प्रहरीको खण्डन, नेपालको जवाफ
प्रहरीको खण्डन, नेपालको जवाफ
प्रहरीको खण्डन
प्रहरी महानिरीक्षक सर्वेन्द्र खनालले धेरै संख्यामा सवारी साधन प्रयोग गरिरहेको भन्ने समाचार सत्य होइन (सर्वेसर्वा सर्वेन्द्र, २३ मंसिर) । निजी सचिवालयका रातो तथा सरकारी नम्बरका सबै गाडी प्रहरी महानिरीक्षक खनालको निजी प्रयोजनमा प्रयोग भएका छैनन् ।
प्रहरी महानिरीक्षकको सचिवालय मातहत निवास, सवारी महाशाखा, विभिन्न कभर्ट युनिट तथा छद्म कार्य प्रकृतिका अनुगमन इकाइसमेत रहेका छन् । त्यसका लागि सरकारी तथा निजी सवारी प्रयोग हुने गर्छन् । सरकारी मापदण्डअनुसारै प्रहरीका उच्च अधिकृतहरुले सवारी साधन प्रयोग गरिरहेका छन् ।
समाचारमा भनिएजस्तो बा१झ ६४३३, बा१झ ९२९३, बा१झ २७०३, बा२झ १०१ र बा१झ ८५१८ समेतका सवारी कतिपय प्रयोग गर्न नसक्ने अवस्थामा रहेका र कतिपय जगेडा पुलमा रहेका छन् । समाचारमा उल्लिखित धेरै सवारी साधन नभई प्रहरी महानिरीक्षकका लागि दुई वटा मात्र छन् ।
–उत्तमराज सुवेदी
वरिष्ठ प्रहरी उपरीक्षक
केन्द्रीय प्रहरी प्रवक्ता/सूचना अधिकारी
नेपालको जवाफ
छद्म कारबाही (कोभर्ट अपरेसन) का लागि प्रहरीले निजी नम्बर प्लेट लगाउन सक्छ, जुन समाचारमा पनि उल्लेख छ । तर यस्तो अपरेसन महानिरीक्षक, उनको सचिवालय र निवासले गर्दैन । महानिरीक्षक प्रहरी संगठनको अभिभावक रहेकाले सबै इकाइ उनीअन्तर्गत रहने तर्क हो भने छद्म नम्बरका गाडी महानिरीक्षक निवासमा नभई सम्बन्धित इकाइमा हुनुपर्ने हो । नेपालसँग सुरक्षित सवारी महाशाखाको अभिलेखमा ती गाडी महानिरीक्षक सचिवालय र निवासमा भएको उल्लेख छ ।
पहिले दरबारले प्रयोग गर्ने बा१झ ९२९३ नम्बरको मर्सिडिज बेन्च बिग्रिए पनि अन्य गाडी सही हालतमा रहेको प्रमाण हामीसँग छ । प्रदेश ५ र २ का लागि किनिएका क्रमश: बा२झ ३५६३ नम्बरको मित्सुबिसी, बा२झ ३८८४ नम्बरको ल्यान्डक्रुजर गाडी सचिवालयमा किन तानियो ? महानिरीक्षकका लागि थप २ वटा त औपचारिक कार्यक्रममा सरिक हुँदा चढ्ने गाडी छन् । अर्थ मन्त्रालयको मापदण्डअनुसार विशिष्ट श्रेणीका कर्मचारीले एउटा मात्रै सरकारी गाडी सुविधा पाउँछ ।
–मनबहादुर बस्नेत
संवाददाता
सम्बन्धित
ब्ल्याक स्कट, ब्ल्याक लेदर ज्याकेट, ब्ल्याक गगल्स र ब्ल्याक सुजमा पूर्वमिस नेपाल एवं नायिक...
ब्ल्याक ब्युटी
थापागाउँमा रहेको क्रन्ची कर्नर रेस्टुराँमा प्ल्याटर पाइन्छ, त्यो पनि चिकेन छोइलाको । ...
प्ल्याटर @ क्रन्ची कर्नर
काठमाडौँका विभिन्न स्थानमा पाइने पाँच खानालाई दिल्ली फुड वाकले आफ्नो सूचीमा समेटेको छ । ...
दिल्ली फुड वाकको मेनु
खैरो चेक ज्याकेट, खैरो बुट र कालो स्कर्टले मोडल निशा आचार्यलाई फेसनेबल बनाएको छ । ...
निशाको पुरानै शैली
आफ्नो ड्रेसअपमा निकै कम व्यक्ति रमाउँछन् । हेर्नुस्, मोडल पूजन थापा रातो चेक कोट र कालो हा...
आनन्दित पूजन
सुन्दरता निखार्न पहिरनले मुख्य भूमिका खेल्छ । हेर्नुस् त मोडल शुभेच्छा खड्कालाई वन पिसमा क...