होन्डाको डर्ट बाइक
नेपालमा होन्डाको अल न्यु एक्सआर–१९० एल लन्च भएको छ । नेपाली बजारमा आएको यो होन्डाको नयाँ डर्ट बाइक हो । यसअघि होन्डाकै एक्सआर–१५० एलले पनि नेपालमा राम्रै बजार ओगटेको थियो । जसलाई नेपालमा सबैभन्दा बढी बिकेको डर्ट बाइक भनेर दाबी पनि गरिएको छ ।
![होन्डाको डर्ट बाइक होन्डाको डर्ट बाइक](http://nepal-assets-api.ekantipur.com/thumb.php?src=http://nepal-assets-cdn.ekantipur.com/uploads/source/news/2018/others/xr-190-l-copy-13022018105245.jpg&w=900&height=601)
नेपालमा होन्डाको अल न्यु एक्सआर–१९० एल लन्च भएको छ । नेपाली बजारमा आएको यो होन्डाको नयाँ डर्ट बाइक हो । यसअघि होन्डाकै एक्सआर–१५० एलले पनि नेपालमा राम्रै बजार ओगटेको थियो । जसलाई नेपालमा सबैभन्दा बढी बिकेको डर्ट बाइक भनेर दाबी पनि गरिएको छ ।
यो डर्ट बाइकमा १ सय ८४ सीसीको सिंगल सिलिन्डर इन्जिन छ । यो इन्जिनले १४.८८ ब्रेक हर्सपावरको अधिकतम शक्ति निकाल्छ । पावर र परफमेन्सको राम्रो संगम नै यो डर्ट बाइकको सकारात्मक पक्ष हो । यसले ३० देखि ३५ किलोमिटर प्रतिलिटरको माइलेज दिने दाबी गरिएको छ । डर्ट बाइकका लागि यत्तिको माइलेज राम्रै मानिन्छ ।
पाँच गियर रहेको यो बाइकमा १२ लिटर क्षमताको फ्युल ट्यांक छ । यो बाइकको ग्राउन्ड क्लियरेन्स २ सय ४५ मिलिमिटरको छ । र, नेपालमा यो बाइकको मूल्य ५ लाख ७० हजार रुपियाँ तोकिएको छ ।