भानुभक्तलाई हेलमेट
भानुभक्तको सालिक चाइना एड्ले बनाइरहेको दरबार हाइस्कुलको पर्खालमा च्यापिएको छ । विस्मय के छ भने उनको बिर्खेटोपीमाथि कसैले साइकलको हेलमेट भिराइदिएछ, आँखामा चस्मा सिउरिदिएछ । यसलाई सनक भन्ने कि सम्मान !
कविलेखकका असली प्रतिमा त उनीहरूकै कृति हुन् । सम्मानको आदिम भोकले तड्पिएकाले पनि हुन सक्छ, सबैभन्दा धेरै सालिक ठड्याइएका छन् तिनकै । नेपाल प्रज्ञाप्रतिष्ठानको हाताभित्र पस्ने हो भने सालिक संग्रहालयजस्तो लाग्छ । मूल भवनको चारै दिशामा कविलेखकका सालिकै सालिक छन् ।
प्रज्ञाप्रतिष्ठानको बाहिर मात्र होइन, भित्रसमेत सालिक नै ठड्याइएको छ, कविराजा मवीवि शाहको । गणतन्त्रकालका कुलपति गंगाप्रसाद उप्रेतीले उनको सालिक निर्माण गरी किन भित्र राखे ? प्रश्न अनुत्तरित छ । तर बाहिरफेर चराले विष्टाउने अनि तोडफोडबाट बचाउने रणनीतिचाहिँ पक्कै हो ।
यहाँ चर्चा गर्न लागिएको सन्दर्भ भने आदिकवि भानुभक्त आचार्यको हो । २ सय ५ वर्ष पहिलेका भानुभक्तको सालिक चाइना एड्ले बनाइरहेको दरबार हाइस्कुलको पर्खालमा च्यापिएको छ । विस्मय के छ भने उनको बिर्खेटोपीमाथि कसैले साइकलको हेलमेट भिराइदिएछ, आँखामा चस्मा सिउरिदिएछ । यसलाई सनक भन्ने कि सम्मान ! सालिक ठड्याउन मरिहत्ते गर्नेहरुले एकपटक ठन्डा दिमागमा मनन गरे हुने हो ।
किड्नी चाहिएमा...
फुटपाथमा हिँड्दै जाँदा कतै न कतै विस्मय लागिहाल्छ । फागुन दोस्रो साता खाद्य संस्थानको डिपोनेरको बिजुली पोलमा त्यस्तै सूचना देखियो । ए-फोर पेपरमा कम्प्युटर प्रिन्ट सूचनामा सेलफोन नम्बरसहित लेखिएको रहेछ, 'तपाईंहरुलाई किड्नी चाहिएमा सम्पर्क गर्नुहोला ।'
नेपालकर्मी रवि मानन्धरले त्यो सूचना मलाई मात्र देखाएनन्, मोबाइलले फोटो पनि खिचे । फागुनको घामपानीमा घाइते भएजस्तो त्यो सूचनाले एकछिन हतप्रभ बनायो । कार्यालय आउजाउका क्रममा धेरै दिनसम्म मथिंगलमा खेलिरह्यो । मिर्गौला बिक्री कसैको रहर हुन सक्दैन । त्यो विवश मानिस को होला ? कस्तो अभिशप्त सूचना !
नेपालको कानुनले मिर्गौला बिक्रीमा छूट दिएको छैन । परिवारभित्रका आमाबाबु, छोराबुहारी, छोरी, नातिनातिना, धर्मपुत्र, धर्मपुत्री, भतिजा, भतिजी, दाजुभाइ, दिदीबहिनीबाहेक अरुले मिर्गौला दान गर्न नपाइने व्यवस्था छ । मिर्गौला दाता बिरामीका आफन्तको दायरा त्यति फराकिलो नभएको अनुभव पनि गरेका छन् कतिपयले । कानुनले तोकेबाहेकका व्यक्तिको मिर्गौला दान किनबेच हुने भएकाले नक्कली कागजात बनाएको पनि सुनिएकै हो ।
खुलेआम मिर्गौला बिक्रीको सूचना व्यक्तिगत बाध्यता हो या तस्करी समूहको व्यवसाय ? खुल्दुली बढेपछि सम्बन्धित नम्बरमा पटक-पटक फोन गर्ने प्रयास गरियो । सूचनाको हदम्याद र प्रयोजन सकिएर पनि हुन सक्छ, धेरै दिनसम्म फोन उठेन । अलि पछिचाहिँ टेलिफोनप्रदायक कम्पनीकी कन्याको आवाज मात्रै आइरह्यो, 'माफ गर्नुहोला, तपाईंले सम्पर्क गर्नुभएको नम्बरको आगमन कल निषेध गरिएको छ ।' खोइ प्रसन्न हुने कि खिन्न !
