बंगलादेशी गोर्खा
१ सय ५० वर्ष पुरानो इतिहास रहेको बंगलादेशी गोर्खा बंगलादेशमा ममनसिङ, भोला, रंगमाटीलगायत स्थानमा बस्छन् ।
पृथ्वीनारायण शाहले विसं १८०१ बाट गोर्खाबाट थालेको नेपाल विस्तार अभियान अफगानिस्तानसम्म पुगेको थियो । गोर्खाली बहादुरीका किस्साहरु अझै भेटघाटमा चर्चाको विषय बन्छन् । तिनै गोर्खाली दक्षिण एसियाली मुलुक बंगलादेशमा समेत छन् ।
१ सय ५० वर्ष पुरानो इतिहास रहेको बंगलादेशी गोर्खा बंगलादेशमा ममनसिङ, भोला, रंगमाटीलगायत स्थानमा बस्छन् । ढाकाबाट ३ सय ४ किमि टाढा चटगाउँ हिल ट्रेक्समा पर्ने रंगमाटीमा करिब ५ सयको संख्यामा गोर्खालीहरु बस्छन् ।सन् १८७१ मा इस्ट इन्डिया कम्पनीको एउटा बटालियन कुकी विद्रोह दबाउन जाँदा गोर्खाली त्यहीँ बसेको मानिन्छ ।
नेपाली भाषा थोरै बोल्ने मनोजबहादुर गोर्खा रंगमाटी क्षेत्रका संगीत प्रशिक्षक तथा स्थापित कलाकारहुन् । मनोजकै नेतृत्वमा सक्रिय ‘सुर निकेतन’ बाट बंगलादेशी गोर्खाली कलाकार काठमाडौँ आउँदैछन् । सो संस्थाले नेपाली, बंगाली र अन्य स्थानीय भाषामा गीत–संगीत प्रस्तुत गर्नेछ ।
मनोजबहादुर गोर्खागोर्खाली पुर्खाका छैटौँ पुस्ता हुन् । स्थानीय रहनसहन र वातावरणमा घुलमिल भइसकेका बंगलादेशी गोर्खाहरु आफ्नो पुर्खाको संस्कृतिलाई जेनतेन बचाइरहेका छन् ।
२५ असारमा राष्ट्रिय नाचघरमा आयोजना हुने कार्यक्रम सांस्कृतिक संस्थान र सिस्नुपानी नेपालले संयुक्त रुपमा गर्दैछन् । कार्यक्रममा बंगालादेशी गोर्खालीहरुले गीत–संगीत प्रस्तुत गर्दैछन् । मनोजबहादुर भन्छन्, “जे खाने थाकी, जे भावे थाकी, मोन आमार गोर्खाली ।”(जहाँ भएपनि, जहाँ रहेपनि यो मन त हाम्रो गोर्खाली हो ।)
सिस्नुपानी नेपालका उपाध्यक्ष तथा हास्यव्यंग्यकार मनोज गजुरेल भन्छन्, “परिस्थितिले टाढा हुन पुगेका हाम्रा दाजुभाइलाई संस्कृतिले पुनः नजिक बनाउने प्रयास हो । सयौँवर्षअघि मूलभूमि नेपालबाट छुटेर विभिन्न देशका नागरिक हुन पुगेका आफन्तलाई पितृभूमिसँग जोडिराख्ने कार्यक्रममा सबैलाई सहकार्यका लागि अनुरोध छ ।”
सम्बन्धित
पर्फ्युममा सुँघ्ने क्षमतासँगै अस्तित्वको खोजी र ग्रनोई अवचेतन रूपमै मृत्युको नजिक रहेको दे...
सिनेमामा गन्धको प्रस्तुति
गरिरहेका काम जहाँको तहीँ थाती राखेर क्वारेन्टाइन पसेका रंगकर्मीको उकुसमुकुस ...
नाटकघरमा उज्यालो फर्केला ?
अमेरिकन आइडल–२०२० को उपाधि चुम्न आतुर नेपाली ठिटो...
'भाषा हटाइदिनुस्, भावना उस्तै हुन्छ'
बलिउडमा स्थापित भन्दा फरक पृष्ठभूमिबाट सिनेक्षेत्रमा प्रवेश गरेका इरफानको संघर्ष आफैंमा एउ...
इरफानको शक्तिशाली समय
लकडाउनमा सेलिब्रिटी दैनिकीः पारिवारिक पुनर्मिलन, सिर्जनात्मक रचनादेखि जनचेतनाका आवाजसम्म...
सेलिब्रिटीका लकडाउन सिर्जना
च्याम्पियनका अन्य प्रतिस्पर्धीले कन्टेन्टका लागि माथापच्ची गरिरहादा हिमेश भने तु लेखिसक्थे...