करार सम्झौता गराउँदा–गराउँदै
प्रशासन चुस्त बनाउन सरकारले हालै एउटा नयाँ योजना ल्याएको छ– कार्य सम्पादन करार सम्झौता । अर्थात्, हरेक कर्मचारीलाई ऊभन्दा माथिल्लो तहका कर्मचारीले यति–यति अवधिभित्र यति–यति कार्य सम्पादन गरेरै छाड्छु भनेर गराइने करार सम्झौता ।
प्रशासन चुस्त बनाउन सरकारले हालै एउटा नयाँ योजना ल्याएको छ– कार्य सम्पादन करार सम्झौता । अर्थात्, हरेक कर्मचारीलाई ऊभन्दा माथिल्लो तहका कर्मचारीले यति–यति अवधिभित्र यति–यति कार्य सम्पादन गरेरै छाड्छु भनेर गराइने करार सम्झौता । यो सम्झौता प्रधानमन्त्रीले मन्त्रीलाई गराउँछ । मन्त्रीले सचिवलाई गराउँछ । सचिवले उपसचिवलाई गराउँछ । उपसचिवले विभागीय प्रमुखलाई गराउँछ । विभागीय प्रमुखले शाखा प्रमुखलाई गराउँछ । यसरी क्रमशः तल–तलसम्म गराउँदै जान्छ ।
योजना लागू भयो । लागू हुनेबित्तिकै प्रधानमन्त्रीले पहिलो कार्यका रुपमा मन्त्रीलाई करार सम्झौता गराएछन् । कस्तो करार ? निर्मला पन्तको हत्यारा एक महिनाभित्र पक्राउ गर्ने करार ।
प्रधानमन्त्रीसँग करार गरेको भोलिपल्टै मन्त्रीले सचिवलाई करार गराए– निर्मला पन्तको हत्यारा दुई साताभित्र पक्राउ गर्ने ।
त्यसको भोलिपल्टै सचिवले उपसचिवलाई करार सम्झौता गराए– निर्मला पन्तको हत्यारा दस दिनभित्र पक्राउ गर्ने । उपसचिवले पनि त्यसको भोलिपल्टै अपराध महाशाखाका प्रमुखलाई करार सम्झौता गराए– निर्मला पन्तको हत्यारा पाँच दिनभित्र पक्राउ गर्ने ।
पाँच दिन बित्यो । उपसचिवज्यूले महाशाखा प्रमुखलाई बोलाएर सोधे, ‘निर्मला पन्तको हत्यारा समाउनेसम्बन्धी करार के भयो ?’
महाशाखा प्रमुखले जवाफ दिए, ‘खोइ सर, मैले त हजुरसँग करार गरेँ । तर मैले चाहिँ कसलाई करार गराउने हो, मान्छे भेटिएको छैन । ऐनमा पनि लेखिएको रहेनछ । म करारका लागि मान्छे खोज्दै छु, भेट्नेबित्तिकै खबर गर्छु ।’
सम्बन्धित
अहिले संसद्मा भाषण ठोक्ने नेताहरुको कुरा सुन्नुस्, त्यो कुनै गँजडीको गफभन्दा फरक लाग्दै...
गँजडी संसद्मा गाँजा विधेयक
अलिकता हतार गरेकाले कुरा बिग्रेको हो किनभने पैसा भनेको त मेसिन ल्याएपछि छाप्ने हो । तर उन...
मेसिन ल्याउनुअघि नै पैसा छाप्न थालेपछि...
देशमा रेल चलेन, कोही बात छैन । पानीजहाज पनि चलेन, कोही बात छैन । घरघरमा पाइपको ग्यास पनि च...
सरकार त चलिरहेको छ नि, सानो उपलब्धि हो यो ?
एमसीसीमार्फत नेपाललाई जुन अनुदान आउनेवाला हो, त्यो नेपालले सहजपूर्वक ग्रहण गरेर अमेरिकालाई...
अमेरिकालाई सहयोग गर्नुपर्ने बेला !
पार्टीभित्र अब गुटबाजी गर्न पाइँदैन भन्ने निर्णय जो छ, त्यो सबै गुट मिलेर गरेको सामूहिक न...
गुटहरूको अन्त्य
सरकारको अधिनायकवाद त फैलिादै गएर अहिले देउवासम्मै पुगिसकेको रहेछ । सरकारले ल्याएको एजेन्डा...