भ्यालेन्टाइन्स डेको छेकोमा रिलिज भएको प्रेमगीतले दर्शकको प्रेम साँच्चै नै पायो । पूजा शर्मा र प्रदीप खड्काको रोमान्स हेर्न हलमा दर्शकको ओइरो लाग्यो । फिल्म सफलताको क्रेडिट पूजाको पोल्टामा पर्ने अपेक्षा गरियो किनभने एकातिर पूजाभन्दा प्रदीप जुनियर हुन्, उनको पहिलो फिल्म स्केप फ्लप भएको थियो, अर्कातिर प्रेमगीतको निर्माण पक्षले पूजालाई बढी ‘स्पेस’ दिएको थियो प्रमोसनमा ।

त्यसैले सफलताको श्रेय पूजाले पाउनु स्वाभाविकै हो । तर, भइदियो उल्टो । किनभने, दर्शकले पूजाभन्दा प्रदीपलाई बढी रुचाए । उनको चकलेटी लुक्स र अभिनयको तारिफ नगर्ने सायदै कोही थिए । त्यसैले त पहिलो गाँसमा ढुंगा परेका प्रदीप प्रेमगीत रिलिजपश्चात् फुरुंग देखिन्छन् ।