असफलतालाई गुरु थापेर
प्लस टु सकेर इन्जिनियरिङ पढ्न भारतको पश्चिम बंगालको एनआईटी दुर्गापुर पुगेका उर्लाबारी, मोरङका भूपेन्द्र खनालले कहिल्यै सोचेका थिएनन्, देशबाहिर बसी अन्तर्राष्ट्रिय स्तरको व्यवसाय गर्छु भनेर ।
भूपेन्द्र खनाल, भारत
प्लस टु सकेर इन्जिनियरिङ पढ्न भारतको पश्चिम बंगालको एनआईटी दुर्गापुर पुगेका उर्लाबारी, मोरङका भूपेन्द्र खनाल, ३७, ले कहिल्यै सोचेका थिएनन्, देशबाहिर बसी अन्तर्राष्ट्रिय स्तरको व्यवसाय गर्छु भनेर । इन्जिनियरिङ सकेको १२ वर्षपछि उनको नामअगाडि एउटा ट्याग जोडिएर आउने गर्छ– डग्सी च्यु कम्पनीका संस्थापक तथा प्रमुख कार्यकारी अधिकृत । घरपालुवा कुकुरका मनपर्ने खानेकुरामा डग च्यु पर्छ । यस्ता डग च्यु विशेषतस् हड्डीबाट बन्छन् । भन्छन्, 'त्यस्ता डग च्यु स्वस्थकर हुँदैनन् । त्यसैको विकल्पका रूपमा छुर्पीले बनेका डग च्युलाई विश्वबजारमा ल्याउने जमर्को गरेको हुँ ।”
करिब तीन वर्षअघि श्रीमतीसँग दार्जिलिङ घुम्न जाँदा फुरेको यो उपाय अहिले विश्वव्यापी बनिसकेको छ । विभिन्न देशमा यस उत्पादनको चर्को माग छ । १९ जनाले उक्त कम्पनीमा रोजगारी पनि पाएका छन् । 'डग्सी च्युको यात्रा निकै सुखदायी रहेको छ मेरा लागि । कुकुर पाल्नेको संख्या बढिरहेको हुँदा डग्सी च्युको बजार पनि बढिरहेको छ,” उनले सुनाए । अमेरिकामा हिमालयन डग च्युजले अपार सफलता हासिल गरेको देखेर आफ्नो कम्पनीको भविष्य पनि सुखद रहेको उनलाई लाग्छ । हिमालयन डग च्युजस्तो कडा प्रतिद्वन्द्वी पहिलेदेखि नै थियो । तर, उनले त्यसको पर्वाह भने गरेनन् । भन्छन्, 'प्रतिस्पर्धाको पर्वाह गरेको भए आज मैले सफलताको स्वाद चाख्न पाउँदैनथेँ सायद ।”
यसपछि उनको योजनामा नेपालमा पाइने अदुवा लगायत अन्य खाद्यबालीको अन्तर्राष्ट्रियकरण गर्नु रहेको छ । त्यसबाहेक बैंगलोरमा ठूलो नेपाली रेस्टुराँ खोल्ने, हल्दिरामजस्तै खाद्यव्यवसाय सञ्चालन गर्नेजस्ता केही महत्त्वाकांक्षी परियोजना पनि उनीसँग छ । यसका लागि उनका तर्फबाट आवश्यक अनुसन्धान पनि भइरहेको छ ।
डग्सी च्यु खनालको पहिलो कम्पनी भने होइन, दुई डिजिटल व्यवसायपछिको नौलो प्रयोग हो । यसअघि उनका मार्केटेलिजेन्ट र सिम्प्लीफाई ३६० नाम गरेका दुई कम्पनी थिए । एनालिटिक्स् र डिजिटल सेवाप्रदायक यी दुवै कम्पनीमा खनाल अहिले प्रत्यक्ष रूपमा संलग्न छैनन् । डग्सी च्यु सञ्चालन गरेपछि उनले पछाडि फर्केर हेर्नु परेको छैन । विभिन्न कार्यक्रममा उनलाई प्रेरणादायी वक्ताका रूपमा बोलाइन्छ ।
उचित बजार नपाएका स्रोतसाधन नेपालमा थुप्रै छन् । यिनलाई भूपेन्द्रले अवसरका रूपमा हेरेका छन् । उनी चाहन्छन्, विदेसिएका युवाले पनि यिनको प्रवद्र्धनमा योगदान पुर्याउँछन् । उनको अनुभव बोल्छ, 'अहिलेका युवामा धैर्य छैन । व्यापार सुरु गर्दै सफल भइहालिन्छ भन्ने सोच धेरैमा छ ।”
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...