साताका ७ स्टोरी
साताका ७ स्टोरीमा चीनको फर्बिडन सिटीदेखि ग्रामी अवार्डमा मनोनित मनोजसिंह नेवासम्म ।
१) बलिउडमा हिरोइनको मानक भत्काउँदै छिन् भूमी पेड्नेकर
डेब्यु फिल्ममा शरीरको वजन घटाएर चिरिच्याट्ट देखिन मरिहत्ते गर्छन्, हिरोइनहरू । ‘राम्री’ नदेखिए किनारा लाग्ने भय हुन्छ । ग्ल्यामर क्षेत्र हुनुको नाताले हिरोइनलाई ‘स्लिम’ हुनैपर्ने दबाब हुन्छ तर भूमी पेड्नेकरले यी सब मान्यतालाई चुनौती दिइन् । पहिलो फिल्म दम लगाके हैसाका लागि झन्डै ३० केजी वजन बढाइन् । फिल्ममा मोटी दुलहीको भूमिकामा थिइन् । फिल्म ‘स्लिपर हिट’ को सूचीमा दरियो । समीक्षकले खुलेर प्रशंसा गरे, ‘भूमीको चरित्र साहसिक र अभिनय जीवन्त छ ।’ गोकर्ण गौतमको स्टोरी विस्तृत पढ्नुस्
२) भट्टीपसलमा उमिरहेकी बूढी [नारायण ढकालको कथा]
गल्पकारले फूलमाया थसुल्लीको प्रश्नको जवाफ नदिंदै भट्टीपसलमा एउटा सत्तरी वर्ष नाघेको बूढो मानिस पाइलट चुरोट फुसफुस फुक्दै आइपुग्यो र सामुन्ने उमिरहेकी बम्बैबुढीलाई एकपल्ट क्रूरतापूर्वक घुर्दै अर्को छेउमा गएर बस्यो । ऊ गल्पकारभन्दा लगभग बीस वर्षजति जेठो थियो । उसले खैरा कमिजसुरुवाल र कालो इस्टकोट लगाएको थियो । टाउकोमा खजमजिएको पुरानो ढाकाटोपी थियो । खुट्टामा तलुवा खिइएको चप्पल थियो । उसको अनुहारमा चाउरीका अनेक राजमार्ग देखिन्थे । नियमितजसो रक्सी खानाले उसका चिम्से आँखाका दुवै डिल सुन्निएका थिए । नारायण ढकालको प्रकाशोन्मुक कथासंग्रह 'तमस' को एउटा कथा 'भट्टीपसलमा उमिरहेकी बूढी' विस्तृत पढ्नुस्
३) विनयशील जीवनको अन्त्य
पञ्चायतकालदेखि नै कसजू अनुत्तरदायी शासन व्यवस्थाबाट विरक्तिएका थिए । त्यसैले बहुदल आएपछि नेताका भाषणवाजी, खोक्रो आश्वासन र शक्तिपूजावरिपरि गरिने पत्रकारिताबाट उनी टाढा रहे । सशक्त जनगणको निर्माण नै उनको पत्रकारिता–ध्येय बन्यो । पत्रकार तथा साहित्यकार विनय कसजूको सम्झनामा भास्कर गौतमको लेख विस्तृत पढ्नुस्
४) उपनिर्वाचन : अन्तिममा म:म र चाउमिन !
मुख्य प्रतिस्पर्धी ठानिएका नेकपा र कांग्रेसका शीर्ष तहका सबैजसो नेताहरू चुनाव प्रचारमा खटिए । ठूलासाना चुनावीसभा गरिए । पार्टीहरूले गच्छेअनुसार कार्यकर्ता परिचालन गरे । तर स्वतन्त्र निकायबाट चुनावी अनुगमन तथा पर्यवेक्षण भने भएको देखिएन । उपनिर्वाचन जितेर कांग्रेस सरकारमा पुग्ने अवस्था होइन, न त हार्दैमा नेकपाको सत्ता खोसिने स्थिति छ । तैपनि पार्टीहरूले चुनावलाई प्रतिष्ठाको विषय बनाउँदा अस्वस्थ प्रतिस्पर्धा चिलएको छ । तस्बिरमा कास्की २ मा नेकपा उम्मेदवार विद्या र कांग्रेस उम्मेदवार खेमराज। पढ्नुस् जनक नेपालको रिपोर्ट विस्तृतमा
५) मेडिकल शिक्षा : सरकार कि बजारको नियन्त्रणमा ? [नेपाल राउन्ड टेबल]
मेडिकल कलेजहरूले सरकारले तोकेभन्दा बढी शुल्क लिएपछि चिकित्साशास्त्रका विद्याथीहरू आन्दोलित भए । विद्यार्थीसँग लिएको थप शुल्क फिर्ता गर्न मेडिकल कलेज सञ्चालकहरूले सरकारसँग सहमति नै गरेका छन् । तर विद्यार्थी आन्दोलन रोकिएको छैन । चिकित्सा शिक्षामा राज्य कहाँ चुक्यो ? नियमनकारी निकायहरूको दायित्व के हो ? मेडिकल कलेजहरू विद्यार्थीबाट मनोमानी शुल्क किन उठाउँछन् ? विस्तृत पढ्नुस् राउन्ड टेबलमा वक्ताहरूको निष्कर्ष
६) बाँसुरीमा औंला नचाउँदै ग्रामी अवार्डमा मनोनित मनोजसिंह नेवा को हुन् ?
