर्भयको प्रेस सम्मेलनमा नीताले प्रतिफिल्म १० लाख रूपिया“ डिमान्ड गरेकी हुन् । जुन रकम सौगात मल्ल, दयाहाङ राईजस्ता चल्तीका स्टारले समेत 

पाउँदैनन् । जे होस्, नीताको आँटलाई भने मान्नैपर्छ ।