ल्यान्डिङ विवाद
यसै बीच अचानक कसैले तपाईंलाई खबर गर्यो कि कक्पिटमा बसेर विमान उडाइरहेका दुई पाइलटबीच कुनै कुरालाई लिएर झगडा सुरु भयो । अब तपाईं के गर्नुहुन्छ ?
कल्पना गर्नोस्, तपाईं कुनै ठूलो जेट विमानमा बसेर लामो दूरीको यात्रा गर्दै हुनुहुन्छ । जेट विमानको यात्रा आरामदायी हुनु स्वाभाविकै हो । यात्रा मजाले अघि बढिरहेको थियो । यसै बीच अचानक कसैले तपाईंलाई खबर गर्यो कि कक्पिटमा बसेर विमान उडाइरहेका दुई पाइलटबीच कुनै कुरालाई लिएर झगडा सुरु भयो । अब तपाईं के गर्नुहुन्छ ?
जेट विमान भनेको कुनै ट्याक्सी वा टेम्पो होइन, जो चालकलाई मन लागेको ठाउँमा लान सकियोस् । जेटमा त पाइलटै दुइटा हुन्छन् । दुई जनाको समन्वयले विमानलाई उडाउने, कुदाउने र झार्ने हो । तर विमान उडाइरहेका पाइलटबीच नै झैँझगडा पर्यो भने के गर्ने ?
हुन त आजसम्म उडिरहेको कुनै पनि विमानभित्र यस्तो समस्या आइपर्यो भनेको खबर हामीले सुनेका छैनौँ । तर नेपाल विश्वकै एक मात्र त्यस्तो देश हो, जहाँ दुनियाँमा कहीँ नभएका र नहुने घटना मात्रै हुने गर्छन् । उडिरहेको जेटभित्र पाइलट–पाइलट झगडा परेको घटना पनि नेपालमै भएको हो ।
एनसीसी–टु थर्ड कल साइन भएको यो विमान आकाशमा उड्दा उड्दै दिशाहीन बन्न पुगेको जानकारी आएको छ । कारण हो, ककपिटमा बसिरहेका दुई पाइलटबीचको झगडा । विमान उडिसकेपछि अब यसलाई कुन दिशातिर लाने भन्नेबारे पाइलटहरूबीच झगडा पर्यो रे भन्ने खबर आएको छ । विमान आकाशमा पुगिसकेपछि पाइलटहरू जेटम्याप झिकेर विवाद गर्दै छन् । वास्तवमा विमान ल्यान्ड गर्ने एयरपोर्टचाहिँ कुन हो ? एउटाले एउटा एअरपोर्ट देखाइरहेको छ, अर्कोले अर्कै एअरपोर्ट देखाइरहेको छ । विमान ल्यान्ड गर्ने एअरपोर्टै फरक भएपछि उड्ने बाटो पनि फरक हुने भइहाल्यो । पाइलटहरूले कुनै निर्णय दिन नसकेकोले विमान यतिखेर आकाशमै उडेर फन्कोमाथि फन्को मारिरहेको छ । यसरी बिनाकाम आकाशमै विमान उडाइरहृयो भने अचानक दुर्घटनै हुन पनि के बेर ! पाइलट महोदयहरूले केही सोचेका छन् ?
सम्बन्धित
अहिले संसद्मा भाषण ठोक्ने नेताहरुको कुरा सुन्नुस्, त्यो कुनै गँजडीको गफभन्दा फरक लाग्दै...
गँजडी संसद्मा गाँजा विधेयक
अलिकता हतार गरेकाले कुरा बिग्रेको हो किनभने पैसा भनेको त मेसिन ल्याएपछि छाप्ने हो । तर उन...
मेसिन ल्याउनुअघि नै पैसा छाप्न थालेपछि...
देशमा रेल चलेन, कोही बात छैन । पानीजहाज पनि चलेन, कोही बात छैन । घरघरमा पाइपको ग्यास पनि च...
सरकार त चलिरहेको छ नि, सानो उपलब्धि हो यो ?
एमसीसीमार्फत नेपाललाई जुन अनुदान आउनेवाला हो, त्यो नेपालले सहजपूर्वक ग्रहण गरेर अमेरिकालाई...
अमेरिकालाई सहयोग गर्नुपर्ने बेला !
पार्टीभित्र अब गुटबाजी गर्न पाइँदैन भन्ने निर्णय जो छ, त्यो सबै गुट मिलेर गरेको सामूहिक न...
गुटहरूको अन्त्य
सरकारको अधिनायकवाद त फैलिादै गएर अहिले देउवासम्मै पुगिसकेको रहेछ । सरकारले ल्याएको एजेन्डा...