मेयरको होर्डिङ बोर्ड मोह
पूर्वपश्चिम राजमार्गले जोडेको अत्तरिया । धनगढी र महेन्द्रनगर मात्र होइन, सुदूरपश्चिम पहाडका ७ जिल्ला जोड्ने पनि त्यही अत्तरिया । अत्तरिया चोकको हालत भने उदेकलाग्दो छ ।
पूर्वपश्चिम राजमार्गले जोडेको अत्तरिया । धनगढी र महेन्द्रनगर मात्र होइन, सुदूरपश्चिम पहाडका ७ जिल्ला जोड्ने पनि त्यही अत्तरिया । अत्तरिया चोकको हालत भने उदेकलाग्दो छ । चोकमा रहेको सानो उद्यान पनि कुरुप बनाइयो, व्यापारिक विज्ञापन राखेर । र, त स्थानीयले ती विज्ञापन च्यातिदिए ।
सन् २०२० मा २० लाख पर्यटक भित्र्याउने लक्ष्यसहित पर्यटन भ्रमण वर्ष मनाउने सरकारको योजना छ । गोदावरी नगरपालिकाले पनि चोकमा व्यापारिक होर्डिङ बोर्ड राख्नुभन्दा सुदूरपश्चिमका गन्तव्यअंकित सामग्री राखे के जान्थ्यो होला । मेयरसापलाई लाग्ला, नाफामुखी होर्डिङ बोर्ड हटाएर पर्यटनमुखी सामग्री राखेर के गर्नु ?
बरु नयाँ योजना ल्याएछन्, ७० प्रतिशत व्यापारिक र ३० प्रतिशत धार्मिक पर्यटकीय क्षेत्र झल्काउने विज्ञान राख्ने । यो विषयमा हालै मात्र सहमति भएछ । नगरपालिकाको तर्क रहेछ– आम्दानीको स्रोत बढाउनु परेन ? त्यही भएर गोदावरी नगरपालिकाले १५ वर्षका लागि निजी कम्पनीलाई सुम्पेछ, त्यो चोक ।
एडीबी पर्खिएको विकास
सुदूरपश्चिम प्रदेशको अस्थायी मुकाम धनगढीमा मुख्यतः ३ समस्या छन्– साँघुरा सडक, अव्यवस्थित ढल र फोहोरमैला । सवारी चाप बढ्दो छ तर वर्षौंदेखि सडक विस्तार हुन सकेको छैन ।
धनगढी उपमहानगरपालिका र सुदूरपश्चिम प्रदेश सरकार धनगढी बजारमै छन् तर न्यूनतम पूर्वाधार निर्माणसमेत ठप्प छ । भित्री सडक स्तरोन्नति नगरेको वर्षौं भयो, मुख्य सडकको हालत पनि दयनीय छ । एसियाली विकास बैंक (एडीबी) को ऋण लगानीमा सहरी विकास आयोजना सन् २०१७ मै सुरु हुनुपर्ने हो ।
तर स्थानीय सरकारको लाचारीका कारण लम्बिँदै आयो । एडीबीको सर्त थियो– ल्यान्डफिल साइट अगाडि बढेपछि मात्र पूर्वाधार निर्माणका काम सुरु हुन्छन् । तर फोहोरमैला व्यवस्थापनका लागि ल्यान्डफिल साइट कहाँ बनाउने टुंगो छैन । बरु उपमहागनरपालिकाले बडेमाको भवन ठड्याएको छ, सटर भाडामा लगाउन । सडकका नालीका ढकनी उप्किएका छन् ।
स्तरोन्नति गरिने सडकको दायाँबायाँ पानी निकासका लागि नाली, फुटपाथ, सडक बत्ती, रेलिङलगायतका संरचना हुने सपना देखाइएको थियो, धनगढीबासीलाई । आयोजनालाई देखाएर वर्षौंसम्म बस्ने तर गाँठो नफुकाइदिनाले कायल बनेको एडीबी एक कदम पछि हटेको छ ।
