मनोरञ्जन

साइकलमा ब्राजिली परिवार

नेपाल संवाददाता , मंसिर ३, २०७६

सधैँ ब्राजिली फुटबलको स्वाद चाखेका नेपालीले यो साता भने ब्रजिलियन चलचित्रको स्वाद चाखे ।
पुरा पढ्नुहोस्

फिल्म साउथएसिया : बन्देजविरुद्ध वृत्तचित्र

सुनिता लोहनी, कार्तिक २९, २०७६

फिल्म साउथएसिया २०१९ सुरु भएको छ । १२ औँ संस्करणसम्म आइपुगेको वृत्तचित्र महोत्सव हरेक दुई वर्षको अन्तरालमा हुने गर्छ । यसपल्टको थिम ‘ह्वेर द माइन्ड इज फ्रि’ हो, जुन भारतीय साहित्यकार रवीन्द्रनाथ टेगोरको सोही शीर्षकको कविताबाट लिइएको हो । 

महोत्सवको थिमबारेमा बताउँदै फिल्म साउथएसियाका अध्यक्ष कनकमणि दीक्षितले भने, "स्वतन्त्रता पत्रकारिता, साहित्य र चलचित्रको स्पन्दन हो । आज हामी दक्षिण एसियाली नागरिक मस्तिष्कमा स्वतन्त्र होलाऔँ तर हामी सबैले बाँधिएको महसुस गरेका छौँ । हाम्रो दायित्व हो, नेपाली समाजलाई खुला राख्नु र विदेशीको नजरमा उदाहरण बन्न सक्नु ।”

२८ कात्तिकबाट सुरु भएको महोत्सवमा नेपथ्यका लिड सिंगर अमृत गुरुङले उद्घाटन गरेका थिए । उद्घाटनमा उनले भने, “जब सत्तामा कला, जात, धर्म, कर्मको सीमितता वा बन्देजको गन्ध आउन थाल्छ, त्यो अधिनायकवादउन्मुख हुन्छ । आजको संसारमा यो गन्ध आइरहेको छ। हाम्रो बोली त बन्द गराइएला तर चरालाई चुप लगाउने दुष्साहस कसले गर्न सक्छ?”

उद्घाटनलगत्तै पाकिस्तानको वृत्तचित्र इन्दुज ब्लुज देखाइएको थियो । मानव सभ्यताको उद्गमस्थल इन्दुजमा कसरी लोक बाजा र गीत पलायनको भयो भन्ने कथा चित्रित छ । 

शुक्रबार १८ वटा फरक विषयमा चाखलाग्दा डकुमेन्ट्री देखाइँदै छ । वृत्तचित्र पाटनको यलमायाकेन्द्रको मजलिस, बग्गीखाना र गौशाला गरी ३ वटा हलमा देखाइनेछ । शुक्रबारको सेसनमा संस्कृति, सिनेमा र पत्रकारिताजस्ता विविध विषयमा केन्द्रित वृत्तचित्र देखाइँदै छ । शुक्रबार जोन ल रले निर्देशन गरेको अफिम वार देखाइएको हो । अफिमको सहज पहुँच र त्यसमा लठ्ठिएको युवाको कहानी म्यानमारको काचिन राज्यको पृष्ठभूमिमा बनेको हो । 

यस्तै, बग्गीखाना हलमा स्वीमिङ थ्रु द डार्कनेस देखाइएको छ । सुप्रिया सेनले निर्देशन गरेको वृत्तचित्रमा आँखा राम्ररी नदेख्नेले पौडी खेल्दा के–कस्ता चुनौतीको सामना गर्नुपर्छ भन्ने जीवन वृतान्तको चित्रण गरिएको छ ।

गौशाला हलमा सफल ध्वनि कलाकारको जीवनमा आधारित द साउन्ड म्यान मंगेश देसाई देखाइएको छ । नातावाद र कृपावादबाट मात्र कोही व्यक्ति बलिउडमा सफल हुनसक्छ ‘कसको को’ बीच मंगेशको सफलता वृत्तचित्रको विषय बनेको छ ।

वी आर विथ डाक्टर केसी ९० मिनेटको लामो वृत्तचित्रमा डाक्टर गोविन्द केसीले मेडिकल माफियाविरुद्ध ५ वर्षमा एक सय दिन गरेको अनशनलाई प्रस्तुत गरिएको छ । यस वृत्तचित्रलाई गोपाल शिवाकोटी र गोविन्द शिवाकोटीले निर्देशन गरेका छन् ।

