‘आदिवासी नै मूलधारे फिल्म’
आदिवासी फिल्म निर्देशनमा सक्रिय छिन्, पोखराकी जसु गुरुङ । २४ देखि २६ जेठसम्म काठमाडौँमा आयोजित नेपाल ‘आदिवासी जनजाति चलचित्र महोत्सव’मा जसु म्ले क्यु फिल्मबाट उत्कृष्ट निर्देशक भइन् । उनीसँग कुराकानी :
आदिवासी फिल्म निर्देशनमा सक्रिय छिन्, पोखराकी जसु गुरुङ । २४ देखि २६ जेठसम्म काठमाडौँमा आयोजित नेपाल ‘आदिवासी जनजाति चलचित्र महोत्सव’मा जसु म्ले क्यु फिल्मबाट उत्कृष्ट निर्देशक भइन् । उनीसँग कुराकानी :
जनजातिका कुरा फिल्ममा उतार्न किन जरुरी छ ?
नेपाल र नेपालीलाई चिनाउने भनेकै आदिवासी–जनजातिका सांस्कृतिक पहिचानले हो । पर्यटक यिनै कुरा हेर्न आउने हुन् । यो लोप भयो भने त नेपालको चिनारी नै हराउँछ । भाषा, संस्कार, संस्कृति नजोगिए आदिवासी त जोगिँदैन नै, नेपाल पनि रहँदैन ।
म्ले क्युमा चाहिँ केको चित्रण छ ?
अहिले जनजाति समुदायले पैसा कमाउनुलाई जोड दिएको छ । म्ले क्युको अर्थ बिर्साउने पानी हो । हामी पानी खाएपछि सबै कुरा बिर्सन्छौँ । तर गुरुङ संस्कारअनुसार पितृ संस्कार अर्घौं गर्दा यो पानी खुवाएपछि मात्रै स्वर्ग पुगिने मान्यता छ । आफ्नो कुरा नभुल्नु भन्छ, यसले ।
पैसालाई जोड दिने प्रवृत्ति त सबै समुदायमा छ नि ?
जसरी पनि लाहुरे बन्नुपर्छ भन्ने मान्यता गुरुङ समुदायमा बढी छ । यसको मूल कारण पैसा नै हो ।
यस्ता फिल्मलाई बजारमा जान भाषाको समस्या होला नि ?
नेपालमा कोरियाली, चिनियाँ फिल्म हेर्ने थुप्रै छन् । भाषा बुझेर होइन । दृश्य सामग्रीको आफ्नै भाषा हुन्छ । भाषा ठूलो समस्या होइन ।
त्यसो भए यस्ता फिल्म च्यारिटीमा मात्रै किन सीमित छन् ?
हलवालाले स्पेस दिँदैनन् । राज्यले केही समयका लागि सहुलियत दरमा हल उपलब्ध गराउन सहजीकरण गर्नुपर्छ ।
राम्रा फिल्म बन्ने हो भने त स्पेस पाइएला नि ?
पहिलेभन्दा राम्रा फिल्म बन्न थालेका छन् । हलवालाले विदेशी फिल्मको तुलनामा नेपाली मूलधारे फिल्मलाई त महत्व दिँदैनन् भने आदिवासी जनजाति फिल्मको हालत के होला ?
मूलधारको फिल्मबाट आदिवासी जनजाति फिल्म प्रभावित छन् ?
कबड्डीलगायतका फिल्म जनजातिका कथामा बनेका हुन्, जसलाई दर्शकले रुचाए । राम्रो त आखिरी आदिवासी जनजातिकै विषय रहेछन् । भोलि आदिवासीकै कथा मूलधार हुन सक्छन् ।
मिथलाई फिल्ममा उतार्न कस्ता चुनौती छन् ?
अहिले पश्चिमा संस्कृतिले च्यापिरहेको छ । अनुसन्धानमा बढी खर्च गर्नुपर्छ । कतिपय सांस्कृतिक कुरा लोप हुँदै जान्छन्, समयक्रममा । मौलिकपनसम्म पुग्न गाह्रो छ । यसले लागत बढाउँछ ।
सम्बन्धित
‘कोरोनाले सबै क्षेत्र भत्किएपछि कृषिमा मात्रै सम्भावना देखेका छौँ’ (कृषि तथा पशुपन्छी विका...
'तीन वर्षपछाडि नेपालको कृषि व्यवस्था नयाँ स्वरूपमा आउनेछ'
सम्हाल्न नसक्ने स्थितिमा पुग्यौँ । प्रदेश र संघीय सरकारलाई भनिरहेका छौँ तर हाम्रो कुरा सुन...
‘विशेष स्वास्थ्य टोली नपठाए नरैनापुरको स्थिति नियन्त्रणबाहिर'
यो सबै पदको झगडा हो । नेताहरूमा धैर्य छैन । महाधिवेशन र अर्को चुनाव पर्खिन नसक्नेले जनताला...
'महाधिवेशनबाट ओली र प्रचण्डलाई बिदा गर्नुपर्छ'
जसलाई एजेन्डा तयार गर्न जिम्मा दिइएको हो, उसलै तयार नगरेपछि ओलीलाई किन दोष ? - सत्यनारायण ...
‘त्यसो भए नेकपा नै विघटन गरिदिऊँ’
सचिवालयको संरचनाको औचित्य नै भएन । अब सचिवालय विघटन गरेर स्थायी समितिमै सबै विषय छलफल गर्न...
‘नेकपाको सचिवालय विघटन गरौँ’
सबैभन्दा कम कमजोरी भएको नेता छान्ने हो भने माधव नेपाल हो । माधव नेपालमा मान्छे समातेर राख्...