पोखराको आकासमा स्काइ डाइभ गर्दै खेलप्रेमीहरू । स्काइ डाइभलाई साहसिक खेल मानिन्छ । तस्बिरः जमुना वर्षा शर्मा/रासस

राजधानीको थापाथलीमा टेलिफोन तथा इन्टरनेटको तार मर्मद गर्दै कामदार । सरकारले असरल्ल रहेका यस्ता तारहरूलाई भूमिगत गराउने प्रकिया थालेको छ । तस्बिरः सरोज बैजु

कोरोना भाइरस संक्रमणको चिन्ताबीच सार्वजनिक बस चढेर काठमाडौंबाट आफ्नो गाउँ हिँडेका बालबालिकाहरू । सरकारले १० गतेदेखि लामो दुरीका सवारीसाधन सञ्चालनमा रोक लगाएको छ । स्कुलहरू बन्द छन् भने अत्यावश्यकबाहेकका सेवा बन्द गर्न सरकारले आग्रह गरेको छ । यसबीच, काठमाडौंमा बसोबास गर्ने मानिसहरूको ठूलो संख्या आफ्नो थलो फर्किएको छ । तस्बिरः नभेष चित्रकार/रोयटर्स

रुपन्देहीको बेलहिया नाकामा राखिएको हेल्प डेस्कमा आगन्तुकको ज्वरो नाप्दै स्वास्थ्यकर्मीहरू । नेपाल भारत सीमामा पनि चेकजाँचमा कडाइ गर्ने सरकारले बताइसकेको छ । तस्बिरः अमृता अनमोल

चारैतिर चर्चा र चिन्ता कोरोना भाइरसले फैलाउने कोभिड १९ रोगको छ । यसको प्रभाव बालाटारमा पनि देखियो । सत्तारुढ नेकपाको बुधबार बसेको सचिवालय बैठकमा नेताहरू मास्क लगाएर सहभागी भएका थिए । उनीहरूको बसाइ पनि अलि टाढा-टाढा थियो । हालै मिर्गौला प्रत्यारोपण गरेकाले प्रधानमन्त्री केपी ओली पनि संक्रमणको सम्भावना हुने भएकोले बाक्लो भेटघाटमा छैनन् । तस्बिरः प्रम सचिवालय

ललितपुर महानगरपालिका अन्तर्गतको समाजकल्याण महाशाखाले सञ्चालन गरेको मास्क बनाउने तालिममा महिलाहरू । महानगरका २९ वटै वडामा २/२ जनालाई तालिम दिएर मास्क उत्पादनमा लगाइएको छ । नेपालमा कोरोना संक्रमण अहिलेसम्म देखिएको छैन । तर बजारमा मास्कको अभाव छ । अभावका बीच देशमै मास्क उत्पादन गर्नुपर्ने बहस पनि चलेको छ । स्वास्थ्यका दृष्टिले एन१९ मास्क लगाउनुपर्छ । तस्बिरः सरोज बैजु

२१ औँ अनेकोट सांस्कृतिक प्रतिरोध दिवसका अवसरमा बुधबार काभ्रेको पाँचखाल नगरपालिकास्थित अनेकोटमा सहिदको शालिकमा माल्यार्पण गरिँदै । २०५५ चैत ५ गते एक घरमा सेल्टर लिएर बसिरहेको अवस्थामा कलाकार च्याङ्बा लामा, गुम्बासिंह तामाङ, निर्मला देवकोटा, सुभद्रा सापकोटा, मञ्जु कुँवर, चिनीमायाँ लामा र डम्बर श्रेष्ठलाई राज्यपक्षले घेरा हाली आगो लगाएर हत्या गरेको थियो । तस्बिरः पेमा लामा/रासस

सैनिक मुख्यालय भद्रकालीमा कोभिड–१९ को उपचार विधि तथा रोकथामको पूर्वाभ्यासका लागि बनाइएका टेन्ट । तस्बिरः सरोज बैजु