एडीबी आफ्नो पूर्ववर्ती सर्तबाट पछि हटेपछि सहरी विकास आयोजना र धनगढी उपमहानगरपालिकाबीच योजना कार्यान्वयन गर्ने विषयमा बल्ल समझदारी भएको छ । चिन्ताको अर्को पक्ष के भने जसरी काठमाडौँमा फोहोरमैला व्यवस्थापन सधैँको समस्या बनेको छ, धनगढी पनि अछूतो नहुने कि भनेर । एडीबीले ऋण लगानी गरिरहेका बेला ल्यान्डफिल साइट कहाँ बनाउने भनेर टुंगो लगाउन नसक्नुले उपमहानगर र त्यहाँका जनप्रतिनिधिको लाचारीपन प्रस्ट्याउँछ ।
पाँच वर्षे अवधिको यो आयोजनाको दुई वर्ष त्यत्तिकै खेर गयो, अब ३ वर्षमा कति काम हुन्छ, हेर्न बाँकी छ ।
बसमै अर्गानिक आँप
विषादीरहित तरकारी र फलफूलको खुबै चर्चा छ, काठमाडौँमा । भारतबाट आयातीतको विषादी अनिवार्य परीक्षण र लगत्तै स्थगनको निर्णयपछि जनजिब्रोमा झुन्डिएको शब्द हो, अर्गानिक ।
काठमाडौँमा त अर्गानिक बिरलै पाइन्छ । तर यस पटक बसमै चाख्न पाइयो, बगैँचाबाट टिपेको ताजा आँप । धनगढी–काठमाडौँ रात्रि बस यात्रामा यस्तै संयोग मिल्यो । काठमाडौँमा अध्ययनरत छोरालाई भेट्न हिँडेका एक वृद्ध लम्कीदेखि ‘सिट पार्टनर’ बन्न पुगे ।
संयोग कस्तो भने म उनको मातृ (थारु) भाषा बुझ्न र बोल्न सक्ने भएकाले चाँडै घुलमिल भयौँ । झोलाबाट आँप झिक्दै उनले भने, “विषादी हालेर पकाएको होइन, बगैँचाबाट टिपेको आँप ।”
हुन पनि अक्का स्वादिलो रहेछ आँप । अचेल त गाउँघरका बगान (बगैँचा) हराएको गुनासो थियो उनको । हुन पनि कुनै बेला गाउँघरमा आँपका ठूल्ठूला बगैँचा हुन्थे, सिजनमा आफ्नो गाउँघरकै स्वाद चाख्न पाइन्थ्यो ।
सम्बन्धित
२००७ को राजा/प्रजाको संयुक्त प्रजातान्त्रिक आन्दोलनपछि अहिलेसम्म जारी भएका संविधानअनुसार र...
कार्यकर्ता होइन, नागरिक भएर सोचौँ
अमेरिकामा चकित पार्ने धेरै पक्षहरू हुँदाहुँदै पनि सुरुमै सबैको ध्यान खिचेर विकासको परिचय द...
अमेरिकी सडक सन्जाल : विकासको अनौठो मोडल
छोरीचेलीको करियरका लागि सीमित रकम तिर्न नसक्ने तर पराई घर पठाउन ऋण गरेरै भए पनि लाखौँ खर्च...
छोरीचेलीको हैसियत बिहे मात्रै ?
ट्याक्सी ड्राइभर पहिलो पटक मैले कसरी र कहिले हेरेँ, याद छैन । तर हेर्नेबित्तिकै मलाई त्यो ...
ट्राभिस कुटाइममा मुर्दाघर आयो
तिमी पनि तिम्रा प्रियहरूलाई भनिदेऊ, ‘क्षमा देऊ ।’ उनीहरूलाई सिकाइदेऊ, बदलाका लागि होइन, बद...
बदलाका लागि होइन, बदलावका लागि लड्नुपर्छ
अमेरिका विकास, शक्ति र संस्कृतिमा जति धनी छ, भित्र लुकेको जातीय तुष पनि उत्तिकै टाँसिएको छ...