सोमाको गुरुदक्षिणा
बबरमहलस्थित नेपाल कला परिषद्मा सोसाइटी अफ मोर्डन आर्टिस्ट अर्थात् सोमाले कलापुञ्ज ५ शीर्षकमा पाँचौँ चित्र प्रदर्शनी गरिरहेको छ ।
हिन्दु मिथकअनुसार द्वापर युगमा द्रोणाचार्य सर्वश्रेष्ठ गुरु थिए । उनीबाट धनुविद्या सिक्न एकलव्यले निकै कोसिस गरे । सामान्य परिवारमा जन्मिएकै कारण उनले द्रोणाचार्यबाट सिक्न त पाएनन् । तर द्रोणाचार्यलाई गुरु मानी धनुविद्याको स्वअभ्यास गरे । र, द्रोणाचार्यलाई आफ्नै हातको बूढीऔँला काटेर गुरुदक्षिणा टक्र्याए । गुरुलाई सम्मान गर्ने एकलव्यको यो अजीव तरिका थियो ।
यस्तै, रचनात्मक तरिका अपनाएका छन्, जीवन राजोपाध्याय, शंकरराजसिंह सुवाल, शंकरनाथ रिमाललगायतका १६ कलाकारले । यी कलाकारका गुरु हुन्– मूर्धन्य कलाकार लैनसिंह बाङ्देल ।
बबरमहलस्थित नेपाल कला परिषद्मा सोसाइटी अफ मोर्डन आर्टिस्ट अर्थात् सोमाले कलापुञ्ज ५ शीर्षकमा पाँचौँ चित्र प्रदर्शनी गरिरहेको छ । ५ देखि ९ भदौसम्म हुने प्रदर्शनीमा करिब ९० चित्र समावेश छन् । प्रदर्शनीमा विश्व तापमान विषयमा एक्रेलिक अमूर्त चित्रदेखि पानीरङका ल्यान्डस्केप, तेल रङमा गणेशको अर्ध अमूर्तलगायत चित्र मनमोहक छन् ।
आफ्ना गुरु र सोमाबारे गफिए, कलाकार जीवन राजोपाध्याय । उमेरले ६० कटेका कलाकार राजोपाध्याय नै समूहका सबैभन्दा कान्छा हुन् । समूहमा ८६ वर्षे कलाकार चिनीकाजी ताम्राकार पनि छन् । सोमाका महासचिव राजोपाध्यायका अनुसार इतिहासका विभिन्न चरणमा लैनसिंह बाङ्देलसँग आधुनिक कला सिकेका कलाकार ०६४ तिर भेला भई संस्था स्थापना गरे, सोमाको रुपमा ।
०३६ तिर भेटे बाङ्देललाई राजोपाध्यायले । त्यसबेला उनी भर्खर ललितकलामा स्नातक सकाएर बसेका थिए । बाङ्देलले आफू युरोपमा बसेर सिकेको कला यताका कलाकारलाई सिकाउन चाहेको थाहा पाएपछि उनीलगायत केही कलाकार प्रत्येक शनिबार नेपाल कला परिषद् भवनको माथिल्लो तलामा चित्र कोर्न बस्थे । गुरुबाट सबैले केही न केही सिके तर उनले भने रङसँग खेल्न सिके । भन्छन्, “मैले उहाँसँग क्यानभासमा कसरी रङ परिपक्व तरिकाले पोख्ने भन्ने सिकेँ ।”
हुन पनि प्रदर्शनीमा राजोपाध्यायले बनाएको अमूर्त चित्रमा रङ प्रयोग अधिक छ । मुख्यतः उनले पहेँलो, सुगा, सुन्तला तथा नीलोसँग खेलेका छन् । ल्यान्डस्केप चित्र बनाउने उनी पछिल्लो समय अमूर्त चित्रमा रमाइरहेका छन् । एउटै प्रकृतिको चित्र बनाइरहँदा वाक्क भएपछि बिस्तारै अमूर्ततिर ढल्केको बताउँछन्, राजोपाध्याय । मुडले पनि रङ छनोटमा फरक पर्ने भन्दै उनले यस पटक प्रदर्शनीमा पेन्टिङ राखेपछि झसंग भएको सुनाए । भन्छन्, “२ वर्षअगाडि पत्नीको स्वर्गारोहण भयो । कतिखेर कालो रङमा ब्रस चलिसकेछ, अहिले पो देखेँ ।” उनका सबै पेन्टिङमा कालो रङ भेटिन्छन्, कतै यो उनको आर्टथेरापी शैली पो हो कि !
सम्बन्धित
पर्फ्युममा सुँघ्ने क्षमतासँगै अस्तित्वको खोजी र ग्रनोई अवचेतन रूपमै मृत्युको नजिक रहेको दे...
सिनेमामा गन्धको प्रस्तुति
गरिरहेका काम जहाँको तहीँ थाती राखेर क्वारेन्टाइन पसेका रंगकर्मीको उकुसमुकुस ...
नाटकघरमा उज्यालो फर्केला ?
अमेरिकन आइडल–२०२० को उपाधि चुम्न आतुर नेपाली ठिटो...
'भाषा हटाइदिनुस्, भावना उस्तै हुन्छ'
बलिउडमा स्थापित भन्दा फरक पृष्ठभूमिबाट सिनेक्षेत्रमा प्रवेश गरेका इरफानको संघर्ष आफैंमा एउ...
इरफानको शक्तिशाली समय
लकडाउनमा सेलिब्रिटी दैनिकीः पारिवारिक पुनर्मिलन, सिर्जनात्मक रचनादेखि जनचेतनाका आवाजसम्म...
सेलिब्रिटीका लकडाउन सिर्जना
च्याम्पियनका अन्य प्रतिस्पर्धीले कन्टेन्टका लागि माथापच्ची गरिरहादा हिमेश भने तु लेखिसक्थे...