व्यंग्य

टिपर चालकलाई सपथ !

लक्ष्मण गाम्नागे, माघ १२, २०७६

सडक दुर्घटना गराउन सत्ताको शिरदेखि खोलाको तीरसम्मकै मान्छेको भूमिका भएकाले ती सबैलाई आ–आफ्नो भूमिकाअनुसारको दण्ड भोग्न तयार पारेर सपथ नखुवाई दुर्घटना कम हुँदैन ।
पुरा पढ्नुहोस्

दैवको लीला 

लक्ष्‍मण गाम्‍नागे, पुस २७, २०७६

सिद्धबाबा बिनाअक्सिजन, बिनादानापानी, जमिनमुनि खाडल खनेर, माटोले पुरिएर नौ दिनसम्म बस्नुभयो र निस्केर ठमठम हिँड्नुभयो भन्ने समाचार सुनियो । उहाँ हेर्दाहेर्दै जगत्गुरुका उपाधिले विभूषित हुनुभयो । महापुरुष मात्र होइन, उहाँ भगवान्कै रूपमा पुजिन थाल्नुभयो । राष्ट्रपतिदेखि प्रधानमन्त्री, मन्त्रीहरू, ठूल्ठूला नेताहरू, उच्च प्रशासकहरू, सेना र प्रहरीका हाकिम सबका सबलाई उहाँले आफ्ना भक्त बनाउनुभयो । यस्ता समाचार आउँदा–आउँदै अर्को समाचार आयो, सिद्धबाबाले सरकारी जग्गा हडपेर आश्रम बनाउनुभयो । अन्तिम समाचारअनुसार सिद्धबाबाले एउटी भक्त महिलालाई बलात्कार गर्नुभयो । 

योचाहिँ पत्याउन नसकिने समाचार थियो । नभन्दै आगो र स्त्रीलाई छुन पनि नहुने जगत्गुरुले आगोमा हाम फालेको यो आरोपलाई ठाडै खारेज गरिदिनुभयो । आश्रमको कडा सुरक्षाघेराभित्र बलात्कार असम्भव छ भनेर बाबाका सेवकहरूले पनि भनिसके । त्यसैले यो घटना भएको हैन रहेछ भन्ठानौँ । मानौँ, दैवको लीला, यदि यो घटना भएकै हो भने पनि यसमा बाबाको के दोष ! आश्रममा अधर्मीहरूको घुसपैठका कारण बाबामाथि षडयन्त्र भएर पनि यो घटना भएको हुन सक्छ । अर्को कुरा, विश्वलाई नै दुष्प्रभाव पारिरहेको ग्लोबल वार्मिङका कारण बाबाको हृदय पग्लिएर पनि यो सबै भएको हुन सक्छ । ग्लोबल वार्मिङले कस्ता–कस्ता अटल हिमालहरू पग्लिरहेका छन् । जंगल डढेर भष्म भइरहेका छन् । त्यस्ता विषयमाथि विचार नगरी उहाँलाई आरोप लगाउनु हुँदैन, अदालतले पनि त्यसतर्फ ध्यान दिएर नै उहाँलाई छाडेको हुनुपर्छ । 

विधिविज्ञानले जेसुकै भने पनि बाबाले होइन भनेपछि त्यो अडियोको आवाज उहाँको होइन नै होला । दैवको लीला, साढेसाती दशाले गर्दा त्यो अडियो सक्कली नै रहेछ र बाबाले रुवाबासी गरेर ती महिलासँग माफी माग्दा पनि तिनले मुद्दा फिर्ता लिन अटेर गरेकी हुन् भने ती महिला नै मूर्ख हुन् । तिनले त कलियुगमा कृष्ण कृपा पाएकी हुन् । ईश्वरसँग साक्षात्कार भएकी हुन्, त्यसलाई बलात्कार ठान्नु उनको मूर्खता हो । साधारण मानिसले गरेको र सिद्ध पुरुषले गरेको कुनै पनि कर्म एउटै कोटिमा राखेर हेर्न मिल्दैन । त्यसैले हेरिराख्नू, सिद्धबाबाको सिद्धिका प्रभावले आगामी दिनमा पनि उहाँकै पक्षमा फैसला हुँदै जानेछन् । बाबाको सिद्धि सदा कायम रहनेछ । उहाँ पुन: आफ्नो कर्मक्षेत्रमा फर्केर भक्तजनलाई सदाचारी प्रवचन दिन थाल्नुहुनेछ । अर्को पटक नौ दिन होइन, नौ महिना जमिनमुनि वा पानीमुनि बिनाअक्सिजन समाधि बसेर सकुशल निस्केको देख्न पाइनेछ । कुनै यन्त्रको सहायताबिना हावामा तैरिएको विश्व रेकर्ड पनि बाबाबाटै कायम हुनेछ । 

