भोक–प्यास यहाँ पनि छ #Photo

डेढ महिनादेखिको लकडाउनले आम मानिसको दैनिकी गिथोलिएको छ । दैनिक ज्यालादारीमा जीवन चलाउनेहरूलाई त लकडाउनले बित्यासै पारिसक्यो ।
मान्छेहरूका मात्र के कुरा ! यिनैका निगाहमा बाँच्न विवश सहरका गल्ली, कुनाकाप्चा नाप्ने चौपायाहरू खानेकुरा नहुँदा अहिले जीवनमरणको दोसाँधमा छन् । आम मानिसको जीवनमाथि पनि खेलाँची गर्ने सत्ताको ध्यान यस्ता सडकछाप जनावरमाथि पर्ने कुरै भएन ।
तर सहरमा केही यस्ता मनकारी मनहरू पनि छन्, जसले सडकपेटीमा भौतारिन बाध्य जनावरका लागि खनपिनको प्रबन्ध गरिरहेका छन् । कोरोना भयकै बीच पनि आफ्ना ज्यान जोखिममै राखेर निरीह पशुका लागि खाने मेसो जुटाउन होस्टेमा हैँसे गर्नेहरू यदाकदा देखिन्छन् ।
काठमाडौँ चाहविल सडकमा भोकप्यासले छटपटाइरहेका कुकुर, गोरु । लाग्छ, कुनै उद्धारकर्ताको पर्खाइ उनीहरू सडकबाटै पुकारा गरिरहेका छन् ।




