“रिपोर्टको ढड्डाले ढाड कुप्रिन छाड्यो”
प्रविधिका अनेक पक्षसँग परिचित छिन्, राष्ट्रिय मानव अधिकार आयोगकी सदस्य तथा प्रवक्ता मोहना अन्सारी । ग्याजेट किन्दै जाने क्रममा नोकियाको सानो सेटबाट उनी अहिले एप्पलसम्म आइपुगेकी छन् । “एप्पलका फोन महँगो हुने हुँदा हतपत अपग्रेड गर्ने योजना भने छैन ।
प्रविधिका अनेक पक्षसँग परिचित छिन्, राष्ट्रिय मानव अधिकार आयोगकी सदस्य तथा प्रवक्ता मोहना अन्सारी । ग्याजेट किन्दै जाने क्रममा नोकियाको सानो सेटबाट उनी अहिले एप्पलसम्म आइपुगेकी छन् । “एप्पलका फोन महँगो हुने हुँदा हतपत अपग्रेड गर्ने योजना भने छैन । अहिले आइफोन ६ एस प्लस चलाउँछु । सुविधाजनक नै छ । तर, एप्स्टोरबाट कुनै एप्लिकेसन डाउनलोड गर्नचाहिँ साह्रै झन्झट,” उनले अनुभव सुनाइन् ।
१७ को उमेरमा पहिलो पटक डेस्कटप देखेकी मोहना कार्यालयीय कामकाजका लागि भने म्याकबुक प्रयोग गर्छिन् । भन्छिन्, “सुरक्षाका दृष्टिले निजी म्याकबुक नै ठीक लाग्छ । आपैँmले बोकेर हिँड्ने हुँदा महफ्वपूर्ण फाइल चोरी नहुने कुरामा ढुक्क छु ।” एचपी, लेनोभो, सोनी, डेल हुँदै म्याकबुकसम्म आइपुग्दा उनले अनेकथरी प्रविधिसँग साक्षात्कार गर्न पाइन् । यात्रामा जाँदा चाहिने आवश्यक दस्तावेज बोक्न भने उनलाई आफ्नो आइप्याड सजिलो लाग्छ । यी ग्याजेटले उनको जीवन सहज बनाइदिएका छन् । “रिपोर्टको ढड्डाले ढाड कुप्रिन्थ्यो पहिले । अहिले जहाँ जाँदा पनि फाइलका सफ्ट कपी नै लैजान्छु,” उनको थप अनुभव छ ।
मोहनाको सामाजिक सर्कल ठूलो छ । ट्वीटरमा २२ हजारभन्दा बढीले उनलाई पछ्याएका छन् । ती व्यक्तिसँग सामाजिक सञ्जालकै माध्यमबाट अन्तक्र्रिया गर्न पाउनुलाई उनी प्रविधिको ठूलो फड्को मान्छिन् । भन्छिन्, “सोसियल मिडिया क्रान्तिको युगजस्तो लाग्छ मलाई अहिले । सञ्चार यति सर्वसुलभ होला भन्ने कहिल्यै लागेको थिएन ।”
ई–सेवाजस्ता क्यासरहित भुक्तानी माध्यमले उनको जीवन सहज बनाइदिएका छन् । एप्पलको भ्वाइस असिस्टेन्ट सिरीसँगको संवादले फोन प्रयोग सरल बनाइदिएको छ । त्यसैले उनलाई लाग्छ, अहिलेको युगमा सबैलाई सानै उमेरदेखि प्रविधिमैत्री बनाउन आवश्यक छ । “हामी हाम्रा बालबच्चा नासामा पुगून् भन्ने सोच्छौँ । तर, बिग्रेलान् कि भनी ग्याजेट हातमा थमाइदिन डराउँछौँ,” उनी थप्छिन्, “बरु निगरानी राखौँ । तर, प्रविधिबाट टाढा भने नराखौँ ।”
सम्बन्धित
जब हामी मस्तिष्कभन्दा धेरै कृत्रिम बौद्धिकतामा भर पर्न थाल्छौं, मान्छेमा निर्णय गर्ने अधि...
डाभोसमा हरारी : प्रविधिको विकासले समाप्त हुनसक्छ मानव जाति
काठमाडौँ विश्वविद्यालय र आबारीको संयुक्त प्रयासमा नेपाली मौलिकता झल्काउने बाँसबाट निर्मित ...
बाँसको कार्गो बाइक
प्रतिनिधिसभाको विकास तथा प्रविधि समितिले पारित गरेको विधेयकका दफामा यस्ता कैयौँ व्यवस्था छ...
नियन्त्रित गणतन्त्र - ५ : सूचना प्रविधि विधेयकसँग झस्किनुपर्ने ८ कारण
फेसबुक पेज र ग्रुपमार्फत तन्नेरीहरु सकारात्मक अभियानमा ...
फेसबुक पेज र ग्रुपमा तन्नेरीहरुकाे सुकर्म
असीम पाण्डे नेतृत्वको सात युवाको समूहले यात्री नामक विद्युतीय मोटरसाइकल बनाएको हो । उक्त म...
यस्तो छ नेपालमै बनेको यात्री मोटरसाइकल
ट्रोलले तपाईँ हामीलाई क्षणिक मनोरञ्जन पक्कै दिन्छन् । तर ट्रोलले बनाउने सामाजिक मनोविज्ञान...