कोही कलाकार किन बन्छ ? सबैको आ–आफ्नै परिभाषा होलान् । तर नेपालमा आधुनिक मूर्तिकलाका पिता भनिने ठाकुरप्रसाद मैनाली राजनीतिमा झुट बढी बोल्नुपर्ने देखेपछि कलाकारितामा लागेको बताउँछन् । नेपाल ललितकला पक्रकार समाजको नियमित कार्यत्रम ‘कलाका कुरा’ मा गफिँदै मूर्तिकार मैनालीले दुब्लो भएकैले शिक्षकले मूर्ति पढ्न नदिएको सम्झिए । उनले सिमेन्ट र ढुंगाबाट बनाएको ३५ फिट अग्लो सेतो स्मारक भृकुटीमण्डपमा अझै छ । नेपालमा मूर्तिकला त कला नै होइन भनेर बुझेको समुदायमा उनकै पहलमा नेपाल कलापरिषद् गठन भएको थियो । युवा कलाकारको कामको प्रशंसा गर्दै राम्रो कलाकार बन्न पूर्ण रुपमा माझिनुपर्ने मैनालीको मत छ ।