एउटा प्रवचनमा उहाँले यो पनि भन्नुभएको रहेछ, ‘कसैले भोलि के गर्दै छ भन्ने म आजै सबै थाहा पाउँछु ।’ अबदेखि कसैले कुनै यस्तै आरोप वा मुद्दा लगाउँदै छ भन्ने उहाँलाई अगाडि नै थाहा होस् र पूर्वसतर्कता अपनाउन सकियोस् । त्यो विवादास्पद अडियोको आवाज नक्कली हो भनेर त गुरुले नै भनिसक्नुभयो । तर कदाचित् गुरुले आवेशमा आएर आफ्नो बलात्कारी अंग काटेर फाल्छु भन्ने घोषणा गर्नुभएकै हो रहेछ भने उहाँलाई त्यसो नगर्न बिन्ती गरौँ । फ्याट्ट गुरुले त्यो पापी, नास्तिक, दुष्ट अंगलाई काटिहाल्नुभयो र साराका सारा भक्तजनले त्यसको अनुशरण गर्न लागे भने संसारको सृष्टिमै अवरोध हुन सक्छ । गुरु वचन हो, पालना हुन के बेर !

पुरा पढ्नुहोस्

धुवाँधार आत्मालोचना

लक्ष्मण गाम्नागे, पुस १३, २०७६

नेतृत्वको उछितो काड्न जिब्रो उध्याएर बसेका स्थायी समिति सदस्यहरू बैठकको सुरुमै अध्यक्षद्वयले पेस गरेको धुवाँधार आत्मालोचना प्रतिवेदन सुनेर हेर्‍याहेर्‍यै भए ।
पुरा पढ्नुहोस्

सरकारलाई अप्ठेरोमा नपारौँ क्या !

लक्ष्मण गाम्नागे, मंसिर २९, २०७६

फेवाताल फिर्ता ल्याउन कति गाह्रो छ, हामीचाहिँ सरकारलाई लिपुलेक फिर्ता लिएर आइज भनेर अप्ठेरोमा पार्छाैं क्या ! हामी पहिला सरकारको मुटुको परीक्षण गरौँ न ।
पुरा पढ्नुहोस्

राष्ट्र निर्माता धर्नामा

लक्ष्मण गाम्नागे, मंसिर १५, २०७६

“तिमी लेखक, पत्रकारहरू दिमागमा पट्टी लगाएर हाम्रो बेइज्जत गर्छौ । हामीले खोलो भएकै बेला त्यहीँमाथि पुल बनाएको हुन्छ, कालान्तरमा खोलाले बाटो बदलेर पुल अन्तै पुग्यो भने हाम्रो के दोष ?
पुरा पढ्नुहोस्

विशिष्टहरूलाई शिष्ट सुझाव 

लक्ष्मण गाम्नागे, मंसिर ५, २०७६

एक जना महराजीको बलिदानीबाट बाँकी धेरै विशिष्टज्यूहरूले पाठ सिक्ने सुनौलो अवसर आएको छ । विभिन्न राजनीतिक दलका ठूल्ठूला नेताहरूबारे बजारमा त्यस्तै सम्बन्धका हल्ला आइरहन्छन् ।
पुरा पढ्नुहोस्

नेकपा-नेकपा शिखर वार्ता

लक्ष्मण गाम्नागे, कार्तिक १७, २०७६

\'मेरो स्वास्थ्यको चिन्ता लिनु पर्दैन । देशको स्वास्थ्यको चिन्ता लिनुस् । म नभएका बेला राजनीतिक अस्थिरता सिर्जना गर्न खोज्नुभएछ ।
पुरा पढ्नुहोस्

महरा र आफतावहरूलाई जोगाऊ !

लक्ष्मण गाम्नागे, कार्तिक ३, २०७६

संयोगले हालसम्म जोगिइरहेका चन्चले महराहरू पार्टीमा अरू कति होलान् ! उनीहरुको पनि मायाको गुप्ती संसारमा यसैगरी पहिरो लड्न थाल्यो भने पार्टीमा मायालु मन भएका नेताहरूको खडेरी पर्न के बेर !
पुरा पढ्नुहोस्

जनताको सेवामा

लक्ष्मण गाम्नागे, आश्विन ५, २०७६

जनताले तिरेको करबाट जनताकै लागि जनताकै प्रतिनिधिले खाए । यसमा कसैलाई किन ज्वरो आउनू !
पुरा पढ्नुहोस्

नेपाल गरिब छैन

लक्ष्मण गाम्नागे, भाद्र २२, २०७६

नेपाल गरिब देश होइन । यहाँ जताततै पैसाको छेलोखेलो छ । हामी नेपालीले मात्र यहाँको पैसा सम्हाल्न नसकेको ठानेर विदेशीहरू पनि बेलाबेला पैसा बटुल्न आउने गरेका छन् ।
पुरा पढ्नुहोस्

पत्रुकारिता प्रालि

लक्ष्मण गाम्नागे, भाद्र ६, २०७६

पत्रुकारिताका लागि पत्रकारितालाई जस्तो कुनै शैक्षिक योग्यता, कुनै आचारसंहिता, सरकारी निकायमा दर्ता, कार्यालय कोठा, कुनै ठूलो सञ्चार माध्यममा जागिर वा पहुँच केही नभए पनि हुने रहेछ ।
पुरा पढ्नुहोस्