कर नलाग्ने किताब
अब यी पुस्तकका पाठकलाई थाहा हुनुपर्ने हो, कर नलिए त सरकारै चल्दैन । सरकार चल्ने भनेकै कि करले हो, कि डरले हो ।
सरकारले पुस्तकमा पनि कर लिन थालेपछि पाठक कराउन थालेका छन् । यो के गरेको सरकारले ? पुस्तकमा पनि कर लिन पाइन्छ ? पुस्तक भनेको त पढ्ने वस्तु हो । पढ्ने वस्तुमा कर लिन पाइँदैन ।
अब यी पुस्तकका पाठकलाई थाहा हुनुपर्ने हो, कर नलिए त सरकारै चल्दैन । सरकार चल्ने भनेकै कि करले हो, कि डरले हो । त्यही भएर कर लिन पाइँदैन त भन्नै मिल्दैन । त्यसमाथि सरकारले सबै पुस्तकमा कर लिएको पनि होइन । नेपालमै लेखिएका पुस्तकमा कर लगाएको छैन । त्यसैले पाठकले यही पुस्तक पढून् । किन कर लगाएकै पुस्तक पढ्नुपर्यो ? जस्तो, प्रधानमन्त्रीकै भाषणको संकलन पुस्तक निस्केको छ । त्यसमा कर लाग्दैन । त्यो पढे पनि हुन्छ । भूपूप्रधानमन्त्री कमरेड झलनाथ खनालको गीतिकाव्य पनि प्रकाशित भएको छ । त्यो पढे पनि भइहाल्यो । कमरेड माधव नेपालले संसद्मा बोल्नुभएको भाषण संग्रह पनि प्रकाशित भएको छ । त्यसमा पनि कर लाग्दैन । हालै मात्र पूर्वराजा ज्ञानेन्द्र शाहको वक्तव्य संग्रह पनि प्रकाशित भएको छ । त्यसको मूल्य त अलि बढी छ तर करचाहिँ लाग्दैन । सायद शेरबहादुर देउवाको भाषण संग्रह पनि आउँदै होला, त्यसमा पनि कर लाग्ने छैन । देशभित्रै यति धेरै कर नलाग्ने पुस्तक हुँदाहुँदै किन कर लाग्ने पुस्तक नै पढ्नुपर्यो ? आफूचाहिँ स्वदेशी पुस्तक छाडेर खोजी–खोजी विदेशी पुस्तक पढ्ने अनि कर लाग्यो भनेर पनि कराउने ?
सम्बन्धित
अहिले संसद्मा भाषण ठोक्ने नेताहरुको कुरा सुन्नुस्, त्यो कुनै गँजडीको गफभन्दा फरक लाग्दै...
गँजडी संसद्मा गाँजा विधेयक
अलिकता हतार गरेकाले कुरा बिग्रेको हो किनभने पैसा भनेको त मेसिन ल्याएपछि छाप्ने हो । तर उन...
मेसिन ल्याउनुअघि नै पैसा छाप्न थालेपछि...
देशमा रेल चलेन, कोही बात छैन । पानीजहाज पनि चलेन, कोही बात छैन । घरघरमा पाइपको ग्यास पनि च...
सरकार त चलिरहेको छ नि, सानो उपलब्धि हो यो ?
एमसीसीमार्फत नेपाललाई जुन अनुदान आउनेवाला हो, त्यो नेपालले सहजपूर्वक ग्रहण गरेर अमेरिकालाई...
अमेरिकालाई सहयोग गर्नुपर्ने बेला !
पार्टीभित्र अब गुटबाजी गर्न पाइँदैन भन्ने निर्णय जो छ, त्यो सबै गुट मिलेर गरेको सामूहिक न...
गुटहरूको अन्त्य
सरकारको अधिनायकवाद त फैलिादै गएर अहिले देउवासम्मै पुगिसकेको रहेछ । सरकारले ल्याएको एजेन्डा...