औतारी रामेश
रामेश | तस्बिर : श्रुति श्रेष्ठ
गायक तथा संगीतकार रामेश श्रेष्ठको औतारी छवि चिन्नलाई केही दृष्टान्त नै काफी छन् । नेपाल संगीत तथा नाट्य एकेडेमीको कुलपति खाएनन्, सरकारले दिने माथिल्लो तहको विभूषण लिएनन् । यति मात्र नभएर हालै उनले प्रधानमन्त्रीको हातबाट पुरस्कार पनि लिएनन् ।
गंकी धुँस्वा-बसुन्धरा प्रतिष्ठानले रामेशलाई 'धुस्वाँ सायमि सिर्जना सम्मान' दिने भएछ, ५० हजार राशिको । प्रतिष्ठान अध्यक्ष डा अरुण सायमीको मनसुवा रहेछ, प्रधानमन्त्री केपी ओलीको हातबाट पुरस्कार दिने अनि आत्मकथा विमोचन गराउने ।
त्यही प्रस्ताव रामेशलाई राखेछन् । तर उनले आफ्नै नेताको हातबाट पुरस्कार नलिने विचार गरेछन् । फसाद पर्यो अरुणलाई । एक त पुरस्कृत प्रतिभालाई चिढ्याउनु भएन, दोस्रो आफ्नै किताब विमोचन मुल्तबीमा राख्नुपर्यो । एउटै खर्चमा कार्यक्रम सक्ने उनको उद्देश्य एम्बुसमा पर्यो ।
अन्ततः रामेशलाई १ माघमा शंकर होटलमा आयोजित कार्यक्रममा जनकवि दुर्गालाल श्रेष्ठले पुरस्कार हस्तान्तरण गरे । दुर्गालालको हातबाट पुरस्कार लिँदा निकै प्रफुल्ल देखिए । नेपाल भाषाका उपन्यासकार मल्ल के सुन्दरलाई 'गंकी धुँस्वा-बसुन्धरा पुरस्कार' दिइएको समारोहमा रामेशले करिब दुई घन्टा लामो कन्सर्ट पनि दिए, आफ्ना विचार पनि फलाके । प्रधानमन्त्रीलाई पुरस्कार दिन रोक्न सक्ने दुस्साहस अरु कलाकारमा पनि होला त ?
सम्बन्धित
२००७ को राजा/प्रजाको संयुक्त प्रजातान्त्रिक आन्दोलनपछि अहिलेसम्म जारी भएका संविधानअनुसार र...
कार्यकर्ता होइन, नागरिक भएर सोचौँ
अमेरिकामा चकित पार्ने धेरै पक्षहरू हुँदाहुँदै पनि सुरुमै सबैको ध्यान खिचेर विकासको परिचय द...
अमेरिकी सडक सन्जाल : विकासको अनौठो मोडल
छोरीचेलीको करियरका लागि सीमित रकम तिर्न नसक्ने तर पराई घर पठाउन ऋण गरेरै भए पनि लाखौँ खर्च...
छोरीचेलीको हैसियत बिहे मात्रै ?
ट्याक्सी ड्राइभर पहिलो पटक मैले कसरी र कहिले हेरेँ, याद छैन । तर हेर्नेबित्तिकै मलाई त्यो ...
ट्राभिस कुटाइममा मुर्दाघर आयो
तिमी पनि तिम्रा प्रियहरूलाई भनिदेऊ, ‘क्षमा देऊ ।’ उनीहरूलाई सिकाइदेऊ, बदलाका लागि होइन, बद...
बदलाका लागि होइन, बदलावका लागि लड्नुपर्छ
अमेरिका विकास, शक्ति र संस्कृतिमा जति धनी छ, भित्र लुकेको जातीय तुष पनि उत्तिकै टाँसिएको छ...