भिखारीमुक्त नेपाल
प्रधानमन्त्री केपी ओली अब नेपाललाई भिखारीमुक्त मुलुक बनाउन चाहन्छन् । यो उनको ठूलो सपना हो ।
प्रधानमन्त्री केपी ओली अब नेपाललाई भिखारीमुक्त मुलुक बनाउन चाहन्छन् । यो उनको ठूलो सपना हो । सपना देख्नु नराम्रो होइन । साँच्चै, उनले एक दिन नेपाललाई भिखारीमुक्त मुलुक घोषणा गरेरै छाडे । भिखारीमुक्त घोषणापछि अब कसैले पनि देशमा भिख माग्न नपाइने भयो । सरकारले भिख मगाइसम्बन्धी एउटा विधेयक पारित गरी कानुन पनि निर्माण गर्यो । अब नेपालमा भिख माग्नु पूरै गैरकानुनी घोषित भयो । जो भिख मागिरहेको अवस्थामा भेटिन्छ, त्यसलाई पक्राउ गर्ने आदेश जारी भयो ।
आदेश आउनेबित्तिकै सुरक्षा निकाय परिचालित भयो । सडक-सडक, गल्ली-गल्ली भिखारी खोज्ने अभियान थालियो । सुरक्षाकर्मी देख्नेबित्तिकै भिखारी 'आयो ! आयो !' भन्दै भाग्नुपर्ने अवस्था भयो । केही भिखारी पक्राउ पनि परे ।
पछि सुरक्षा निकायलाई लाग्यो कि देशबाट भिखारी हटाउने हो भने सानातिना भिखारीलाई मात्र पक्रेर हुँदैन । ठूला भिखारीलाई पनि समाउनुपर्छ । ठूला भिखारी पक्राउ परेपछि साना भिखारी आफैँ नियन्त्रण हुनेछन् । त्यसपछि ठूला भिखारी पनि धमाधम पक्राउगर्न थालिए ।
ठूला भिखारी पक्रन थालिएपछि देशमा ठूलै खैलाबैला मच्चियो । कुरो प्रधानमन्त्रीसम्मै पुग्यो । ठूला भिखारी पक्राउ गरेकामा प्रधानमन्त्रीको कार्यालयले सम्पूर्ण सुरक्षाकर्मीलाई बधाई पनि दियो ।
यसै क्रममा प्रधानमन्त्री आफैँ सुरक्षा निकायमा पुगी ठूला भिखारी भेट्न पुगेछन् । तर जुन ठाउँमा ठूला भिखारी हिरासतमा राखिएको थियो, त्यहाँको दृश्य देखेर प्रधानमन्त्री जसरी चकित खाए, त्यो भने अवर्णनीय थियो । प्रहरी हिरासतमा अर्थमन्त्री युवराज खतिवडा, परराष्ट्रमन्त्री प्रदीप ज्ञवाली, अर्थसचिव, परराष्ट्र सचिव आदि जम्मैलाई पो पोका पारेर राखिएको रहेछ । प्रधानमन्त्रीले आक्रोशको आँखाले प्रहरी प्रमुखलाई हेरे । प्रहरी प्रमुख बिस्तारै मुस्कुराए, 'ठीक छ नि, हैन हजुर ?'
प्रधानमन्त्री झल्याँस्स भए । त्यो त उनको सपना रहेछ ।
सम्बन्धित
अहिले संसद्मा भाषण ठोक्ने नेताहरुको कुरा सुन्नुस्, त्यो कुनै गँजडीको गफभन्दा फरक लाग्दै...
गँजडी संसद्मा गाँजा विधेयक
अलिकता हतार गरेकाले कुरा बिग्रेको हो किनभने पैसा भनेको त मेसिन ल्याएपछि छाप्ने हो । तर उन...
मेसिन ल्याउनुअघि नै पैसा छाप्न थालेपछि...
देशमा रेल चलेन, कोही बात छैन । पानीजहाज पनि चलेन, कोही बात छैन । घरघरमा पाइपको ग्यास पनि च...
सरकार त चलिरहेको छ नि, सानो उपलब्धि हो यो ?
एमसीसीमार्फत नेपाललाई जुन अनुदान आउनेवाला हो, त्यो नेपालले सहजपूर्वक ग्रहण गरेर अमेरिकालाई...
अमेरिकालाई सहयोग गर्नुपर्ने बेला !
पार्टीभित्र अब गुटबाजी गर्न पाइँदैन भन्ने निर्णय जो छ, त्यो सबै गुट मिलेर गरेको सामूहिक न...
गुटहरूको अन्त्य
सरकारको अधिनायकवाद त फैलिादै गएर अहिले देउवासम्मै पुगिसकेको रहेछ । सरकारले ल्याएको एजेन्डा...