संगीतका लागि विश्वकै सर्वोच्च पुरस्कार मानिने ग्रामी अवार्डमा नेपाली संलग्न संगीत सिर्जना मनोनयनमा परेको यो पहिलो अवसर हो । अमेरिकाको सानफ्रान्सिस्कोमा बस्दै आएका मनोज, जर्मनीकी देवा प्रेमल र बेलायतका मिटेनको संयुक्त एल्बम ‘देवा’ ग्रामीको ६२ औं संस्करणको 'बेस्ट न्यु एज एल्बम' विधामा छानिएको हो । बौद्धमा जन्मे-हुर्केका मनोज बाँसुरीको धुनसँगै कसरी ग्रामीसम्म पुगे ? यात्रा रोचक छ । गोकर्ण गौतमको विशेष सामग्री विस्तृतमा पढ्नुस्
७) सीले तोडेको प्राचीन निषेधाज्ञा
चीनमा जनगणतन्त्र आएको यतिका वर्ष भइसक्यो । तर फर्बिडन सिटी भनिने यो दरबारमा चिनियाँ राष्ट्रप्रमुखहरू कहिल्यै पनि छिरेनन् । पटकपटक उनीहरू सो दरबारको नजिकसम्म पुगेर बार्दलीबाट चोकमा रहेका जनतालाई सम्बोधन गरे तर भित्रैसम्म कहिल्यै पुगेनन् । विभिन्न राष्ट्रिय तथा अन्तर्राष्ट्रिय समाचारहरूमा पनि ‘माओलगायतका केही नेता यति मिटरभित्रसम्म छिरे, उति मिटर बिच्छ्याएको रातो कार्पेटमा टेके’ भन्ने खालका समाचार देखिन्थ्यो । तर सन् २०१७ को नोभेम्बरमा अमेरिकी राष्ट्रपति डोनाल्ड ट्रम्प दम्पती र चिनियाँ राष्ट्रपति सी चिनफिङ दम्पती ६ सय वर्ष पुरानो चीनको निषिद्ध दरबारमा देखा परे । लक्ष्मी लम्सालको साम्रग्री विस्तृत पढ्नुस्
सम्बन्धित
अमेरिकाले बर्सेनि निकाल्ने आतंकवादसम्बन्धी प्रतिवेदन नेपालबारे फेरिएको धारणा...
नेपाललाई 'आतंकवादको हब' मान्ने अमेरिकी धारणा कसरी परिवर्तन भयो ?
लकडाउनपछि आफ्नो मुलुक फर्किएका भारतीय मजदुर सम्पर्कमै आएनन्, रेडजोनमा परेका स्वदेशकैलाई ल्...
उद्योग चलाउनै मुस्किल
सात दशकयताको दलीय तानातानको शिकार बन्दै आएको नागरिकता मुद्दामा यसपल्ट पनि विगतकै राजनीतिक ...
नागरिकतामा किन सधैँ किचलो ?
केन्द्रीय अनुसन्धान ब्युरो, बाग्मती प्रदेशसहितको सिन्धुपाल्चोक, काभ्रे र प्रदेश २ सर्लाहीब...
आश्रममै रहे पनि किन पक्राउ पर्दैनन् बमजन ?
मुख्यमन्त्री शंकर पोखरेललाई प्रदेशमा आएर केन्द्रीय भूमिका गुम्ने भय, पार्टी इन्चार्ज र अर्...
ओलीका ‘अलराउन्डर’ विश्वासपात्र
कोरोना महामारीले खर्च घटाउन र प्रशासनलाई चुस्त राख्न सबक सिकाए पनि अनावश्यक खर्च कटौतीमा भ...