एनआरएनएको विरासत
विदेशमा रहेर नेपाल चिनाउने मात्र नभई नेपालमा समेत योगदान पुर्याउनेको सूची सानो छैन ।
विदेशमा रहेर नेपाल चिनाउने मात्र नभई नेपालमा समेत योगदान पुर्याउनेको सूची सानो छैन । त्यसमा डा उपेन्द्र महतो अटाएका मात्रै छैनन्, अघिल्लो पंक्तिमै छन् । सन् १९६० मा सिराहामा जन्मिएका महतो अहिले नेपाली मूलका अर्बपतिमध्येमा पर्छन् । हाल रुस बस्दै आएका महतोलाई नै गैरआवासीय नेपालीलाई संगठित गर्ने श्रेय जान्छ । उनी संघको संस्थापक अध्यक्षसमेत हुन् ।
साधारण किसान परिवारमा जन्मेका महतोले नेपालमा पुल्चोक इन्जिनियरिङ कलेजमा सिभिल इन्जिनियर पढे भने सुनसरी–मोरङ सिँचाइ आयोजनामा एक वर्ष कामसमेत गरे । उनले डक्टर अफ साइन्स गरेका छन् । नेपाली सम्राट व्यवसायी (मुगल) का रूपमा समेत सम्बोधन गरिने महतोको महतो ग्रुप अफ इन्डस्ट्रिजले करिब डेढ दशकदेखि विभिन्न क्षेत्रमा लगानी गर्दै आएको छ । महतोको नेपालबाहेक युरोप, एसिया, उत्तर अमेरिका र अफ्रिकामा विभिन्न उद्योग, व्यवसाय सञ्चालनमा छन् ।
पूर्वाधार, अस्पताल, कलेज, रियलस्टेट, बैंकिङ, इन्स्योरेन्स, सञ्चारलगायतका विविध क्षेत्र गरी महतोको नेपालमा १५ भन्दा धेरै ठूला कम्पनीमा लगानी छ । महतोलाई सन् २०१० मा नेपाल सरकारले सुप्रबल जनसेवा सम्मान प्रदान गरेको थियो । त्यस्तै, उनले सन् २००७ मा रुसमा इन्टरनेसनल एकेडेमी अफ म्यानेजमेन्टको आयोजनामा भएको कार्यक्रममा वर्ष व्यवस्थापकको सम्मानसमेत पाएका थिए ।
पछिल्लो समय अर्बपति नेपाली मूलका शेष घले आफ्नै छाप छाड्न सफल भएका छन् । लमजुङमा जन्मिएका घले अहिले अस्ट्रेलियाका ८१ औँ धनीमा पर्छन् । उनी र उनकी श्रीमती जमुना गुरुङसँग हाल २६ अर्बभन्दा धेरै सम्पत्ति छ ।
नेपालमा इन्जिनियरको जागिर छाडेर अस्ट्रेलिया पुगेका घले पत्रिका बाँड्नेदेखि होटलका कामसमेत गर्दै अगाडि बढे । उनले व्यवस्थापनमा स्नातकोत्तर गरेपछि कलेजमै काम थाले । २/३ वर्ष काम गरेपछि उनमा आफैँले कलेज खोल्ने सोच आयो । तर, आर्थिक मन्दीका कारण भएकै जागिर पनि गयो । सन् १९५५ मा आवासीय भिसा पाएसँगै आफ्नै सोचमा काम थाले ।
उनको मेलबर्नमा रहेको मेलबर्न इन्स्टिच्युट अफ टेक्नोलोजीमा ३ हजारभन्दा धेरै विद्यार्थी अध्ययन गर्छन् । नेपालमा उनको ८ अर्बभन्दा बढी लगानीमा होटल शेराटन निर्माण भइरहेको छ । युरोपमा समेत केही हाइड्रोमा समेत लगानी गरेका घलेले सिन्डिकेट अन्त्य गर्न भूमिका खेलेको मयुर यातायातमा समेत लगानी गर्ने चर्चा छ । घले गैरआवासीय नेपाली संघका निवर्तमान अध्यक्षसमेत हुन् । घले नेपाल पुनर्निर्माण कोषका लागि गुडविल एम्बेसडरसमेत घोषणा भएका थिए ।
अहिले अर्बपतिकै सूचीमा रहेका जीवा लामिछानेको जीवनकथा पनि रोचक छ । इन्जिनियर विद्यार्थीका रूपमा रुस पुगेका उनले छुट्टीमा अन्य देश घुम्दा किनेका विशेषगरी विद्युतीय सामान बेचेरै पैसा बचत गर्न थाले । उनले अध्ययन सकिएपछि पनि विद्युतीय सामान बेच्ने काम गरे । लामिछानेले पनि नेपाल सरकारबाट प्रबल जनसेवाश्री सम्मान पाएका छन् । अन्य गैरआवासीय नेपालीको समेत लगानीमा सञ्चालनमा रहेको सानिमा बैंक, मेडिसिटी हस्पिटललगायतमा लामिछानेको लगानी छ । एनआरएनए निर्माणमा समेत योगदान दिएका लामिछाने दोहोरो नागरिकता दिलाउन पहल गर्नेमध्येका एक हुन् ।
हस्पिटालिटीको प्रतिविम्बका रूपमा चिनिने हालका अध्यक्ष तथा व्यवसायी भवन भट्ट छुटाउन नहुने अर्का एनआरएनए नेपाली हुन् । टीबीआई नेपाल समूहमार्फत उनले २६ भन्दा बढी कम्पनीमा लगानी गरेका छन् । जापानमा भाषा अध्ययन गर्ने विद्यार्थीका रूपमा प्रवेश गरेका भट्ट अहिले त्यहाँ ७८ वटा रेस्टुराँ सञ्चालन गर्छन् । हाल टीबीआई समूहको लगानी भारत, अमेरिका, बेल्जियम, अस्ट्रेलिया, हङकङ र जापानसम्म फैलिएको छ । नेपालमा हवाई, कलेज, उद्योग तथा रिसोर्टमा टीबीआईको लगानी छ । टीबीआई फुडले मात्रै ७८ वटा रेस्टुराँ सम्हालिरहेको छ ।
विदेशमा रहेर नेपालको साख फैलाउनेदेखि देशमा लगानी भित्र्याएर आर्थिक विकासमा टेवा पुर्याउने आप्रवासी नेपाली यति मात्र छैनन् । अमेरिकाको डेमोक्रेटिक नेसनल कन्भेन्सनमा पुग्ने पहिलो नेपालीको रेकर्ड बनाएका दर्शन रौनियारदेखि गैरआवासीय नेपाली संघकै पूर्वअध्यक्ष देवमान हिराचन यस्तै छुटाउन नहुने नाममा पर्छन् । हिराचनको लगानी रहेको ग्लोबल क्यापिटल इन्भेस्टमेन्ट लिमिटेडले नेपालमा अग्र्यानिक कृषि उत्पादनमा काम गरिरहेको छ । कम्पनीले सन् २०१५ मा वल्र्ड क्वालिटी कमिटमेन्ट अवार्डसमेत पाएको थियो ।
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...