बजारमा देखिएन वित्तीय विवरणको प्रभाव
कम्पनीहरूले बोनस सेयरको तुलनामा नगद लाभांशमा जोड दिने सम्भावना लगानीकर्ताले देखेका छन् । यही कारण बजारमा सुधार हुन नसकेको हो ।
कर्जाको ब्याजदर खासै कमी नआएका कारण बढ्न नसकेको सेयर बजारलाई बैंक तथा वित्तीय संस्थाको नाफाले टेवा दिन सकेन । अधिकांश बैंक तथा वित्तीय संस्थाको मुनाफामा सामान्य वृद्धि र केहीमा अघिल्लो आर्थिक वर्षको तुलनामा कमी आएपछि बजारमा सकारात्मक प्रभाव पर्न नसकेको हो ।
साताभरमा नेप्से परिसूचक १० अंकले घटेको छ । गत बिहीबार ११९१ बिन्दुमा रहेको नेप्से घटेर ११८० बिन्दुमा आएको हो । असार पहिलो सातादेखि नेप्से ११८१ देखि १२२४ को सीमाभित्र रहेर तलमाथि गरिरहेको छ । बजारले ११७५ को पुरानो उच्च बिन्दुमा टेवा खोजिरहे पनि पाउन सकेको छैन ।
वित्तीय विवरण प्रकाशित गरेका अधिंकाश बैंक तथा वित्तीय संस्थाहरूको सेयर मूल्य नेटवर्थको दोब्बरसमेत पुग्न सकेको छैन । केही कम्पनीको सेयर मूल्य नेटवर्थ मूल्यभन्दा पनि तल छ । नेप्सेले समेत पहिलो पटक बजारमा कारोबारमा आउने कम्पनीका लागि नेटवर्थको तीन गुणासम्म मूल्य तोकिदिने गर्छ । कम्पनीहरूले प्रिमियम मूल्य तोकेर नयाँ सेयर (एफपीओ) जारी गर्दासमेत नेटवर्थका आधारमा पाँच गुणासम्म मूल्य तोक्न सकिने व्यवस्था छ । तर, बजारमा नेटवर्थ मूल्यभन्दा पनि कममा सेयर कारोबार भइरहेको छ ।
बजारमा बैंकहरूको प्रतिसेयर मूल्य नेटवर्थ मूल्य आसपास रहेकाले बजार बियरिस ट्रेन्डमा नै रहेको संकेत गरिरहेको छ । कतिपय अवस्थामा भने सेयरको मूल्य अवमूल्यन भएको समेत यसले संकेत गर्छ ।
बैंकहरूको प्रतिसेयर आम्दानीमा वृद्धि नदेखिएकाले पनि सेयर मूल्य बढ्न सकेको छैन । यही कारण बजार पनि ओरालो लागेको छ । गत वर्षहरूमा २५/३० रुपियाँको दरमा प्रतिसेयर आम्दानी हुने गरेको थियो । यसले कम्तीमा कम्पनीले २०/२२ प्रतिशत लाभांश दिने सम्भावना देखिन्थ्यो । हालको आम्दानीले उक्त दरमा प्रतिफल बाँड्न नसकिने देखिएको र कम्पनीहरूले बोनस सेयरको तुलनामा नगद लाभांशमा जोड दिने सम्भावना लगानीकर्ताले देखेका छन् । यही कारण बजारमा सुधार हुन नसकेको हो ।
प्रतिसेयर आम्दानी घटेकै कारण बैंकहरूको मूल्य आम्दानी अनुपात पनि घट्दै गएको छ । यस्तो अनुपात २० देखि ३० प्रतिशतको हाराहारीमा रहनु सही मानिन्छ । यो सूचकले कम्पनीले एक रुपियाँ कमाउँदा लगानीकर्ताले त्यो कमाइका लागि कति रुपियाँ हालिरहेका छन् भन्ने संकेत गर्छ । २० भन्दा मुनि मूल्य आम्दानी अनुपात हुँदा कम्पनीको सेयर मूल्य अवमूल्यन भएको हुन सक्ने मानिन्छ । वित्तीय अवस्था खराब रहेका कम्पनीको मूल्य आम्दानी अनुपातसमेत कम हुने गर्छ ।
सम्बन्धित
राष्ट्रको आर्थिक योजनाको मेरुदण्ड मानिने बजेटमा निश्चित व्यक्ति एवं घरानाको स्वार्थ हावी ह...
बजेटमा चलखेल, पहिलो घटना भने होइन
निश्चित व्यापारी पोस्ने ध्येयले भन्सार दर परिवर्तन गर्ने अर्थमन्त्री खतिवडाको व्यापारीसँग ...
गुलियो चकलेटभित्रको नमीठो खेल
लकडाउनको उकुसमुकुसमा अनौपचारिक क्षेत्रका श्रमिकहरू...
भाइरसबाट बच्न खोज्दा भोकै परिने डर
गाउँपालिकालाई खाद्यान्नमा आत्मनिर्भर बनाएर गाउँ फर्किएका युवालाई कृषि पेसामा प्रोत्साहन गर...
खाद्यान्न बढी फलाउनेलाई नगदै पुरस्कार
सरकारले कोरोनापछिको अर्थतन्त्र चलायमान बनाउन स्वास्थ्य, कृषि, पूर्वाधार र रोजगारी सिर्जनाल...
आउँदो बजेटमा प्राथमिकताका तीन क्षेत्र
सय दिन नेपाली आकाशमा रहने मनसुनले अनुकूल वर्षा गराउने आकलन...