चुलियो बजार भाउ
सरकारी आँकडामा गत वर्ष दसैँताकाको तुलनामा करिब ७ प्रतिशतले मूल्यवृद्धि भएको देखिए पनि बजारमा भने २३ प्रतिशतसम्म बढेको छ ।
यसपटक दसैँमा पनि यातायात, तरकारी, खाद्यान्नमा जम्माखोर, नाफाखोर व्यवसायीले गरेको मूल्यवृद्धि नियन्त्रणमा सरकार सफल देखिएन । सरकारी आँकडामा गत वर्ष दसैँताकाको तुलनामा करिब ७ प्रतिशतले मूल्यवृद्धि भएको देखिए पनि बजारमा भने २३ प्रतिशतसम्म बढेको छ ।
सरकारले तोकेको वा व्यवसायीले पेस गरेको दरभन्दा बजारमा केही खाद्यान्नको मूल्य ३३ प्रतिशतसम्म बढेको छ । गत वर्षको तुलनामा चिनी, प्याजजस्ता वस्तुको भाउ घटेको छ । चिउरा, बोडी, केही मिठाईजस्ता सामग्रीको भाउ स्थिर छ । यातायात क्षेत्रमा सरकारले पेट्रोलियम पदार्थमा भएको मूल्यवृद्धिको कारण देखाउँदै यसपटक १० प्रतिशत भाउ बढाएको छ । तर, सधैँ अनियन्त्रित देखिने यस क्षेत्रमा यात्रुसँग व्यवसायीले भने तोकिएभन्दा ३६ प्रतिशतसम्म बढी मूल्य असुलिरहेका छन् ।
संघीय संसद्को सार्वजनिक लेखा समितिले खुद्रा चिनीको मूल्य प्रतिकेजी ६३ रुपैयाँ तोक्न पटक–पटक निर्देशन दिए पनि सरकारले चिनीको भाउ प्रतिकेजी ७०/७२ मा रहने गरी लगाम लगाइरहेको छ । बढ्दो पेट्रोलियम र डलरको विनिमय दरमा भइरहेको वृद्धिले केही हदसम्म मूल्य बढेको हो । सरकारले कपडामा भन्सार दर बढाएका कारण मूल्यवृद्धि भएको व्यापारीको दाबी छ । गुणस्तर, ब्रान्डका नाममा तेल, दालदेखि लत्ताकपडामा भाउ अलगअलग राखेर सर्वसाधारणसँग मनलाग्दी असुलिँदै आएको छ । राष्ट्रिय उपभोक्ता मञ्चका अध्यक्ष प्रेमलाल महर्जन भन्छन्, “अन्तर्राष्ट्रिय बजारको तुलनामा हामीले चिनी, तेललगायतमा बढी मूल्य तिर्नु परिरहेको छ ।”
सम्बन्धित
राष्ट्रको आर्थिक योजनाको मेरुदण्ड मानिने बजेटमा निश्चित व्यक्ति एवं घरानाको स्वार्थ हावी ह...
बजेटमा चलखेल, पहिलो घटना भने होइन
निश्चित व्यापारी पोस्ने ध्येयले भन्सार दर परिवर्तन गर्ने अर्थमन्त्री खतिवडाको व्यापारीसँग ...
गुलियो चकलेटभित्रको नमीठो खेल
लकडाउनको उकुसमुकुसमा अनौपचारिक क्षेत्रका श्रमिकहरू...
भाइरसबाट बच्न खोज्दा भोकै परिने डर
गाउँपालिकालाई खाद्यान्नमा आत्मनिर्भर बनाएर गाउँ फर्किएका युवालाई कृषि पेसामा प्रोत्साहन गर...
खाद्यान्न बढी फलाउनेलाई नगदै पुरस्कार
सरकारले कोरोनापछिको अर्थतन्त्र चलायमान बनाउन स्वास्थ्य, कृषि, पूर्वाधार र रोजगारी सिर्जनाल...
आउँदो बजेटमा प्राथमिकताका तीन क्षेत्र
सय दिन नेपाली आकाशमा रहने मनसुनले अनुकूल वर्षा गराउने आकलन...