व्यंग्य

नेकपा-नेकपा शिखर वार्ता

लक्ष्मण गाम्नागे, कार्तिक १७, २०७६

\'मेरो स्वास्थ्यको चिन्ता लिनु पर्दैन । देशको स्वास्थ्यको चिन्ता लिनुस् । म नभएका बेला राजनीतिक अस्थिरता सिर्जना गर्न खोज्नुभएछ ।
पुरा पढ्नुहोस्

महरा र आफतावहरूलाई जोगाऊ !

लक्ष्मण गाम्नागे, कार्तिक ३, २०७६

नेकपाका उपल्लो तहका नेता सभामुख कृष्णबहादुर महरामाथि बलात्कारको आरोप लाग्दा पनि पार्टीले खण्डन गरेर प्रेस वक्तव्यसम्म निकालेन महराजीको सचिवालयले एउटा खेस्रा जारी गरेर उनको आँखामा छारो हाल्ने काम मात्र गर्यो उनका कार्यकर्ताले एउटा जुलुस पनि निकालेनन् आफ्ना निकटतम सहयोगी नेता महराजीलाई संरक्षण गर्नु कता, पार्टीका अध्यक्षहरूले राजीनामा पो गराए गृहमन्त्रीले आफ्ना अन्तरंग मित्रलाई बचाउलान् भनेको, उल्टै पुलिस लगाएर पक्राउ गराए

मान्छेको मन हो, चन्चल भइहाल्छ संयोगले हालसम्म जोगिइरहेका चन्चले महराहरू पार्टीमा अरू कति होलान् ! उनीहरुको पनि मायाको गुप्ती संसारमा यसैगरी पहिरो लड्न थाल्यो भने पार्टीमा मायालु मन भएका नेताहरूको खडेरी पर्न के बेर ! नेकपाले सोच्नुपर्छ महराजीको केसमा बलात्कार गरेको होइन, प्रयास मात्रै गरेको हो भनेर पीडितले नै बयान सच्याइसकेपछि पार्टीले आफ्ना नेतालाई चोख्याउनेतिर लाग्नुपर्नेमा कारबाही गराएर उनीमाथि घात गरेको आजीवन पार्टीमा लागेर, कति पटक ज्यानकै बाजी लगाएर त्यो तहमा पुगेको नेतालाई आपद् आइलाग्दा उद्धार गर्नुपर्नेमा मुन्टो अन्तै बटारेर नेताहरूले ठूलो धोका दिए पार्टी नेताहरूले आफ्ना निकटका अपराधीलाई बचाउने परम्परा कायम गरेनन्, आफ्नो कर्तव्यबाट विचलित भए

सरकारले प्रतिपक्षीहरूको विरोधको सामना गर्ने आँट नभएर बाध्यतावश सभामुखको बचाउ गर्न सकेन होला   प्रमुख प्रतिपक्षचाहिँ किन यति भुत्ते भएको ? आफ्ना शक्तिशाली नेता आफताव आलमको एक दशकभन्दा पुरानो घटना उल्टाएर प्रहरीले अन्यायपूर्वक कारबाही गर्दा पनि किन चुप लागेको ? अब मुद्दा चल्दा कदाचित उनले आफ्ना कार्यकर्तालाई जिउँदै आगोमा हालेर मारेको भन्ने प्रमाणित भयो जेल गए भने कांग्रेसलाई कत्रो नोक्सान हुन्छ ? आफतावले आखिर पार्टीकै जीतका लागि बम पड्काएका रहेछन् विस्फोटको पोल खुल्छ भनेर पार्टीकै हितका लागि घाइते भएकालाई जिउँदै जलाएर मारेको भन्ने कुरा जिउँदै मारेका हुन् भने पनि आफ्नै कार्यकर्तालाई मारेका रहेछन् मारेको दसीप्रमाण पनि मेटाएकै रहेछन् मार्दा पनि खासै तड्पाएर क्रुर तरिकाले मारेको होइन रहेछ, बेहोस बनाएर इँटाभट्टाको भुंग्रोमा हालेर आत्था पनि भन्न नपाई सिध्याएको अरे आफ्ना यस्ता कुशल, इमानदार, होसियार साहसी नेतामाथि दुई तिहाइको दम्भ देखाउँदै सरकारले कारबाही गर्दा पनि प्रमुख प्रतिपक्ष दलले देशव्यापी विरोध प्रदर्शन गरेन सडकदेखि सदनसम्म हंगामा मच्चाएर भविष्यका लागि भोट बढाउनुको सट्टा कानमा तेल हालेर सुतेर बस्यो

