ठूलो सिसी क्यामेरा
अहिले नेपाल प्रहरीले अपराध नियन्त्रणका लागि ठाउँठाउँमा सिसी क्यामेरा राख्ने अभियानै चलाएको छ । यो अभियानमा नेपाल प्रहरी सफल नै भन्नुपर्छ ।
अहिले नेपाल प्रहरीले अपराध नियन्त्रणका लागि ठाउँठाउँमा सिसी क्यामेरा राख्ने अभियानै चलाएको छ । यो अभियानमा नेपाल प्रहरी सफल नै भन्नुपर्छ । सिसी क्यामेरा जडानलाई नेपाल प्रहरीले यतिबेला यसरी अघि बढाएको छ, मानौँ– प्रहरीले जति पनि अपराध पत्ता लगाउन नसकेर थाँती परेको छ, त्यो जम्मै सिसी क्यामेरा नभएर मात्रै हो । यदि सिसी क्यामेरा मात्रै ठाउँमा भएको भए निर्मला पन्तका हत्यारासमेत उहिल्यै समातिन्थे होला ।
सिसी क्यामेरा जडान द्रुत गतिमा अघि बढ्दै थियो । त्यही बेला प्रहरी प्रधान कार्यालयमा एउटा अधबैंसे मानिस देखापरे । उनको हातमा एउटा ठूलो बाकस पनि छ । उनी भित्र जान खोज्दै थिए । गेटैमा रोकेर सोधियो, ‘ओए, कहाँ जान लागेको ?’
‘भित्र ।’ उनले संक्षिप्त उत्तर दिए ।
‘किन ?’ प्रश्न पनि संक्षिप्तै आयो ।
‘यो दिन ।’ उनले हातको बाकस देखाए ।
‘के यो ?’ प्रहरीको आँखा बाकसतिर डुल्न थाल्यो ।
‘सिसी क्यामेरा ।’
‘सिसी क्यामेरा ? यत्रो ठूलो ?’
‘यो बाटोमा राख्ने सिसी क्यामेरा होइन नि, यो त प्रहरी प्रधान कार्यालयमै राख्ने सिसी क्यामेरा हो ।’
‘प्रधान कार्यालयमा कहाँ राख्ने यो सिसी क्यामेरा ?’
‘अहिले ठाउँठाउँमा प्रहरीले सिसी क्यामेरा जडान गरिरहेको छ नि । त्यो जम्मै क्यामेराको मोनिटरिङ गर्ने एउटा छुट्टै कोठा त होला नि । हुँदैन ?’
‘त्यो त भइहाल्छ नि, नभए मोनिटरिङ कसरी हुन्छ ?’
‘होऽऽ, त्यही सिसी क्यामेराको मोनिटरिङ गर्ने कोठामा यो सिसी क्यामेरा राख्ने हो,’ अधबैँसे अलि खुल्न थाले, ‘वास्तवमा साँच्चैको गल्ती कहाँ भइरहेको छ र अपराध कहाँबाट सुरु हुँदैछ भन्ने कुरा अरु सिसी क्यामेराले होइन, यो सिसी क्यामेराले पत्ता लगाउँछ । बुझ्नुभो ?’
यति भन्दै अधबैँसे ठूलो सिसी क्यामेरा त्यहीँ छाडेर हिँडे ।
तर उनले उपहार दिएर गएको त्यो ठूलो सिसी क्यामेरा प्रहरी प्रधान कार्यालयले जडान गर्यो/गरेन, त्यो भने
अज्ञात नै छ ।
सम्बन्धित
अहिले संसद्मा भाषण ठोक्ने नेताहरुको कुरा सुन्नुस्, त्यो कुनै गँजडीको गफभन्दा फरक लाग्दै...
गँजडी संसद्मा गाँजा विधेयक
अलिकता हतार गरेकाले कुरा बिग्रेको हो किनभने पैसा भनेको त मेसिन ल्याएपछि छाप्ने हो । तर उन...
मेसिन ल्याउनुअघि नै पैसा छाप्न थालेपछि...
देशमा रेल चलेन, कोही बात छैन । पानीजहाज पनि चलेन, कोही बात छैन । घरघरमा पाइपको ग्यास पनि च...
सरकार त चलिरहेको छ नि, सानो उपलब्धि हो यो ?
एमसीसीमार्फत नेपाललाई जुन अनुदान आउनेवाला हो, त्यो नेपालले सहजपूर्वक ग्रहण गरेर अमेरिकालाई...
अमेरिकालाई सहयोग गर्नुपर्ने बेला !
पार्टीभित्र अब गुटबाजी गर्न पाइँदैन भन्ने निर्णय जो छ, त्यो सबै गुट मिलेर गरेको सामूहिक न...
गुटहरूको अन्त्य
सरकारको अधिनायकवाद त फैलिादै गएर अहिले देउवासम्मै पुगिसकेको रहेछ । सरकारले ल्याएको एजेन्डा...