अहिलेसम्मकै सर्वाधिक ५० स्वर्ण जित्ने लक्ष्य लिएको नेपालले १३ औँ दक्षिण एसियाली खेलकूद (साग) मा लक्ष्यअनुसार नै जित निकाल्यो । फुटबलको फाइनलमा भुटानलाई पराजित गर्दै नेपालले स्वर्णको संख्या ५१ पुर्‍यायो । अंक तालिकामा १९५ पदकसहित दोस्रो स्थानमा छ ।  

सर्वाधिक चर्चामा रहिन् पौडी खेलाडी गौरिका सिंह । उनले एउटै खेलमा चारवटा स्वर्ण जितेर रेकर्ड राखिन् । १३ औँ साग समापन कार्यक्रममा नेपालको राष्ट्रिय झण्डा उनैले बोकिन् ।

यसबाहेक जितमा खुसी, हारमा आँसु । यसपटकको सागलाई सम्झाइरहने केही भावुक र केही रोमाञ्चक क्षणहरू हामीले तस्बिरमा कैद गरेका छौँ । यी तस्बिरहरूले तपाईँलाई सधैँ १३ औँ सागको सम्झना गराइरहनेछन् । 

गल्फमा स्वर्ण विजेता सन्तोष तामाङ । तस्बिरः किरण पाण्डे

साइक्लिङमा स्वर्ण विजेता बुद्धिबहादुर तामाङ । तस्बिरः केशव थापा

कराँतेमा स्वर्ण विजेता अनुपमा मगर । तस्बिरः हेमन्त श्रेष्ठ

महिला जुडोमा स्वर्ण पदक जितेपछि भावुक नेपालकी देविका खड्का । उनले श्रीलंका,भारत र बंगलादेशका खेलाडीलाई हराउँदै राउन्ड रोबिन लिगमा शीर्ष स्थान हासिल गरिन् । तस्बिरः अंगद ढकाल

बक्सिङमा स्वर्ण जितेका भुपेन्द्र थापा । तस्बिरः इलिट जोशी

पौडीमा चार स्वर्ण जितेकी गौरिकासँग खुसी साट्दै उनका बाबुआमा । तस्बिर : हेमन्त श्रेष्ठ

माल्दिभ्सविरुद्ध गोल गरेपछि अभिषेक रिजाल । तस्बिरः केशव थापा

जित्ने खेलाडी त खुसी हुने नै भए । उनीहरूभन्दा बढी खुसी दर्शक देखिन्थे ।  तस्बिरः अंगद ढकाल

कराँतेमा स्वर्ण जितेपछि कुसुम खड्का आमासँग खुसी साट्दै । तस्बिरः हेमन्त श्रेष्ठ

लक्ष्मी मगर स्वर्ण जितेपछि गाउँलेसँग खुसी साट्दै । उनले साइक्लिङमा स्वर्ण जितेकी हुन् । तस्बिरः केशव थापा

तेक्‍वान्डोमा स्वर्ण जितेकी आयशा शाक्य छोरासँग । उनले यसपटक दुई स्वर्ण जितिन् । तस्बिरः इलिट जोशी

कराँतेमा स्वर्ण जितेपछि सुनिता महर्जनको खुसी । तस्बिरः हेमन्त श्रेष्ठ

कराँतेमा स्वर्ण जितेपछि आफ्ना श्रीमानसँग खुसी साट्दै सुनिता महर्जन । तस्बिरः हेमन्त श्रेष्ठ

१३ औं साग अन्तर्गत पुरुष फुटबल प्रतियोगितामा श्रीलंकाविरुद्ध पेनाल्टीमा गोल गरेपछि उत्साहित क्याप्टेन सुजल श्रेष्ठ । तस्बिरः अंगद ढकाल ।

र, अन्तिममा,

भुटानविरुद्ध फुटबल फाइनलमा गोल हानेपछि नेपाली खेलाडीले यसरी मैदानमै सेल्फी खिच्न भ्याए । तस्बिरः हेमन्त श्रेष्ठ

सम्बन्धित सामग्रीहरूः

देशका लागि स्वर्ण जित्‍ने खेलाडीहरू चिन्‍नुस्

महिला फुटबलमा भारत तगारो 

शून्यमा पलाएकी सन्तोषी