अपराधमा पनि परनिर्भरता
नेपालमा पानी ल्याउन चिनियाँ आइदिनुपर्ने, बिजुली ल्याउन चिनियाँ आइदिनुपर्ने, बाटो खोल्न चिनियाँ आइदिनुपर्ने । अब हुँदाहुँदा एटीएम चोर्न पनि चिनियाँ नै आइदिनुपर्ने
राजधानीमा फेरि एक बथान चिनियाँ अपराधी पक्राउ परेछन् । एकैचोटि १ सय २२ जना । नेपालमा चिनियाँ सहयोग बढिरहेको छ भन्थे, हो रहेछ । ६ महिनाअघि ६–७ जना पक्राउ परेका थिए । अब त्यो संख्या ह्वात्तै बढेर १ सय २२ पुगेछ । चीनले जस्तो विकास हामीले कहिले गर्ने हो खोइ ?
चीन यति तीव्र गतिमा अघि बढिरहेको छ । हामी भने हरेक कुरामा परनिर्भर हुँदै गइरहेका छौँ । हुँदाहुँदा अब अपराधमा समेत हामी परनिर्भर हुने अवस्था आइसकेको छ । परनिर्भरताको योभन्दा ठूलो दुर्दशा अरु के होला ? नेपालमा पानी ल्याउन चिनियाँ आइदिनुपर्ने, बिजुली ल्याउन चिनियाँ आइदिनुपर्ने, बाटो खोल्न चिनियाँ आइदिनुपर्ने । अब हुँदाहुँदा एटीएम चोर्न पनि चिनियाँ नै आइदिनुपर्ने, अन्तर्राष्ट्रिय अपराध गर्न पनि चिनियाँ नै आइदिनुपर्ने ! ए बाबा, कमसेकम अपराधमा त हामी आफैँ आत्मनिर्भर बनौँ । अपराधसमेत हामीलाई अरुले आएर गरिदिनुपर्ने ?
निराश भएका मानिस भन्ने गर्थे– अब यो देशको भविष्य छैन । अहिलेचाहिँ मलाई पनि त्यस्तै लाग्न थालेको छ । हाम्रोमा रेमिट्यान्स विदेशबाट आउँछ, आर्थिक सहयोग विदेश–विदेशबाट आउँछ, कारखाना खोल्नुपरे विज्ञ विदेशबाट आउाछन्, अब त बालुवा बोक्ने ज्यामीसमेत विदेशबाट आउँछन् । अहिले त स्थिति कहाँसम्म पुग्यो भन्दा अपराध गर्ने अपराधीसमेत विदेशबाट आउन थालिसके । जम्मै कुरा विदेशीले गर्ने हो भने हामीचाहिँ के गर्ने नि ? अनि यस्तो देशको भविष्य होला र ?
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...