जस र अपजस
प्रधानमन्त्री केपी ओलीले भर्खरै एउटा कार्यक्रममा सीधै भने कि अब कसैले कसैमाथि दोष थोपरेर उम्किन पाउँदैन । जे जिम्मेवारी दिइएको हो, त्यो पूरा गर्नैपर्छ । हाम्रो कर्मचारीतन्त्रमा काम बिग्रे अरुमाथि दोष थोपर्ने र काम बने पूरा जस आफूले लिने अनौठो प्रवृत्ति छ । सायद प्रधानमन्त्रीले त्यही प्रवृत्तिबारे बोलेको हुनुपर्छ ।
प्रधानमन्त्री केपी ओलीले भर्खरै एउटा कार्यक्रममा सीधै भने कि अब कसैले कसैमाथि दोष थोपरेर उम्किन पाउँदैन । जे जिम्मेवारी दिइएको हो, त्यो पूरा गर्नैपर्छ ।
हाम्रो कर्मचारीतन्त्रमा काम बिग्रे अरुमाथि दोष थोपर्ने र काम बने पूरा जस आफूले लिने अनौठो प्रवृत्ति छ । सायद प्रधानमन्त्रीले त्यही प्रवृत्तिबारे बोलेको हुनुपर्छ ।
सरकारले गरेको कुनै काम जब बिग्रिन्छ, तब त्यसको दोष यसरी थोपरिँदै जान्छ-
मन्त्री भन्छन्- कर्मचारीहरु खत्तमै छन् । फाइलै नपढी अघि बढाइदिएछन् । यो प्रवृत्ति सुधार नगरी भएन अब । सचिव भन्छन्- हैन मन्त्रीलाई कति हतार भन्या, मैले त फाइल अघि बढाउनुहुन्न भनेकै थिएँ, अब तलबाट पूरै प्रक्रिया मिलाएर टिप्पणी पठाएपछि मैले के गर्नु ? उपसचिव भन्छन्- मैले त टार्नै खोज्या थिएँ नि, अब माथिबाट दबाबै आएपछि के गर्नु, फाइल सदर नगरी नहुने भयो । अधिकृत भन्छन्- अब माथिबाट टिप्पणीको बेहोरै लेखेर पठाएपछि मैले कसरी नाइँ भन्नु । खुरुखुरु लेखिदिएँ अब ।
सरकारले गरेको कुनै काम जब बन्छ, तब त्यसको जस यसरी लिन सुरु हुन्छ-
मन्त्री भन्छन्- हेर्नुस्, यसलाई भन्छन् नेतृत्व शक्ति । मैले सारा ठाउँमा आफैँ गएर दौडधूप नगर्या भए यो सम्भवै हुनेवाला थिएन । सचिव भन्छन्- मैले रातभरि काम गरेर फाइल तयार नगरेको भए यो कामै हुँदैनथ्यो । उपसचिव भन्छन्- सचिवज्यूले त अझ आलटाल गर्दै हुनुहुन्थ्यो, मैले नै तलबाट फाइल ल्याउन अह्राएर काम बनेको हो । अधिकृत भन्छन्- टिप्पणीको बेहोरा लेख्न कम उ भा'थ्यो र, मैले नै उ गरेर मिलाइदिएको हुँ । नभए टिप्पणी नै उठ्ने थिएन । पियन भन्छन्- सरले भन्नेबित्तिकै मैले माथि फाइल नलगिदिएको भए कहाँ काम बन्थ्यो र !
सम्बन्धित
अहिले संसद्मा भाषण ठोक्ने नेताहरुको कुरा सुन्नुस्, त्यो कुनै गँजडीको गफभन्दा फरक लाग्दै...
गँजडी संसद्मा गाँजा विधेयक
अलिकता हतार गरेकाले कुरा बिग्रेको हो किनभने पैसा भनेको त मेसिन ल्याएपछि छाप्ने हो । तर उन...
मेसिन ल्याउनुअघि नै पैसा छाप्न थालेपछि...
देशमा रेल चलेन, कोही बात छैन । पानीजहाज पनि चलेन, कोही बात छैन । घरघरमा पाइपको ग्यास पनि च...
सरकार त चलिरहेको छ नि, सानो उपलब्धि हो यो ?
एमसीसीमार्फत नेपाललाई जुन अनुदान आउनेवाला हो, त्यो नेपालले सहजपूर्वक ग्रहण गरेर अमेरिकालाई...
अमेरिकालाई सहयोग गर्नुपर्ने बेला !
पार्टीभित्र अब गुटबाजी गर्न पाइँदैन भन्ने निर्णय जो छ, त्यो सबै गुट मिलेर गरेको सामूहिक न...
गुटहरूको अन्त्य
सरकारको अधिनायकवाद त फैलिादै गएर अहिले देउवासम्मै पुगिसकेको रहेछ । सरकारले ल्याएको एजेन्डा...