अवैध आर्जन
पूर्वी नाकामा नुनदेखि सुनसम्म खुलेआम तस्करी
झापा– कुनै पनि अवैध कारोबार सहजै हुन सक्छ, खुला सिमानामा । नेपाल छिर्ने पूर्वी नाकाबाट पनि प्रहरी प्रशासनको आँखा छलेर होस् या आँखा चिम्लिन बाध्य पारेर खुलेआम नुनदेखि सुनसम्म तस्करी फस्टाएकै छ ।
कछुवा, पाहा भ्यागुतो, सर्पजस्ता जीवजन्तु र तिनको विषदेखि सालकको खपटा होस् या लोपोन्मुख वन्यजन्तुका हड्डी–खुट्टीदेखि दुर्लभ वनस्पतिसमेत पूर्वी नाकाको बाटो प्रयोग गरेर भारत तथा तेस्रो देश चोरी–निकासी हुने गरेको छ । पाँचऔँले, पाखनवेत, ठूलो ओखती, यार्सागुम्बालगायतका हिमाली जडिबुटी पनि भारत तस्करी हुने गरेको पाइएको छ । सुपारी, विदेशी सामान, स्याउसँगै मरीच पनि चीन तथा तेस्रो देशबाट आएर वर्षौंदेखि भारततर्फ चोरी–निकासी हुँदै आएको छ ।
नेपाल–भारतबीचको वाणिज्य सन्धिमा तेस्रो देशबाट आयातीत वस्तु नेपालमै खपत गर्नुपर्ने र अन्य मुलुकमा बिक्री गर्न नपाउने प्रावधान छ । तर, नेपालले सधैँ आफ्ना लागि आयात गरेर भारत पठाउने गरेको छ ।
सुपारी, विदेशी सामानदेखि अहिले आएर मरीचसमेत नेपालको बाटो भएर भारत तस्करी हुने गरेको छ । “भारतले उच्च करका कारण यी वस्तु सोझै आयात गर्दैन,” मेची भन्सार कार्यालयका एक अधिकारी भन्छन्, “त्यसैले नेपालले आयात गरेका सामान तस्करी बाटोबाट भारत पुर्याइन्छ ।”
गाँजा नेपालबाट जान्छ । चरेस, ब्राउन सुगरजस्ता महँगा लागूपदार्थ भारतबाट भित्रिन्छ । लागूऔषधसहित दैनिक एक जनालाई त प्रहरीले पक्राउ गरेकै छ । समुद्री घोडा (सीहर्स) नामक एक प्रकारको जलप्राणीको समेत तस्करी भइरहेको छ । खासमा पेरुबाट तस्करी भएर आउने सीहर्स भारत हुँदै काँकडभिट्टा नाकाबाट भित्रिने गरेको छ । विदेशबाट आयातीत यो वस्तुको चीनमा अत्यधिक माग रहेको बताइएको छ ।
यो वस्तु नेपाल हुँदै चीन पुर्याउँदा हजारौँ डलरमा बिक्री हुने सम्बद्ध व्यवसायीलाई उद्धृत गर्दै प्रहरीले जनाएको छ । क्यान्सरको औषधी उत्पादनमा यसको प्रयोग गरिने अनुमान छ । पूर्वोत्तर भारतको असम, मणिपुर, मेघालयलगायतका राज्यबाट मान्छेको खप्पर वर्षौं अघिदेखि नेपालमा तस्करी हुँदै आएको छ ।
केही समयअगाडि भारतको पश्चिम बंगालस्थित सिलिगुडी प्रहरीले दुर्लभ वन्यजन्तु सालक तस्करीमा संलग्न नेपाली नागरिक राजु बम्जनलाई पक्राउ गरेको थियो । प्रहरीका अनुसार बम्जन नेपालबाट सालक तस्करी गरी भारत हुँदै बर्मासम्म पुर्याउने नाइके हुन् । यसअघि गैँडाको सिङ तस्करीको आरोपमा तीन नेपाली असममा पक्राउ परेका थिए । चन्दनको तस्करी पनि कुनै जमानामा नभएको होइन । तर, हाल भने यो नाकाबाट ठूलो परिमाणमा तस्करी हुँदैन ।
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...