यस्तै, निडर पत्रकारिता गर्दा ज्यान गुमाएकी भारतीय पत्रकार गौरी लंकेशको जीवनीमा आधारित प्रदीप केपीले निर्देशन गरेको आवर गौरी पनि देखाइँदै छ । यीबाहेक दक्षिण एसियाकै चर्चित फिचर, वृत्तचित्र पनि शुक्रबार देखाइँदै छ । मंसिर १ गतेसम्म चल्ने महोत्सवमा टिकटको मूल्य ५० रुपैयाँ रहेको छ ।

पुरा पढ्नुहोस्

[भिडियो] काठमाडौंमा खेलिँदैछ ब्राजिलको ५०० वर्ष पुरानो मार्सल आर्ट

सुनिता लोहनी, कार्तिक २९, २०७६

कापोइरा ब्राजिलको मार्सल आर्ट हो ।  ब्राजिलको पुरानो खेलमध्ये एक कापोइराको त्यहाँ राष्ट्रियस्तरको प्रतिस्पर्धा नै हुन्छ । समुद्रपारीको यो खेलमा नेपाली बालबालिका पनि रम्दैछन् ।
पुरा पढ्नुहोस्

क्लब कल्चरमा एलओडी

सुनिता लोहनी, कार्तिक २७, २०७६

डिस्को संगीतको आविष्कारसँगै सन् १९७० देखि क्लबिङ अर्थात् क्लब जाने संस्कार विकास भयो ।
पुरा पढ्नुहोस्

१९७४ एडी को पुनर्जन्म

गोकर्ण गौतम, कार्तिक २६, २०७६

विख्यात संगीत समूह १९७४ एडीको रियुनियनबारे गोकर्ण गौतमको रिपोर्ट
पुरा पढ्नुहोस्

पढ्नुहोस्, ‘घामड शेरे’ को समीक्षा

गोकर्ण गौतम, कार्तिक २२, २०७६

फिल्ममेकर नवीन कथा भन्न होइन, जसरी पनि दर्शक हँसाउन मरिहत्ते गर्दै छन् । घामड शेरेले हँसाउने चक्करमा कथा, पात्र र प्रवृत्तिमाथि मजाक गरेको छैन ।
पुरा पढ्नुहोस्

अन्तिममा धक्का

नेपाल संवाददाता , कार्तिक २१, २०७६

फिल्म ८ कात्तिकमा रिलिज हुँदै थियो तर अन्तिम समय सर्नुपर्‍यो - त्यो पनि पर्याप्त शो नपाएर ।
पुरा पढ्नुहोस्

डिजिटलमा प्रियंका

नेपाल संवाददाता , कार्तिक २०, २०७६

जस्ट एनोदर लभस्टोरीमा प्रियंकाले अभिनय मात्र होइन, निर्देशन, सम्पादन र निर्माण पनि गरेकी छन् ।
पुरा पढ्नुहोस्

अफ्रिका बुझाउने फिल्म उत्सव

सुनिता लोहनी, कार्तिक १७, २०७६

महोत्सवमा कुल २५ वटा लामा र छोटा चलचित्र, वृत्तचित्र एवं कार्टुन फिल्म देखाइएको छ, जसमा नेपालबाट १३ वटा वृत्तचित्र रहेका छन् ।
पुरा पढ्नुहोस्

पढ्नुहोस्, ‘हाउसफुल ४’ को समीक्षा 

गोकर्ण गौतम, कार्तिक १५, २०७६

न्धाधुन, बरेलीकी बर्फीजस्ता शानदार कमेडी फिल्म पनि नबनेका होइनन् तर अधिकांश फिल्म स्टारडम, पन्चलाइन र द्विअर्थी संवादकै भरमा चलाउन खोजिन्छ । हाउसफुल ४ यसभन्दा अलग छैन ।
पुरा पढ्नुहोस्

शिल्पकला विमर्श

नेपाल संवाददाता , कार्तिक १५, २०७६

यसै साता नेपाली परम्परागत शिल्पकला विषयक गोष्ठी भयो, नेपाल ललितकला प्रज्ञा प्रतिष्ठानको आयोजनामा ।
पुरा पढ्नुहोस्