रुबीको चमक
राजधानी यांगुनमा घरसमेत बनाइसकेका अधिकारीको रुबीबाहेकका अन्य व्यवसाय साझेदारीमा चलेका छन् । प्रत्येक वर्ष हङकङमा लाग्ने रुबीको व्यापार मेला छुटाउँदैनन् ।
दीपक अधिकारी, म्यानमार
नेपाली मूलका धेरै बर्मेलीको थातथलो हो, म्यानमार । यही म्यानमारमा रुबीको व्यापारमा जमेका छन्, दीपक अधिकारी, ५२ । नेपालबाट आएका उनका बाजे ठूला खानीमा श्रमिक थिए । बुबाले मख्खन कारोबार थाले । दाइले मख्खन कारोबारलाई निरन्तरता दिए । तर, उनी भने मख्खनमै मख्ख परेनन् । बहुमूल्य पत्थर रुबीदेखि होटल व्यवसाय रोजे । नचिताएको सफलता पाए । अर्थात्, बाजे पुस्ता मजदुर थिए भने नाति पुस्ता व्यापारी बनेर निस्किए ।
म्यानमारमा झन्डै दुई दर्जनभन्दा बढी अर्बपति नेपाली छन् । र, करोडपतिको संख्या सयभन्दा बढी छ । त्यसमध्येका एक उदाहरण हुन्, दीपक । दीपक नेपाली गोर्खा विश्व विद्यालय सहयोग मण्डलीका अध्यक्षसमेत हुन् । उनको परिचय यत्तिमै सीमित छैन । उनी म्यानमारमा नेपालीको सहयोगका लागि सबैभन्दा बढी सहयोग गर्ने मनकारीमध्येमा पर्छन् ।
उनले पछिल्लो समय अंग्रेजकालीन हिल स्टेसन कलाउ र इन्ले लेकमा दुइटा होटल सञ्चालन गरिरहेका छन् । दुवै होटलमा झन्डै ६० करोड रुपियाँबराबरको लगानी रहेको अधिकारी बताउँछन् । दीपकका बाजे नेपालबाट बर्मा गएका हुन् । उनका बुबा यतै जन्मे, उनीचाहिँ म्यानमारको प्यींउल्विनमा जन्मिए । बाजे र बुबा खेतीपाती गर्थे । दाइ धनेश्वर मख्खनको कारोबार गर्न ५० वर्षअघि प्यींउल्विनबाट राजधानी यांगुन छिरे । त्यतिबेला मख्खनको व्यापारमा नेपाली अग्रणी थिए । सन् १९७८ मा म्यानमार आएका दीपकले रंगुन विश्वविद्यालयबाट केमिस्ट्रीमा बिएससी गरेपछि दाइ धनेश्वरकै बाटो पछ्याए ।
उनले कफी र चियाको व्यापारमा समेत हात हालेका छन् । तीन वर्षदेखि मोगोकमा कफी र चिया खेती सुरु गरेका उनले उत्पादन अमेरिकी बजारमा बेचिरहेका छन् । भन्छन्, “अमेरिकी बजारमा म्यानमारको कफी र चिया निकै रुचाइएको छ ।”
मोगोकका नेपाली यांगुनमा आउजाउ गरिरहन्थे । तीमध्ये अधिकांशले रुबीको व्यापार गर्थे । व्यापारकै सोचका कारण उनलाई सन् १९८८ मा मोगोक पुर्यायो । सुरुवाती दिनमा कोठा भाडा तिर्न पैसा थिएन । मिहिनेत र संघर्षले उनी म्यानमारका नेपाली मूलका व्यापारीमाझ अग्रणी छन् । भन्छन्, “संघर्षका सुरुआती दिन कष्टकर भए पनि त्यही संघर्षले मलाई सफलता प्राप्तिमा सघाएको हो ।”
राजधानी यांगुनमा घरसमेत बनाइसकेका अधिकारीको रुबीबाहेकका अन्य व्यवसाय साझेदारीमा चलेका छन् । प्रत्येक वर्ष हङकङमा लाग्ने रुबीको व्यापार मेला छुटाउँदैनन् । रुबी खरिदका लागि भारत, थाइल्यान्ड, चीन, अमेरिका, युरोप र सिंगापुरका व्यापारी उनको घरमै पुग्छन् । म्यानमारमा नेपालीका करिब ३ सयजति बस्ती र तीन लाख जतिको संख्यामा नेपाली छन् ।
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...