नेटफ्लिक्सका दुई सशक्त फिल्म
‘भिडियो अन डिमान्ड’ साइट नेटफ्लिक्सको आगमनपछि ‘हलमा चल्ने मात्र फिल्म हुन्छ’भन्ने परम्परागत मान्यतामै प्रश्न उठेको छ । कतिपय
‘भिडियो अन डिमान्ड’ साइट नेटफ्लिक्सको आगमनपछि ‘हलमा चल्ने मात्र फिल्म हुन्छ’भन्ने परम्परागत मान्यतामै प्रश्न उठेको छ । कतिपय दिग्गजको चिन्ता छ, नेटफ्लिक्सका कारण हल र फिल्मकै अस्तित्व संकटमा पर्छ । नेटफ्लिक्सचाहिँ यस्ता बहसलाई बेवास्ता गर्दै आफ्नो प्रभाव दु्रत गतिमा विस्तार गरिरहेको छ । वर्ष २०१८ मा यसले सवा अर्ब जनसंख्या भएको भारतलाई केन्द्रमा राख्यो । दुई हिन्दी फिल्म नेटफ्लिक्सबाटै वितरण गरियो, हलमा चलेनन् । नेटफ्लिक्स हिन्दी भाषीमाझ जोडिन यी फिल्मले अहं भूमिका खेले । ती कुन–कुन हुन् र किन रुचाइए ?
लभ पर स्क्वायर फुट
नेटफ्लिक्सको पहिलो ओरिजिनल हिन्दी फिल्म हो यो । निर्देशक हुन्, आनन्द तिवारी । भारतको मध्यमवर्गीय परिवारका युवायुवतीले आफ्नै घर बनाउने सपना देख्दा आइपर्ने अनेक लफडाको कथा भन्छ फिल्मले । मुख्य भूमिकामा छन्,विक्की कौशल(संजय) र अगिरा धर (करिना) । दुवै बैंकमा काम गर्छन्,अपार्टमेन्ट किन्न लालायीत छन् । मुम्बईमा एउटा स्किम आउँछ, किस्ताबन्दीमा अपार्टमेन्ट पाउने तर त्यसका लागि विवाहित जोडी हुनु पर्ने । संजय र करिना परे, अविवाहित । त्यसैले अपार्टमेन्ट किन्नका लागि मात्र कागजी विवाह गर्छन् । तर सम्बन्ध कागजमै सीमित हुन्छ कि मुटुसम्म पुग्ला ? बडो रोचक ढंगले देखाइएको छ ।
संजय हिन्दु हुन्छन्, करिना क्रिस्चियन । परिवारको आर्थिक हैसियत पनि मिल्दैन । संजयको अफिसकै हाकिम र करिनाको एक व्यापारीसँग अफेयर छ । तैपनि बाध्यताले नजिकिन्छन् । निर्देशक तिवारीले यसकै सेरोफेरोमा वर्तमान युवायुवतीको अस्थिर सोच, सपना र संघर्षको तालमेल नमिल्दाको परिणाम, भिन्न धर्म/जातिका परिवारबीच हुने मन मुटावलाई उधिनेका छन् । फिल्ममा खास तामझाम केही छैन तर तिवारी र सुमित ब्यास मिलेर लेखेको कसिलो पटकथाले दर्शकलाई बाँध्दै लान्छ । विक्की कौशललाई सशक्त अभिनेताका रुपमा चिनाउन यो फिल्मको प्रभावकारी भूमिका रह्यो । यस्तो चकलेटी भूमिकामा यसअघि उनी देखिएका थिएनन् । अगिरा धर पनि बलिउडका मूलधारका फिल्ममेकरमाझ ‘मार्क’ हुन सफल भइन् ।
सानो क्यानभासको मनछुने कथा र पात्र हेर्न चाहनेले लभ पर स्क्वायर फुट छुटाउनु हुन्न । बलिउडमा पात्र र विषयप्रधान फिल्मको खडेरी भएकाले पनि यो फिल्म विशेष लाग्छ ।
