श्रापको ध्वाँस
मंसिर ०७५ मा पश्चिम बंगालको राजधानी कोलकाता घुम्ने लक्ष्य थियो, कालीमन्दिर दर्शन । हिन्दु धर्मावलम्बीले श्रद्धासाथ पुज्ने मन्दिर पुग्दा भने त्यहाँको वातावरणले मन अमिलो भयो ।
र
मंसिर ०७५ मा पश्चिम बंगालको राजधानी कोलकाता घुम्ने लक्ष्य थियो, कालीमन्दिर दर्शन । हिन्दु धर्मावलम्बीले श्रद्धासाथ पुज्ने मन्दिर पुग्दा भने त्यहाँको वातावरणले मन अमिलो भयो । किनभने मन्दिर दर्शन गर्न बाहिरबाटै सेटिङ मिलाउनेेहरुले डोर्याएरै भित्र पुर्याउने अनि दर्शनको नाममा नानाभाँती भन्दै रकम असुल्दा रहेछन् ।
पाँचथरका पत्रकार गिरिराज बाँस्कोटासँगै हामी मन्दिर दर्शनका क्रममा केही रकम जबर्जस्ती बुझाउन बाध्य भयौँ । तर कालिको मूर्तिलाई साक्षी राखेर श्राप पाइने र जीवनमा धोका हुने बताएर ५ सयदेखि २ हजार भारु असुल्ने उनीहरुको नियत थाहा पाएपछि अचम्मित भयौँ । बेलुकी साल्टलेक स्टेडियम बसाइका क्रममा अरु साथीहरुले पनि ठगीका घटना सुनाए ।
जुनसुकै समय भीडभाड हुने हुग्ली नदी तीरको कालिमन्दिरको व्यथा त्यहाँ पुग्ने सबैको उस्तै हुँदो रहेछ । 'भित्र भीआईपी दर्शन चलिरहेको छ । छिटो दर्शनका लागि थोरै खर्च गरे पुग्छ' भन्दै आसेपासेले लाइन मिलाएपछि टाढाबाट आएका तीर्थालु फन्दामा पर्दा रहेछन् ।
भीख माग्ने पेसा
दुई साताअघि बिहारको तीर्थस्थल गया पुग्दा उस्तै प्रवृत्ति देखियो । पितृ उद्धारका लागि भन्दै बर्सेनि हजारौँ नेपाली पुग्ने लक्ष्मीनारायण मन्दिर परिसर नपुग्दै उही हर्कत देखियो । मूर्ति दर्शन तीर्थालुको इच्छाको विषय भए पनि त्यहाँका पण्डाले जबर्जस्ती पैसा चढाउन लगाउँदा रहेछन् । नजिकैको अर्को मन्दिरमा त बच्चादेखि तन्नेरी अनि पाकासम्म सबै भिखारी । पाखुरा बजाएर कचौरी ठटाउँदै पैसा मागेको देख्दा लाग्यो, 'काशीका कावा' भन्ने ठीकै रहेछ। यद्यपि यो काशी भने थिएन ।
हामी गयाकै अर्को धार्मिक स्थल बोधगयातर्फ हान्नियौँ । बुद्धले ज्ञान प्राप्त गरेको बोधी वृक्षसहित अशोक स्तम्भ, विभिन्न देशले बनाएका भव्य बौद्ध मूर्ति र विहारले सजिएको यो स्थानमा पनि आगन्तुकलाई फोटो बेच्नेदेखि गाइडसम्मले सताउँदा रहेछन् ।
फोटो किन्न ३ दर्जनजतिले एक नेपाली महिलालाई घेर्दा उनी झन्डै बेहोस देखिइन् । ती महिलाले प्रतिवादस्वरुप भनिन्, "मैले लैजाने एउटा फोटो हो तर किन यति धेरैले घेरेको ?"
