पूर्वराजा ज्ञानेन्द्र शाह काठमाडौँको एउटा नाइट क्लबमा गएर नाचेको घटनाले पूरा राजनीति तातेको छ । तात्नुपर्ने त देशको नाट्य क्षेत्र हो । कलाकार पनि तात्नुपर्ने हो । तर तात्न थालेका छन्, राजनीति र राजनीतिकर्मीहरु । 

उनी नाचेको देखेर केहीले यस्तो अनुमान पनि गरे, देशमा अब राजतन्त्र स्थापना हुन्छ कि क्या हो ? पूर्वराजा ज्ञानेन्द्रले नाचेरै देशमा राजतन्त्र ल्याउने हुन् कि ? दस वर्षअघि प्रचण्ड र बाबुरामले पनि नाचेरै गणतन्त्र ल्याएका थिए । 

हामी सबैले देखेकै हौँ, हिरोइन रेखा थापासाग प्रचण्ड छमछमी नाचेका थिए । गणतन्त्रका लागि भएको आन्दोलनमा रेखा र प्रचण्डको जोडी नाचेको सबैले देखेकै हुन् । त्यही नाचको फलस्वरुप देशमा गणतन्त्र आएको थियो । तथापि त्यतिबेला प्रचण्ड र रेखा सागै नाचेका भए पनि केही विश्लेषकको निष्कर्ष भने अलि भिन्न छ । उनीहरु भन्छन्, त्यहाा प्रचण्ड नाचेका होइनन्, उनलाई रेखाले नचाएकी हुन् । यथार्थ के हो, त्यो हामीलाई थाहा भएन । तर विश्लेषकको विश्लेषण छ, त्यतिबेला प्रचण्ड नाचेजस्तो देखिए पनि यथार्थमा उनलाई रेखाले नै नचाएकी हुन् । रेखाले नचाएकै कारण उनी नाचेका थिए । 

त्यसो त भन्नेहरु अर्को तेस्रो कुरा पनि भन्छन् । तेस्रो कुरा भन्नेहरु यसो भन्छन्, त्यतिबेला प्रचण्ड नाचेको भन्दा पनि उनलाई नचाइएको हो । तर नचाउने मान्छे रेखा थिइनन्, अर्कै थिए । अब त्यो ‘अर्को’ को हो, त्यो भने अज्ञात नै छ । 

समग्रमा यति कुराचाहिा निश्चित हो कि देशमा प्रचण्डले नाचेरै गणतन्त्र ल्याएका थिए । देशमा गणतन्त्र आउनुमा ‘नाच’ को ठूलो योगदान छ । यतिबेला ज्ञानेन्द्र नाचिरहेका छन् । ‘नाच’ ले गणतन्त्र ल्याउन सक्छ भने ‘नाच’ ले राजतन्त्र पनि त ल्याउन सक्ला नि, कि कसो ?