विकास आचार्यका हरेक फिल्ममा झुल्किन्छिन्, प्रियंका कार्की । हजार जुनीसम्ममा पनि छुटिनन् । मुख्य कलाकारमध्ये उनी पनि एक हुन् । सिक्किम पुगेर सुटिङ गरेकी उनलाई ३० साउनमा प्रदर्शन हुने फिल्मको प्रमोसन सामग्रीमा स्थान दिइएको छैन ।

पोस्टरमा आर्यन सिग्देल, सञ्चिता लुइँटेल, स्वस्तिमा खड्का, सलोन बस्नेतलगायत आधा दर्जन कलाकार अटाएका पनि प्रियंकाको नामोनिशान छैन । ट्रेलरमा पनि उस्तै हालत छ । एक त निर्माण पक्षसँग उनको मनमुटाव छ, अर्को उनी अभिनीत पछिल्ला फिल्म व्यावसायिक रुपमा असफल छन् । निर्माण पक्षलाई बहाना मिलिहाल्यो ।