ठगीका शृंखला
बोधगयामा ठगका अनेक फन्डा रहेछन् । केही वर्षअघि दिल्लीबाट फर्किने क्रममा हाम्रो रुट पटना, सहर्सा, पूणिर्या हुँदै विराटनगर छिर्ने थियो । पूणिर्यामा रेलबाट उत्रिएर जोगबनीको बस चढ्न हतार भएका बेला हामीमाथि गज्जब नाटक रचियो । पैदल हिँडिरहेका बेला बीच बजारमा एक व्यक्ति औँठी चोरेर भागिरहेका थिए । करिब ५० मिटरपछि दौडिँदै आएका अर्का व्यक्तिले भने, "मेरो हातको औँठी चोरेर त्यो मान्छे भागिरहेको छ, समाउन सघाउनुपर्यो ।"
हामी छक्क पर्यौँ । उनी प्रस्ट नेपाली भाषा बोल्थे । केही बेरमै अर्का व्यक्तिले हामीलाई भने, "मसँग १ तोलाको सुनको औँठी छ, किन्ने हो ?" हामीले लख काट्यौँ, पक्कै पनि यो व्यक्ति चोर हो । सुरुमा १० हजार भारु भनेको औँठी मूल्य घट्दै ५ सयमा दिन सहमत भयो । पुलिस स्टेसन पुगेर सामग्री किन्छौँ भनेपछि मात्र ऊ साइड लाग्यो । सुन चोर्ने, खेद्ने र पछि हामीलाई बिक्री गर्ने एउटै समूह भएको लख काट्न कठिन भएन । त्यही दिन बिहान सहर्सास्थित घुरन मास्टरको घरमा बास बसेर रेलवे स्टेसन जाने क्रममा रिक्सामै छुटेको ब्याग स्टेसनसम्मै आएर दिने रिक्सावालाको गुन पनि हामीसँग ताजै थियो ।
बनारस पनि उस्तै
बनारसस्थित रेलवे स्टेसनबाट निस्कनेबित्तिकै अटोमा चढ्न र होटल पुर्याउने भन्दै आएको ताँतीले अनिँदो ज्यानमा अझ आलस्य थप्यो । बनारसको उदेकलाग्दो ट्राफिक झन्झट अनि गल्ली । रामनगरस्थित म्युजियम घुमघामपछि काशी हिन्दु विश्वविद्यालय र त्यसकै परिसरमा रहेको विश्वनाथ मन्दिर दर्शन गर्ने योजना बुनेका थियौँ ।
रामनगरबाट गंगा तर्दै त्यता जाने क्रममा अटोवालाको अर्को दादागिरी सहनुपर्यो । ड्राइभरको गल्तीले बाटो भुलिए पनि थप रकमको माग गरेकाले हामी सँगै रहेका बनारसकै वासिन्दा सुरेन्द्र त्रिपाठी जंगिए, "टाढा-टाढाबाट आएकालाई सानोतिनो कुरामा झमेला दिने गरेकाले पवित्र काशीलाई बदनाम बनाउँदै छौ ।"
बनारस क्षेत्रका मठमन्दिर दर्शन गरे मोक्ष पाइने विश्वासमा बर्सेनि हजारौँ नेपाली त्यहाँ पुग्ने गर्छन् । गंगा किनारको रमाइलो साट्न भन्दै त्यहाँ पुगेका हामीलाई डुंगावालाको बार्गेनिङले हतोत्साही बनायो । आधा घन्टा घुमेको २ हजार ८ सय भारु मागियो । तर बेलुकीको गंगा आरती हेर्ने क्रममा डुंगा चढेर जाँदा भारु १२ सय मात्र तिर्यौँ ।
सम्बन्धित
२००७ को राजा/प्रजाको संयुक्त प्रजातान्त्रिक आन्दोलनपछि अहिलेसम्म जारी भएका संविधानअनुसार र...
कार्यकर्ता होइन, नागरिक भएर सोचौँ
अमेरिकामा चकित पार्ने धेरै पक्षहरू हुँदाहुँदै पनि सुरुमै सबैको ध्यान खिचेर विकासको परिचय द...
अमेरिकी सडक सन्जाल : विकासको अनौठो मोडल
छोरीचेलीको करियरका लागि सीमित रकम तिर्न नसक्ने तर पराई घर पठाउन ऋण गरेरै भए पनि लाखौँ खर्च...
छोरीचेलीको हैसियत बिहे मात्रै ?
ट्याक्सी ड्राइभर पहिलो पटक मैले कसरी र कहिले हेरेँ, याद छैन । तर हेर्नेबित्तिकै मलाई त्यो ...
ट्राभिस कुटाइममा मुर्दाघर आयो
तिमी पनि तिम्रा प्रियहरूलाई भनिदेऊ, ‘क्षमा देऊ ।’ उनीहरूलाई सिकाइदेऊ, बदलाका लागि होइन, बद...
बदलाका लागि होइन, बदलावका लागि लड्नुपर्छ
अमेरिका विकास, शक्ति र संस्कृतिमा जति धनी छ, भित्र लुकेको जातीय तुष पनि उत्तिकै टाँसिएको छ...