यस्तो महान्वाणी दिइरहँदा सभापति कोइरालाले आफूले सबैभन्दा विश्वास गरेका र सरसल्लाह सुन्ने तथा आफूले पत्याएका 'लायक'हरूको अनुहार पनि हेरे हुन्थ्यो। आनन्द ढुंगाना, दिलबहादुर घर्ती, राजनप्रसाद पन्त, रामकृष्ण ताम्राकार र दिलेन्द्र बडुहरूबाट घेरएिका कोइरालाले सबैभन्दा बढी आलोचना खेपेका छन् भने कोटरीकै कारण खेपेका छन्।

पार्टीभित्र गुट/उपगुटको छिर्के हान्ने, विकृतिको अभ्यास गर्ने/गराउने र शुभलाभका कर्म गर्नेसम्मका खेलहरूमा कोइराला कोटरी बदनाम छ। हेर्दै जाऊँ, कोइरालाले कहाँबाट कस्ता स्वच्छ छविका व्यक्ति ल्याएर मन्त्री बनाउने रहेछन् ?

- नारायण अमृत

न्यायपरिषद्को उल्टो गति

'गर्नुपर्ने काम गर्दैन, नगरे पनि हुने काम खोजीखोजी गर्छ, त्यो के हो ?' कसैले यस्तो गाउँखाने कथा सोध्यो भने सही जवाफ हुन सक्छ, न्यायपरष्िाद्। हुन पनि नगरी नहुने कामको चाङ छ ऊसँग। कैयौँ न्यायाधीशबारे उजुरी छन्। तिनको छानबिन गर्दैन। सर्वोच्च अदालतका प्रधानन्यायाधीशले फैसलामै कारबाही गर्नू भनिएका न्यायाधीशलाई कारबाही गर्दैन। बरू कानुनका सिरीखुरी खोजेर विवादित न्यायाधीशलाई सुनपानी छर्कन्छ। हुँदाहुँदा उसलाई बेला न कुबेला अन्तरमि संविधानको व्यवस्थालाई नै भत्काउने भूत चढेको छ। त्यसैले न्यायपरष्िाद् पदाधिकारीहरू सर्वोच्चका न्यायाधीशको नियुक्तिमा संसदीय सुनुवाइ नै गर्न नहुने तर्क गर्न थालेका छन्। नियुक्तिपछि न्यायपरष्िाद्ले कारबाही नगर्ने, नियुक्तिअघि संसद्सामु कुनै प्रश्नको सामना गर्नु नपर्ने। कस्तो न्यायप्रणाली बनाउन खोजेको हो कुन्नि ?

- रामबहादुर रावल

चिम्पान्जी को ?

एमाओवादी नेताहरू कि १० वर्ष जंगल बसेको धाक लगाउँछन् कि त अब जंगल र्फकने धम्की दिन्छन्। त्यतिसम्म त सामान्य हो। हुँदाहुँदा एक नेताले अर्का नेतालाई चिम्पान्जी अर्थात् वनमान्छे पनि भन्न थालेछन्। पार्टीको केन्द्रीय समिति बैठकमै बाबुराम भट्टराईले आफ्नै पार्टीका अध्यक्ष पुष्पकमल दाहाल 'प्रचण्ड'लाई 'चिम्पान्जी' भन्न बाँकी राखेनन्।

चिम्पान्जी र मान्छेका ९८ दशमलव ६ प्रतिशत विशेषता मिल्छन्। तर, १ दशमलव ४ प्रतिशत मिल्दैनन्। प्रचण्डसँग उनको फरक पनि यत्ति रहेछ। चिम्पान्जी बहसमा अल्झँदा चिम्पान्जी नै पुष्टि हुने डरले होला, हेटौँडाबाट पालुङटार र्फकने प्रेसरमा परेका प्रचण्डले बाबुरामलाई कुनै पगरी भिराएनन्। तर, पार्टीभित्र चिम्पान्जी-चर्चा चलेकै छ। आखिर चिम्पान्जी को हो ? दुवै मान्छे हुन् या दुवै चिम्पान्जी ? मान्छेबाट चिम्पान्जी बन्ने हो या चिम्पान्जीबाट मान्छे ?

- राजकुमार बानियाँ

दाबी-विरोधमा भाउजू

कांग्रेस वरष्िठ नेता शेरबहादुर देउवाले छाडेको कैलाली-६ मा उम्मेदवार बन्न संस्थापन वा देउवा गुटको हानथाप छ। देउवा गुटले भाउजूको उम्मेदवारी मागिरहेको छ भने संस्थापन पक्ष गत संविधानसभा र यसपटक पनि समानुपातिक सभासद्को भूमिका पाइसकेकी भाउजू अर्थात् देउवा-पत्नी आरजु राणालाई कुनै पनि हालतमा टिकट नदिने अभियानमा छ। तर, देउवा पक्ष ६० र ४० प्रतिशतको भागबन्डामा त्यो क्षेत्र आफ्नो भागमा परेको तर्क गररिहेको छ। संस्थापन पक्षको जोडबल कुनै बेला देउवा गुटमा रहेका पुष्करनाथ ओझालाई टिकट दिलाउनेमा छ भने देउवा पक्ष पटक-पटक भाउजू कि भाउजू भनेर भनिरहेको छ। भाउजूको उम्मेदवारीमाथि हकदाबी र विरोध रमाइलो छैन त ?

- उपहारजंग शाह

उखान-टुक्काका दिन

राजनीति गर्ने धेरैको चिन्ता छ, 'अधिक खर्च हुने भयो। जनताको बीचमा जाँदा पनि विकास निर्माणजस्ता सरजाम जोडेर मात्र जानुपर्ने भयो।' अब भने हल्काफुल्का उखानटुक्का मात्रै जोड्दा पनि पुग्लाजस्तो छ। एमाले नेता केपी ओलीलाई नै हेरौँ न ! झापा-७ का एमाओवादी प्रत्यासी गोपाल किराँतीलाई 'केही दिनका लागि सातुसामल बोकेर आएका पाहुना' भन्दै कटाक्ष गरेका भरमा चुनाव जिते।

चुनाव जितेपछि ओली जनतालाई धन्यवाद दिन पनि गएनन्। उनले आफू वडाध्यक्ष नभएको भन्ने टुक्का जोडेर टारे। संसदीय दलको चुनावमा पनि वरष्िठ नेता माधव नेपालको समर्थन पाएका एमाले अध्यक्ष झलनाथ खनाललाई टुक्का जोडेरै ओलीले हराइदिए। राजनीतिमा सफल हुन चाहनेहरूले आजैदेखि उखानटुक्का र जोक्सको किताब खोजेर पढ्न थाल्ने हो कि ?

- सीताराम बराल