नेताहरूले यसरी आफ्ना होनहार नेता-कार्यकर्तालाई भ्रष्टाचार, बलात्कार, हत्या, अपहरणजस्ता सानातिना अपराधमा नजोगाउने हो भने पार्टी कसरी चल्छ ? आगामी चुनावमा पार्टीहरूले त्यस्ता योग्य साहसी उम्मेदवार कहाँबाट ल्याउँछन् ? त्यसैले, आफ्ना पार्टीका नेता-कार्यकर्ताले जुनसुकै अपराध गरेको भए पनि जोगाउने, लुकाउने, संरक्षण गर्ने परम्परागत संस्कृतिबाट दलहरू विचलित हुनुहुँदैन नेताहरूले आफ्नो धर्म छाड्नुहुँदैन युवा कार्यकर्ताले यसरी अल्छी भएर ज्यानमा बोसो जमाउनुहुँदैन हुतिहारा हुनुहुँदैन आफ्ना नेता-कार्यकर्तामाथि कुनै पनि अपराधमा पक्राउ गर्न, छानबिन हुन वा कारबाही हुन दिनुहुँदैन दलहरूभित्र अरू-अरू महराहरू, आफतावहरू प्रकट हुँदै जाँदा यसरी कारबाही हुँदै जाँदा भोलि पार्टीमा नेताहरू नै सकिए भने देश कसले चलाउँछ ? चेतना भया !

पुरा पढ्नुहोस्

जनताको सेवामा

लक्ष्मण गाम्नागे, आश्विन ५, २०७६

जनताले तिरेको करबाट जनताकै लागि जनताकै प्रतिनिधिले खाए । यसमा कसैलाई किन ज्वरो आउनू !
पुरा पढ्नुहोस्

नेपाल गरिब छैन

लक्ष्मण गाम्नागे, भाद्र २२, २०७६

नेपाल गरिब देश होइन । यहाँ जताततै पैसाको छेलोखेलो छ । हामी नेपालीले मात्र यहाँको पैसा सम्हाल्न नसकेको ठानेर विदेशीहरू पनि बेलाबेला पैसा बटुल्न आउने गरेका छन् ।
पुरा पढ्नुहोस्

पत्रुकारिता प्रालि

लक्ष्मण गाम्नागे, भाद्र ६, २०७६

पत्रुकारिताका लागि पत्रकारितालाई जस्तो कुनै शैक्षिक योग्यता, कुनै आचारसंहिता, सरकारी निकायमा दर्ता, कार्यालय कोठा, कुनै ठूलो सञ्चार माध्यममा जागिर वा पहुँच केही नभए पनि हुने रहेछ ।
पुरा पढ्नुहोस्

अढाई करोडको अडेसो

लक्ष्मण गाम्नागे, भाद्र १, २०७६

गण्डकी प्रदेशका मुम पृथ्वीसुब्बाले अढाई करोड मूल्य पर्ने ल्यान्डक्रुजर गाडी किनेर चढेकामा केही मान्छे उनको उछितो काड्नमा लागिपरेका छन् ।
पुरा पढ्नुहोस्

तिनै ओली चाहिन्छ

लक्ष्मण गाम्नागे, श्रावण १६, २०७६

प्रधानमन्त्री ओलीको कार्यशैली धमाधम परिवर्तन हुँदै छ भन्ने अप्रिय समाचार आइरहेका छन् ।
पुरा पढ्नुहोस्

सबै ठीक छ सरकार

लक्ष्मण गाम्नागे, श्रावण २, २०७६

सबै कुरा ठीकठाक हुँदाहुँदै पनि केही विकासविरोधी, अप्रजातान्त्रिक तत्व सरकारको निरन्तर विरोध गरिरहेका छन् । तिनीहरुले डाह गर्दैमा चिन्ता लिनुपर्ने केही छैन सरकार !
पुरा पढ्नुहोस्

चित्तको भित्तोमा एक प्रश्न

खगेन्द्र संग्रौला, असार २९, २०७६

शंकर लामिछाने घरिघरि भन्थे— जीवनमा नयाँ केही छैन । र, अब नयाँ हुनु पनि केही छैन । जे भइसक्यो, अब हुने केवल त्यसैको पुनरावृत्ति हो ।
पुरा पढ्नुहोस्

बजेट रोपाईँ

लक्ष्मण गाम्नागे, असार २६, २०७६

हामीले बजेट खेर नजाओस् भनेर नै जथाभावी डोजर कुदाएका हौँ । यसरी असारको अन्तिममा भएपनि बजेटको रोपाइँ नगरेको भए हामीलाई ठूलो आर्थिक नोक्सानी हुन्थ्यो । हामीले नोक्सानी टारेका छौँ ।
पुरा पढ्नुहोस्

कर्णालीको माया

लक्ष्मण गाम्नागे, असार २०, २०७६

हिजोआज हामी कर्णालीलाई खुब माया गर्न थालेका छौँ । हुन त पहिला–पहिला पनि गर्थ्यौं तर दुई तिहाइको सरकार बनेपछि कर्णालीको माया बढी नै उर्लेर आएको छ ।
पुरा पढ्नुहोस्