क्यान्सरग्रस्त इरफानलाई अचानक टिसीले भन्यो, ‘तपाईंको स्टेसन आउँदैछ, कृपया उत्रनुहोस् ।’
इरफानले केही दिनअघि अस्पतालबाटै आत्मीय मित्र अजय ब्रह्मात्मजलाई असाध्यै भावुक हुँदै लेखेको पत्रमा आफू मनोवैज्ञानिक र आध्यात्मिक रुपमा रोगसँग लड्दै गरेको उल्लेख गरेका छन् ।
प्रतिष्ठित आइफा अवार्डको १९औँ संस्करणमा इरफान खानले उत्कृष्ट अभिनेताको अवार्ड पाए, हिन्दी मिडियमबाट । अवार्ड समारोहमा भने उपस्थित हुन सकेनन् । अवार्ड आयोजना गरिएको थियो, बैंककमा । इरफान छन्, लन्डनमा । न्युरोएन्डोक्राइन क्यान्सर नामक दुर्लभ रोगबाट पीडित इरफान लन्डनको एक अस्पतालमा उपचाररत छन् । सोही कारण बेडबाटै उनले ट्वीट गरे, “आइफा र हाम्रा दर्शकलाई धेरै धन्यवाद, जो मेरो यात्राको भाग बनेका छन् ।”
इरफानको जीवनयात्रामा भने क्यान्सरले अवरोध सिर्जना गरिरहेको छ । त्यो पनि कुनै लक्षण देखाएर होइन, एक्कासि । उनले केही दिनअघि अस्पतालबाटै आत्मीय मित्र र न्युजलन्ड्रीका स्तम्भकार अजय ब्रह्मात्मजलाई पत्र लेखेका छन्, “अहिलेसम्म म आफ्नो यात्रामा तीव्र गतिमा हिँडिरहेको थिएँ । मेरो साथमा योजना, आकांक्षा, सपना र उद्देश्य थिए । यसैमा लीन थिएँ । अचानक टिसीले मेरो पिठ्युँमा थप्थपाएर भन्यो, ‘तपाईंको स्टेसन आउँदैछ, कृपया उत्रनुहोस् ।”
पत्रमा इरफानले असाध्यै भावुक हुँदै मनोवैज्ञानिक र आध्यात्मिक रुपमा रोगसँग लड्दै गरेको उल्लेख गरेका छन् । “शुभचिन्तकको सामूहिक प्रार्थनाबाट उब्जेको हरेक डाँठ, पात र फूलले मलाई एउटा नयाँ संसार देखाउँछ,” बलिउड मात्र होइन, हलिउडमा समेत आफ्नो नाम रोशन गरेका यी अभिनेताले लेखेका छन् ।
थिएटर हुँदै फिल्ममा फड्को मारेका इरफान हिरोको परम्परागत हुलियामा अटाउँदैनन् । तर, उनको अभिनयको जादूले सबै मान्यतालाई तोड्यो र शिखर चुम्यो । उनमा क्यान्सर पत्ता लाग्नु र ब्ल्याकमेल रिलिज हुनु करिब एकै समय थियो । रोगले गर्दा प्रचार–प्रसारमा हिँड्न पाएनन् । सोही कारण शाहरुख खान, आमिर खान र सलमान खानले ब्ल्याक मेलको प्रमोसन गर्दै इरफानलाई साथ दिएका थिए ।
अर्को वर्ष उनले हिन्दी मिडियमबाहेक करिब–करिब सिंगलबाट वाहवाही कमाए । उस्तै लुक्समा पनि फरक भूमिकालाई जीवन्त बनाउन सक्ने असीम क्षमता छ उनीसँग । स्लमडग मिलिनियर, द वारियर, नेमसेक, जुरासिक वल्र्डलगायतका हलिउड फिल्ममा जोडिन कसरी सम्भव थियो होला र ?
इरफान अभिनीत हिन्दी फिल्म करवान र अंग्रेजी फिल्म पजल प्रदर्शन हुन बाँकी छन् । रोग निको नभई अन्य फिल्म खेल्ने सम्भावना छैन । अस्पतालबाट ट्वीट गर्दै करवानको प्रमोसन गरिरहेका छन् । लाग्छ, क्यान्सरले उनमा ज्ञान, आत्मबोध र बुझाइका अनेक तह थपिदिएको छ । त्यसैले त भन्छन्, “सही अर्थमा मलाई पहिलो पटक ‘आजादी’ शब्दको अनुभूति भयो । एउटा उपलब्धिको अनुभूति ।”
सम्बन्धित
पर्फ्युममा सुँघ्ने क्षमतासँगै अस्तित्वको खोजी र ग्रनोई अवचेतन रूपमै मृत्युको नजिक रहेको दे...
सिनेमामा गन्धको प्रस्तुति
गरिरहेका काम जहाँको तहीँ थाती राखेर क्वारेन्टाइन पसेका रंगकर्मीको उकुसमुकुस ...
नाटकघरमा उज्यालो फर्केला ?
अमेरिकन आइडल–२०२० को उपाधि चुम्न आतुर नेपाली ठिटो...
'भाषा हटाइदिनुस्, भावना उस्तै हुन्छ'
बलिउडमा स्थापित भन्दा फरक पृष्ठभूमिबाट सिनेक्षेत्रमा प्रवेश गरेका इरफानको संघर्ष आफैंमा एउ...
इरफानको शक्तिशाली समय
लकडाउनमा सेलिब्रिटी दैनिकीः पारिवारिक पुनर्मिलन, सिर्जनात्मक रचनादेखि जनचेतनाका आवाजसम्म...
सेलिब्रिटीका लकडाउन सिर्जना
च्याम्पियनका अन्य प्रतिस्पर्धीले कन्टेन्टका लागि माथापच्ची गरिरहादा हिमेश भने तु लेखिसक्थे...