राज्मा चावल
लीना यादव निर्देशित यस फिल्मले पुस्तान्तरको व्यथा उजागर गरेको छ । लीना उनै निर्देशकहुन्, जसको सिनेमा पाच्र्डले अन्तर्राष्ट्रिय महोत्सवमा काफी चर्चा बटुलेको थियो । राज्मा चावलको विषयचाहिँ पाच्र्डजस्तो संवेदनशील छैन । तर वर्तमान समयसँग असाध्यै नजिक छ । अर्थात्, अभिभावक र सन्तानबीचको बढ्दो दुरी । र यस फिल्मका युवा पात्रहरु पनिलभ पर स्क्वायर फुटकाजस्तै दोधार र अन्योलमा छन् ।
सरकारी सेवाबाट निवृत्त राज (ऋषि कपुर) छोरा कविर (अनिरुद्ध तन्वार)लाई औधि माया गर्छन् तर व्यक्त गर्न जान्दैनन् । आफ्नै सांगीतिक समूह खोलेको कविरचाहिँ बाबुसँग बोल्नै नपरोस् भन्ने ठान्छ । नयाँ दिल्लीबाट पुरानो दिल्लीमा बसाइँ सरेपछि बाबु–छोराको बोलचाल नै बन्द हुन्छ । त्यसपछि राजले केटीको नाममा नक्कली फेसबुक आईडी बनाएर छोरासँग कुरा गर्न थाल्छन् तर एकदिन भेद खुल्छ । अब के होला ? फिल्म हेरिरहँदा लाग्छ– लीनाले यो समयका बुबा र छोरा दुवै पुस्ताको मनोविज्ञान पकड्न पूरापूर सफल छिन् ।
यस फिल्मको कथावाचन कमेडी शैलीको छ । बाबुछोराको रस्साकस्सीले हसाउँछ । सँगै हरेकको मनमा अभिभावक र सन्तानबीच किन खाडल बनिरहेको छ भन्ने सवाल खडा गर्छ । ऋषिक पुरले सदाझैँ जीवन्त काम गरेका छन् । डेब्यु अभिनेता अनिरुद्ध तन्वारले पनि पात्रमा आफूलाई समाहित गरेका छन् । पारिवारिक झमेलाकै कारण दिल्लीमा एक्लै बसिरहेकी युवतीको भूमिकामा अम्यरा दस्तुरले प्रशंसनीय काम गरेकी छन् ।
राज्मा चावलको सबैभन्दा ठूलो विशेषता भनेकै हरेक उमेर समूहका दर्शकले फिल्ममाकहीँ न कहीँ आफूलाई पाउनु हो ।
सम्बन्धित
पर्फ्युममा सुँघ्ने क्षमतासँगै अस्तित्वको खोजी र ग्रनोई अवचेतन रूपमै मृत्युको नजिक रहेको दे...
सिनेमामा गन्धको प्रस्तुति
गरिरहेका काम जहाँको तहीँ थाती राखेर क्वारेन्टाइन पसेका रंगकर्मीको उकुसमुकुस ...
नाटकघरमा उज्यालो फर्केला ?
अमेरिकन आइडल–२०२० को उपाधि चुम्न आतुर नेपाली ठिटो...
'भाषा हटाइदिनुस्, भावना उस्तै हुन्छ'
बलिउडमा स्थापित भन्दा फरक पृष्ठभूमिबाट सिनेक्षेत्रमा प्रवेश गरेका इरफानको संघर्ष आफैंमा एउ...
इरफानको शक्तिशाली समय
लकडाउनमा सेलिब्रिटी दैनिकीः पारिवारिक पुनर्मिलन, सिर्जनात्मक रचनादेखि जनचेतनाका आवाजसम्म...
सेलिब्रिटीका लकडाउन सिर्जना
च्याम्पियनका अन्य प्रतिस्पर्धीले कन्टेन्टका लागि माथापच्ची गरिरहादा हिमेश भने तु लेखिसक्थे...