पात
कुन्नि के सुरलेअचानक झोक्का बनेर हावा आयोर कति दिनदेखि त्यो रूखको हाँगामाखङ्ग्रङ्ग सुकेर बसेकोत्यो किंकर्तव्यविमूढ पातच्वाट्ट चुाडियो ।
कुन्नि के सुरले
अचानक झोक्का बनेर हावा आयो
र कति दिनदेखि त्यो रूखको हाँगामा
खङ्ग्रङ्ग सुकेर बसेको
त्यो किंकर्तव्यविमूढ पात
च्वाट्ट चुाडियो ।
हाँगामा थपक्क टाँसिएको त्यो खैरो पात
उड्यो उचाइतर्फ
हठात् तल झर्यो
भुइँमा खस्नै लाग्दा हावाले त्यसलाई भुइँभुइँ उडायो
र अर्को रूखको फेदमा जोडले ठोक्किएर टाँस्सियो
त्यो पात एकछिन त्यहीँ अडियो ।
एकै निमेषपछि
फेदबाट हान्नियो त्यो पात
र जमिनमा ओल्टिँदै–पल्टिँदै यताउता भइरह्यो
रूखमा रहेन त्यो पात
न शून्यमा अडिन सक्यो, न भुइँमा बिसाउन पायो
हावाले त्यसलाई फर्रफर्र उडाउँदै एउटा कुलोमा पुर्यायो
र बग्दै गयो त्यो पात कताकता–
बगिरहेको त्यो कुलोले खै त्यसलाई कता पुर्यायो !
रूख भने उभिरह्यो, नयाँ पालुवा फेरि पलाए
पालुवा पात बन्यो, सुक्यो, फेरि चुाडियो रूखबाट
अनि फरफर उड्दै, कुलोमा तैरिँदै, फेरि खै कहाँ गयो त्यो पात
रूखमा उम्रेको, रूखमै सुकेको त्यो नयाँ पात खै कहाँ गयो !
पात–पात मिलेर हाँगामा, छाया दिन्थे कुनै दिन
पात–पात मिलेर रूखमा छहारी हुन्थ्यो कुनै दिन ।
सम्बन्धित
भोको बिहान बोकेर, सँधै सँधै उदाइरहने, मेरा हत्केलाका ठेलाहरू हेर, लेख्न सक्छौ तिमी, मेरा अ...
पोस्टमार्टम स्थलबाट सूर्यबहादुर तामाङको आग्रह
जुत्ताको तलुवामुनि, सदियौँदेखि कुल्चिएका छौ तिमीले - मेरो अस्तित्व । (कविता)...
म निसास्सिइरहेको छु
मैले तिमीलाई गाउँ गाउँ अनि दलित, गरिबका बस्ती बस्तीमा आउ भनेको थिएँ । तर तिमी त सहर-बजारका...
गणतन्त्र
गाउँभरि युवाहरूको अभावमा खेत बाँझो देख्न नसकी, घरका हल गोरुसँगै, आफ्नो पनि हत्या गर्ने वृद...
एक बौद्धिकलाई प्रश्न
मेरो अन्त्यको अर्थहीन विलम्बबीच म सोचमग्न छु- अविलम्ब जागृत हुनुपर्ने मानिस कहाँ छ ? (कवित...
सृष्टिमा अन्तिम सेतो जिराफ
सत्तालाई सबैभन्दा बढी झोँक चल्छ, जब चिच्चाउन थाल्छ कोही नाङ्गो मानिस... ...