महानगरतालिका
तयारी फाइल लिएर कार्यालय पुगेँ, पहिलो दिनको तालिकाअन्तर्गत । डेढ घन्टाजति लाइन बसेर प्राप्त दस रुपैयाँको भौचरसहित राजस्व शाखा हुँदै कम्प्युटर इन्ट्री गर्ने कोठामा पुगेर फाइल लाइन लाग्यो ।
"तपाईंजस्तो सदाचार पक्षधर व्यंग्यकारले बिचौलियालाई काम लगाएर बेथितिलाई बढावा दिनुभएन नि !" भनेर महानगरका एक हाकिमले भनेपछि म पनि गमक्क परेँ । उनकै सल्लाहअनुसार नक्सासहित आवश्यक कागजात १५ दिनमा भेला पारी घरको 'निर्माण सम्पन्न' भन्ने प्रमाणपत्र हात पार्न कस्सिएँ ।
संघीय राजधानीको महानगरपालिकाले पूरै महानगरभरि छरेर १०-१२ ठाउँमा शाखा खोलेको रहेछ । तीमध्ये मलाई सेवा दिन खटिएको रहेछ, बबरमहल कार्यालय । तयारी फाइल लिएर कार्यालय पुगेँ, पहिलो दिनको तालिकाअन्तर्गत । डेढ घन्टाजति लाइन बसेर प्राप्त दस रुपैयाँको भौचरसहित राजस्व शाखा हुँदै कम्प्युटर इन्ट्री गर्ने कोठामा पुगेर फाइल लाइन लाग्यो ।
दोस्रो दिनको तालिका : कम्प्युटरमा डाटा इन्ट्री गराई आदेशानुसार वडा कार्यालय प्रस्थान । वडा कार्यालयमा आइतबारको दिन इन्जिनियर नभेटिने जानकारी प्राप्त ।
तेस्रो दिन : वडाका इन्जिनियरसाब हाजिर गरेर खाना खान जानुभएको जानकारी । फोनमै कुराकानी । तीन दिनपछि घर हेर्न आउने आश्वासन ।
छैटौँ दिन : इन्जिनियरको आगमन । पुरानो फाइल नभएकाले टेकु गएर फाइल ल्याएपछि मात्रै काम हुने जानकारी ।
आठौँ दिन : टेकु महानगरबाट फाइल हातलागी गरी वडामा सम्पर्क ।
एघारौँ दिन : वडा इन्जिनियरबाट घर निरीक्षण कार्य सम्पन्न । चार दिनपछिको तारिख प्राप्त ।
पन्ध्रौँ दिन : वडामा राजस्व रकम निर्धारण ।
सोह्रौँ दिन : बैंकमा रकम जम्मा गरी राजस्व शाखामा सम्पर्क । थप सम्पत्ति कर बुझाएर आउन पुनः वडा कार्यालय फिर्ता । वडामा पुग्दा आर्थिक कारोबार गर्ने समय समाप्त ।
सत्रौँ दिन : वडामा थप सम्पत्ति कर बुझाई बबरमहल हाजिर । राजस्व शाखामा काम सम्पन्न गरी डाटा इन्ट्रीका लागि लाइनमा खडा । आफ्नो हिसाब हेर्ने पालो आइपुग्दा सरलाई पिसाबको आगमन । पिसाब गरिसक्दा एकघन्टे खाजा खाने छुट्टी । सवा एक घन्टा पनि नकट्दै सरको आगमन र फाइल अध्ययन । इन्जिनियरले इन्ट्री गरेको रकम नमिलेको देखिएपछि पुनः वडातिरै फिर्ता ।
अठारौँ दिन : वडा इन्जिनियरबाट त्रुटि मिलान ।
उन्नाइसौँ दिन : सच्चिएको फाइल बबरमहल लगी इन्ट्री गराई अन्तिम हस्ताक्षरका लागि हाकिमसाबकहाँ क्यू ।
बीसौँ दिनः हाकिमसाबद्वारा तीन घन्टापछि भुइँतलामा सम्पर्क गर्न आदेश । आदेशानुसार भुइँतलाको कोठामा सम्पर्क गर्दा फाइल नआइपुगेको जानकारीपछि हाकिमकहाँ जाँदा उहाँ अदालततिर प्रस्थित ।
एक्काइसौँ दिनः फाइल तल्लो नभई पल्लो कोठामा पसेको जानकारी । पल्लो कोठामा कुरा बुझ्दा सनाखतका लागि घरधनीको उपस्थिति अनिवार्य । घरधनी श्रीमतीजीलाई लिएर पुनः हाजिर हुँदा १ बजिसकेकाले खाजा समय सुरु । पर्खिने समय नभएकाले फिर्ता ।
तेइसौँ दिन : सनाखत सम्पन्न । व्यंग्यकारजीलाई विशेष सहुलियतस्वरुप भुइँतलामा भोलि हुने काम आजै सम्पन्न गरी प्रमाणपत्र हस्तान्तरण । तिनै पहिला भेटिएका हाकिमसँग जम्काभेट । उनको प्रश्न, "कस्तो अनुभव रह्यो त सर ?"
मेरो जवाफ : "घर बनाउँदा स्वीकृत नक्साअनुसार बनाएको भए आज यसरी जरिवाना तिर्ने, धाउने र अपहेलित हुँदा पनि चुपचाप सहेर बस्नुपर्ने थिएन भन्ने ज्ञान प्राप्त भयो सर ।"
सम्बन्धित
अब हामी त्यता वरपर गस्ती गर्छौं । ढुंगाहरूमा लठ्ठीले हानेर आवाजहरू निकाल्छौँ, सुसेल्छौँ । ...
सुत्न दे इन्डिया !
स्रोतले कति पटक बिहान माधव नेपाललाई र दिउँसो प्रचण्डलाई प्रधानमन्त्री बनाइसक्यो । साँझमा प...
यस्ता अद्भुत समाचार मित्रहरूले कहाँबाट ल्याउँछन् ?
हामीले पूरा नहुने आशा गरेर आफ्नो स्वास्थ्य बिगार्नुभन्दा पूरा हुने सम्भावना भएका अपेक्षा ग...
नयाँ वर्ष नयाँ आइडिया
नेपालमा भने कोरोना नियन्त्रणको जिम्मा स्वास्थ्य मन्त्रालयले होइन, गृह मन्त्रालयले लिएजस्तो...
प्रहरी लगाऊ, कोरोना भगाऊ !
यो समय त नाकमा मास्क, आँखामा कालो चस्मा र कानमा ठेडी लगाएर चुपचाप घरमा बस्ने समय हो ।...
त्यत्तिकै भ्रष्टाचार भयो भन्ने ?
बाइकवालाले फुऽ गरेको त मापसे पोजिटिभ देखियो । ट्राफिकले समाइहाले । तर बाइकवालाले भने, ‘माप...