अनौठो किरिया
मांस र मदिरा बोकेर शोक-घरमा पुग्छन्, लोपोन्मुख आदिवासी सन्थालका आफन्त
सन्थाल (सतार) समुदायको मृत्यु संस्कार अनौठो हुन्छ । मृत्युपछि खबरे (गुडित) ले आफन्तकहाँ सन्देश पुर्याउँछ । आफन्त भेला भएपछि मात्रै शवको अन्त्येष्टि हुन्छ । शवलाई नदी छेउ पुर्ने वा जलाउने चलन छ । सन्थाल समुदायका मुखिया (माजिहडाम) विष्णु हेमरम भन्छन्, "सक्नेले जलाउँछन्, नसक्नेले जमिनमा पुर्छन् ।"
मृतकको कपाल र नङलाई अस्तु मानी नदीमा बगाइन्छ । आफन्त र नातागोताले पनि कपाल काट्नुपर्छ । मलामीहरू मृतकले प्रयोग गर्ने एउटा थाल बोकेर आर्यघाट जान्छन् । त्यो थालमा इच्छा र गच्छेअनुसारको पैसा चढाइन्छ । त्यही पैसाले मलामीलाई मदिरा खुवाइन्छ । अन्त्येष्टि सकेर आएपछि कुल 'देवता' लाई कुखुराको भाले भोग दिइन्छ । मलामीलाई त्यही भालेको मासु चामलमा मिसाएर खिचडी खुवाइन्छ । अन्त्येष्टि सकेर कम्तीमा १३ दिनपछि भान्डान अर्थात् किरिया कर्म हुन्छ । मुखिया हेमरम भन्छन्, "१३ दिनसम्म परिवार शोकमा हुन्छन् तर अरू समुदायजस्तो कोरामै बस्नुपर्दैन ।"
सन्थाल समुदायमा किरिया कर्म अर्थात् शुद्धयाइँ शैली पनि अनौठो छ । जुन बार मान्छेको मृत्यु हुन्छ, त्यही बार पारेर किरिया कर्म गरिन्छ । यो दिन नातागोता भेला हुन्छन् । आफन्तहरू मदिरा, बाख्राको पाठी र कुखुराको भाले बोकेर शोक परेका घर पुग्छन् । नजिकैको खोलामा परिवार र आफन्तले केश मुण्डन गर्छन् । वाद्यवादन टोली साइकल गन्जी, पन्ची र घुँघुरु पहिरिएर तुम्दा, ड्राम र राहाडको तालमा खोला बगरमा मदिरा पिउँदै नाच्छन् । त्यसपछि मात्र उनीहरू चोखिएको मानिन्छ । "हरेक पर्व, जन्म-मृत्युजस्ता कर्ममा जाँड र मासु प्रयोग अनिवार्य छ," सन्थाल अगुवा कविराज मुर्मु भन्छन्, "यो संस्कार र संस्कृति हाम्रो समुदायको पहिचान हो ।"
पूर्वसांसद तथा सन्थाल समुदायका अगुवा मोहन टुडुका अनुसार बाजागाजा बजाएर बिदा गर्दा दिवंगत आत्माको स्वर्गमा वास हुने र सुख मिल्ने विश्वास छ । बाजाको ताल र गीतको सुरबाट सन्थालको मृत्यु संस्कार हुँदैछ भन्ने सन्देश प्रवाह हुन्छ र आफन्त, छरछिमेक भेला हुन्छन् भन्ने मान्यता छ ।
लोपोन्मुख आदिवासी सन्थाल पूर्वी नेपालको झापा, मोरड र सुनसरीमा बस्छन् । ०६८ को जनगणनाअनुसार सन्थालको कुल जनसंख्या ५१ हजार ७ सय ३५ छ ।
तस्बिरहरु : पर्वत पोर्तेल
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...